|
حياتي تنهار كليّاً الله يستر من النهاية
بسم الله الرحمن الرحيم السلام عليكم ورحمة الله وبركاته اخواني يعلم الله ما كتبت الموضوع الا لانها ضاقت علي الطرقــ وتعبت من التفكير وامسيت بلا حيله ! بدات قصتي عندماحدثت مشكله بيني وبين امي (خاصه) وبعدها تقدم لخطبتي ابن خالتي رفضته لاني ما ابيه من كنت صغيره ما اطيقه ومش متعلم وما ارتاح له المهم ما وافقت لكن امي وجدتي اقنعوني انه ولد خالتك احسن من الغريب ...الخ وتحت الضغط وافقت ملكت ! وظليت سنه كامله مملكه واهلي ضد المكالمات بين الخطيبين ! انهيت فترت دراستي وتزوجت في البدايه كان مثالي ! لدرجة اني قلت مستحيل يكون هذا الشخص اللي اعرفه !! طبعا ظل ممعي اسبوعين (شهر عسل !) المهم انا رجعت معاه لدمام عشان استلم شهاداتي واقدم اوراقي لتوظيف بس ماقلت له - لاني ابي اتوظف في هذي المنطقه - واساسا من شروط زواجي انه مايتدخل بوظيفتي باي مكان او زمان ) بعد انقضاء اسبوعين رجع للقصيم عشان شغله بقيت عند اهلي وبعد اسبوعين وبالتممام بتاريخ 25 رجع عندي وجلس 5 ايام خلص راتبه اللي كان يقول لي انه 4 الاف وطلع 1200 ريال بعد خصم اقساط القروض ! سكتت وماناقشت بموضوع الراتب رجع لدوام --حصل موقف غريب جدا ً اتصل علي زوجي بنص الليل يسئلني انتي فلانه ولا فلانه ! استغربت وبعد 10 دقايق اكتشفت انه (سكران) اعوذ بالله انصدمت وعطيته جوه وسحبته بالكلام ورحت لامي وحطيت الجوال على السبيكر وسمعت وانصدمت - سكرت جوالي كم يوم وهو يتصل على اخواني مستغرب يقول لايكون تعبانه ولا شي اخر شي رسلت له رساله انه انت قلت كذا وكذا ... الخ المهم انتهى المووضوع على انه كلم امي وقال لها ستري علي ياخالتي شكلي كثرت !! امي تحملت وقاحته وقالت خلاص _اعترف لها يعني انه يسكر __ بعدها نصحته ...الخ بتاريخ 25جاء عندي مره ثانيه وانا عند اهلي الوضع كالتالي (نطلع من بيت اهلي يستاجر شقه مفروشه - يتنقل من شقه لشقه واذا خلصت فلوسه نرجع بيت اهلي ويمشي اليوم الثاني ) ليش صبرت على هالوضع قلت يمكن مؤقت وراح ينقل هنا اذا سمع بتوظيفي ويتعدل وضعه ويتوب واعدل منه في شهر رمضان حصلت على عقد الوظيفه + خبر حملي المهم في كل مره اكتشف في زوجي اشياء غريبه مثل ضنه انه مسحور وانه يقدر يرقي الناس وكثرة كلامه عن العقيق اليماني وانه يقول لي اقرئي ايات معينات في اوقات معينه ولو كلمتك فجئه وقلت اقرئي الايه الفلانه اقرئيها .. اشياء غريبه تخليني اخاف منه.. مع انه محافظ على الصلاه لكنه لايترك الحديث عن العائله ومشاكلها وفلان مسحور وانا يوم كنت جاهل كلمت الساحر الفلاني و...الخ تقريبا كل مره تسؤء احوالنا مع بعض وكل مره اطفش منه كثير تهاوشنا كثير وغاب شهر ورجع وانا في الشهر الرابع كان عادي ومتحمس لطفل.. قلت له اني بروح مع امي لسوق ..(لم تكن صيغة استئذان بقدر ماكان تبليغ له ) قلت المغرب ارجع ونطلع سوا قبل المغرب كلمني اخوي يقول زوجك سافر لاهله بدون سبب طلع بدون مايودعني خفت عليه وقلقت اتصل مايرد بعد يومين تتصل اخته تستهبل تقول اخوي ضاع وكذا وتهاوشت معاها وقلت بلا سخافه تعرفين اني حامل وما تحمل خرابيط وصارت هوشه مع اخته بعدها ما اتصل ولا جاء ولا شي !! واخر شي قرر قال اذا زوججتي تبيني تجي عندي بالقصيم غير كذا مافيه سكت ولا اتصلت عليه ومرت 6 شهور !! كملت فترة حملي وولدت .. تتوقعون رجع وشافني لا !! ولدتت وجبت بنتي ولا حضر للمستشفى طبعا بعمليه قيصريه وكان مستشفى خاص وبعد اسبوع جات امه تشوفني وتسلم علي وتناقشنا بالموضوع قالت اهو يبقى بطاقة العائله حقته !! قلت وش يبي فيها انا احتاجها لتطعيم ماراح اعطيكم وهو وينه مايجي يخلص اوراق بنته ويشوفها... تناقشنا ونتيجه النقاش اانه اذا ماتبينه اطلبي طلاق بالمحكمه وهو يطلقك خلصت الاربعين ولا جاء شاف بنته بعد ماتمت شهرين رحنا للقصيم نحضر زواج خالي وفي بيت جدتي حصل عشا وحضر مع اهله وكل اهلنا وجات خالتي وخذت البنت عنده سلم عليها ورجعها قال بكل بساطه خلو اهلي يستعدون يروحون معاي شقه مفروشه !! طبعا رفضت :) كرامتي ماتسمح لي بعد كل هالهجر بدون سبب وسوؤ االاخلاق ييرجع يدور مصالحه ومتعته الشخصيه فقط لا غير رفضت وبعد ماتكلم ابوي وابوه قال ابوه بس نبغى الكرت تبع العائله !! ابوي من التعصيب قال وينه ماشاف اهله .... وقال كل كلام منطقي وحشششرهم بالكلام تفشلوا قال خلاص ادفع قيمة تكاليف الولاده اللي البنت دفعتها على نفسها وبعدها اعطيك كرتك وخلص اوراق بنتك اللي بدون شهادة ميلاد للحين !! وانتهى الموضوع وصار له شهر الوضع كذا بس ارسل مسج يهددني فيه انه بيحرمني مها مثل ماحرمته فرحتها !! طبعا صارت اخته تمشي مع الناس وتسوي اشاعات تقول البنت ماتصلي والبنت تسكر !! وهو اصلا مايبيها وحسبي الله ونعم الوكيل ملاحظات (اتممت سنه زواج + طفله + ماعمره مد لي مصروف طول الفتره ولا حط بيت زوجيه عشان يقول يلله نسكن بروحنا+ راتبه مايغطي حياة+ انه يبيني اترك وظيفتي اللي قاعده اصرف على نفسي وبنتي منها واروح معاه لمكان مافيه الا الخراب والسكر يبي يصير عند خرابيطه) انا تعبت بالتفكير بهالموضوع وشاب راسي وربي شاب راسي تعبت حسيت نفسيتي تعبانه وشخصيتي مهزوزه وش الحل مع مثل هالفئه من الناس و الله من كثر ما اعيد بالقصه صرت انسى نصها واتخيل كل العالم عارفتها اتمنى تساعدوني وتنصحوني وش اعمل معاه |
نُقل للمكان المناسب .. المتزوجين |
تحية واحترام لو ما بينكم طفلة لكان رأيي أن تصلحوا الخطأ وتنفصلوا لكن بوجود طفلة عليك التفكير ملايين الأفكار قبل أن تقرري أي شيء قصتك مؤثرة لكن أراد الله لك هذه الظروف حافظي على ابنتك ووظيفتك وكوني مع الله في سرائك وضرائك لن يحل بك إلا الخير دعواتي لك ولطفلتك.. |
اتركيه يا أختي فهو لايصلح زوج وهذا لم يكن زواج من البداية لأن الزواج ما هو إلا مودة ورحمة واستقرار
ولم أجد فيما قلتينه أي من هذه الأشياء |
اتركيه افضل لك و لبنتك خاص انه مو متهم من البداية فيك
و اهلك هم في صفك لانك عايشه معاهم و شايفين انه مقصر و ما اعتقد ان راح يهتم في البنت اذا اخذها هو ما اهتم فيها و لا شافها بس ما اقول غير ان الله يفرج همك و يشرح صدرك |
أختي الكريمة وفقك الله /
كان الله في عونك وربط على قلبك بالصبر من رأيي دعي والدك يتصرف مع هذا الزوج ونصيحه لاتتركي وظيفتك مهما كلفك الأمر ولاترجعي إلية إلا بشروط تأمن مستقبلك أنتي وابنتك مع هذا الزوج مثل السكن والنفقة .. أيضا لايستطيع ولايحق له أخذ الطفله لأن أنتي أحق بحضانتها منه فقط يهدد فلا تخافي وتوكلي على الله عزوجل .. أكثري من الدعاء والإستغفار والصدقة .. أسأل الله العلي العظيم أن يزيل همك ويفرج كربك ويجعل لكِ من كل ضيقاً مخرجا .. |
لو تقدرين تتحملين زوجج بعيوبه وتصبرين على تعديلها
اصبـــــــــــــــري لـكـــن اذا شايفه انك ماتقدرين على هذا فالاولى اشتري راحتج والبنت بحضانتك |
, لاحـول ولاقوة الا بالله !! الله يعينك ويلهمك الصـبر .. مثل ماقالت الأخت .. { ورده بين الثـلوج ~ لاتتركي وظيفتك لو مهما كلفك الأمـر ... نصيحه لـوجه الله عزوجل .. وبنتك لو يجيب قبيلته كلها عشـان ياخذها مايقدر ياخذها الا اذا انتي بنفسك اعطيتيه ايـاها .. عشان كذا ماتروح معاه ابـدا .. ثالثا .. يبونك ترفعين بالمحكمه انك تبين تتطلقين ... عشان يردون ماخسروه عليك ... عشـان كذا .. خليه وماطليـه الله لايـرده ومن نـاحية بنتك ... لو ابـوك واخوانك عندهم احد وااااااااااصل بالداخليه او المباحث .. يقدرون يشوفون وش مسوي من مصايب .. اتوقع زوجك عنده مصايب لليل .. واحس انه انمسك او انسجن بسبب السكر او المتـاجره .. فا هالشي راح يكون دليل لك لو كنتِ تبين الطلاق .. وبكذا لو يمووووووووت مايقدر ياخذ ببنتك لأنه غير اهل لتربيتها ... او تسجلين عليه مكالمات وهو سكراااااان الله يعافيه ولا يبتلينا ... يعني احسن لك تكوني ذكيـه بهالمسأله بس عشان مايقهرك وكفايه الي سواه فيك .. بجد انـا مو شايفه اي شي يخلي الواحد يفكر انه لازم ترجعين له لو انه صاحي وعاقل كان اقولك ارجعي واصبري .. عشان بنتك بس سكران ومصايبه وش كثرها .. على ايش ترجعين بنتك عند اب يشرب الخمـــــــــــــــر !! لا ويتعامل مع السحره !! اعوذ بالله منـه ... حصني نفسك وبنتك .. ولاتخلين لأحد من اهله مجال عليك .. انتبهي .. بجد شي يخوووووووف الله يكفيك شـره !! وادعي دااااااااااااااااائم { اللهم اكفنيه بما شئت } وان شـاءالله ربي يرد كيده وكيد كل من يتنوالك بشر بنحرهم ... |
ما أقول إلا الله يسامح أمج وجدتك وهذا هو النصيب
اختي الكريمة خلنا نكون واقعيين شوي من غير مثاليات....عشتي طول هذه الفترة تزوجتي وعشتي حياة زوجية لحالك تتخللها أيام اللي كان يقضيها معاج + حملتي وعشتي أيام حملك وولادة لحالك + عشتي الامومة بكل معانيها لحالك يعني انسان ماله أي ادنى دور في حياتك إلا انه كان سبب حملك فقط لاغير.... يعني حتى لو بقول اصبري....اصبري على ايش على اخلاقه ولا على اسلوبه ولا على دينه ولا على معاملته ولا معاملة أهله والله فكرت كثير قبل لا اقولك انفصلي مهما كان شي ما يرضيني ما راح ارضاه لك لكني وضعت نفسي في مكانك قبل لا ارد عليكي يعني حتى لو فكرتي تحافظين على الزواج وتصلحينه لكن الاصلاح يبيله جو مو رجال فلتان ماله ارض ولا سكن وين تلقينه هذا عشان تصلحينه...هجرج كل هالسنوات وكأنه العيد عنده وين راح تجيبينه عشان تصلحينه... والله ثم والله لو انا في مكانك كان ما قعدت في ذمته دقيقة ....الوحدة فينا كل يوم تفكر انها ترتقي بأفكارها ودينها واخلاقها عشان تنحج في بناء اسره وبيت سعيد ورقيها من رقي اسرتها وصلاحها من صلاح اسرتها لكن هالزواج غصب عنج يخليج توصلين لمستويات أدنى مما تتوقعين ومن غير الاشاعات اللي قامت تطلع ما شاء الله.... خذي بنتج وربيها وراح تتربى مثل ما الله قسم لها وكل انسان انولد ورزقه معاه سواء بأب أو من غير أب.....للأسف فعلا للأسف على رجوله زي زوجك....الرجولة مواقف ياناس مو ورقة زواج الوحدة لما تتزوج ايش يعني تتوقعون حاجتها في الزواج عشان تقول لصحباتها انا متزوحة لا معناها للبنت أكبر بكثير امن وامان وحمايه من الشرور الداخليه والخارجية ستر وغطا هذا ايش سوا الله يهديه فعلا الله يهدي ويهدي الجميع اللي على شاكلته..... استغفر الله العظيم |
فرج الله همك وأعانك يأختي
السكر من أقوى الأسباب التى تؤدي الى الأنفصال وأنتي أستخيري الله قبل أي قرار والله يكتب لك الي فيه الخير |
| الساعة الآن 10:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©