|
ساعدوني في تجهيز شنطة زوجي للسفر
السلام عليكم إن شاء الله تكونون بخير انا زوجي بيسافر عمرة وطبعا بيتم هناك كم يوم وهذه اول سفره يسافرها بعد زواجنا وفكرت اني أخذ له شنطة حلوة ومناسبة يعني لانه بس لكم يوم بس وازهب له اغراضه للسفر وكل لوازمه وأبيها تكون مفاجأة له قبل يوم من سفره وابي منك لو ما عليكم امارة تساعدوني بأفكاركم يعني شو الشنطة المناسبة وابيها ماركة وعملية للسفرات القصيرة وشو الوازم اللي أحطها له فيها ولو فيها افكار رومنسية يديدة ياليت تعلموني عليها أنتظر ردودكم علي ولكم مني كل الشكر |
أخيتي .............
في شنط في السوق احجام كثيره خذي الي تناسب لسفرية زوجك واختاري اللون الي يحبها صارت تتوفر الوان كثير من الشنط............ مثلاً حطي في في الشنطة شي يخصك زي شال قميص يحب يشوفه عليك ويكون معطر بعطورك الي يحبها عشان يحس انك جنبه وهو بعيد ................. وطبعاً وفري كل احتياجاته من لوازم شخصيه:26: حتى الشامبو تبعه لا تنسيه حتى يحس في نفسه ما يحتاج يجيب شي مدم زوجته حبيبته وفرة له كل اغراضه الشخصيه وخلت مو قاصر عليه شي :22:........... وهذا الي عندي ولو جات في بالي فكرة جديدة برجعلك واكتبها لك ........... سلامي لك اختك اشواق |
اضافة لكلام الشريف
ضعي رسالة بين ملابسه رسالة تعبرين فيها عن أشواقك وممكن تحطين ورد مجفف روووووووووووعة الله يرده بالسلامة |
افكار رومانسيه جيبي ورق رسائل صغير بحيث كل ورقه تتدخل في جيب القميص يكون على شكل قلب حب واكتبي عليه كلامات الحلوه والرومانسيه ( حبيبي احبك موت - مشتقتلك -- لا تتاخر علي يا عمري - محتجالك- الله يوفقك ويخليك الي - ولاتنسي تذكري بذكر الله لا اله الا الله )وحطي بعد روج احمر زهري الي تبي وقبلي الورقات وحطي عليهم من عطرك وكل ورقه حطيها بقطعه من ملابسه انشالله فكرتي تعجبك لاني انا هيك عملت وكثير انبسط عليها ...... |
اقتباس:
هلا بج اختي اشواق مشكووووورة على ردج عليي بس انا كنت ابي اعرف وين الاقي هالشنطة لاني ابيها هاند باج عمالية وخفيفة نوعية ممتازة ماركة يعني بس مدري وين الاقيها اللي يعرف وين الاقيها بالشارجة او بدبي يعلمني مرة ثانية مشكووووورة اشواق |
يروح ويرجع لك بالسلامه
وعمره مقبوله بإذن الله .. أنا ماراح أقولك أفكار رومنسيه .. راح أعطيك االلوازم الضروريه ... ممكن تجيبي شنطه صغيره أكبر من اليد تلاقيها عند بودي شوب وزهور الريف شنطه حمام وتحطي علبه شامبوا صغيره .. فرشه ومعجون .. صابون .. جل .. مزيل عرق ..أعواد تنظيف أذان يعني كل أغراض الشاور .. وتحطيها جوا شنطه الملابس وممكن تأخذي له فوطه حجم وسط .. شاحن جوال .. أعواد أسنان .. عطر .. طبعاً الملابس لاتنسينها :d وممكن تحطي له كيس فاضي علشان يحط فيه الملابس الوسخه إذا يستخدم علاج لاتنسيه .. ممكن تحطي فراش يكون صغير حمله أو شراشف بوسط الشنطه .. اتمنى أكون أفدتك لان هذي أغراضي كذا أجهزها |
اقتباس:
وأشكرج على مرورج وعلى فكرتج اللي وايد روعة |
اقتباس:
ما قصرتي فكرتج حلوة اشكرج على مرورج |
اقتباس:
مشكوووورة وايد على نصايحج القيمة وااااااايد استفدت منها لانه في اشياء كنت ناسيتنها:) |
اسمحولي اختلف معكم
قميص معطر .روج . وحركات الراجل طالع عمرة ياناس حطيله مصحف متوسط الحجم مريح للعين وكتاب اذكار. وكتاب عن مناسك العمرة واذكارها ربنا يرجعه بالسلامة ويتقبل منه |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©