|
محتارة هل أبرها
السلام عليكم ورحمة الله وبركاتة أحب استشيركم ياأعضاء منتدى الأسرة والمجتمع الأفاضل أمي بتسافر عند أخوها وتبغاني أروح معها يعني اروح بيت خالي وهذا البيت هو بيت اهل طليقي وأنا من تطلقت مازرتهم وأحس بخوف ومشاعر متناقضة ماأدري ابر أمي واروح معها ولا اجلس بالبيت أحسن . انا مادري كيف راح يستقبلوني وكمان اخاف يسمعوني كلمة تضايقني وخاصة أنا توني خرجت من صدمة ولدهم . انا محتـــــــــــــــــــــارة وأحب امي ويعز علي أزعلها .و بنفس الوقت أخاف كرامتي تنجرح دلوني جزاكم الله عني خير الجزاء وفرج كربكم |
والله موقف صعب
طيب هي ليه رايحه تزورهم ربما يكون قصدها تصليح الاحوال واكيد رح تلتقي بطليقك ما رح تكونني مرتاحه لا انتي ولا هم ولكن امر واقع والله اختي مع اولاد عمتها اهل طليقها عادي تشوفهم عند امي ولكن له عشرين سنه تاركه ابن عمتها وكل منهم تزوج وكون اسره كم ستجلسين هناك يوم واحد اسبوع شهر اذا يوم او اسبوع يمضي و لكن اكثر القاها صعبه |
اعتذري من امك باسلوب حلو
واكيد بتفهم لاتروحين بتذكرين كل شيء ووتتضايقين اهم شيء راحتك ياختي ماله داعي تذكرين الماااااااااااضي والله يرزقك باللي يعوضك وينسيك ماشفتي ياااااااااارب هذارأئي وانتي بكيفك |
قولي لامك
اخاف يقولون تترزز تبي ترد اذا اسمح خاطر امك من روحتك لاتروحين |
اعتقد مامتك رايحه عشان ترجع الاحوال
لانه لو كان غير كذا فالمفروض ان امك بنفسها تقوللك لا تجي معايا انا اروح كم يوم وارجع |
والله من جد موقف صعب .. لكن من الأفضل إذا ماتبغين ترجعين لطليقك لو رجعك لا تروحين أبداً لأنك بجد بتتضايقين وتتذكرين الماضي ولاغير فايدة وحاولين تتعذرين من أمك .. وإذا مازلتي تبغينه خصوصا إن طلاقكم كان غصب عنكم روحي مع أمك بس يوم يومين المهم ماتزيدون عن الأسبوع هذا إذا كان أهل طليقك ناس طيبين وتفكيرهم زين وإذا كانوا غير كذا لا تروحين في الحالتين كلها ...... أنا من وقت ماتطلقت مادخلت بيت أهل طليقي رغم أنهم أخوال أمي لأني عارفة راح أتذكر الماضي وأتعب إذا كان بس رحنا الجنوب وشفت أهله أتدكر فمابالك لو رحت البيت نفسه خليها على الله بس .. والله يفرجنا همنا وهمك يارب... |
اقتباس:
اسعدني مرورك اختي GREEN222و اشكرك على النصيحة الجديد انو امي زيارتها لخالي من باب صلة الرحم وطليقي تزوج وساكن مدينة بعيد عن اهلة وبعدين مافي اي مشاورات للرجوع وامي مافي برأسها فكرة ترجعني له بس تقول أذا مارحتي بيقولو ياحرااااام حزينة ومهمومة علشان ولدنا تركها والها وجة تطلع قدامنا هذا كلام امي وتقول روحي ولاتفكري ولا على بالك خالك يحبك وضحكي وش رايك اختي GREEN222 |
الله يرززززززززززززقك احسن منه ويعوضك بابرك ويرزقك زوج طيب
يحطك بعيونة يارب وكل منطلقة وارملة وبنات المسلمين |
اقتباس:
سعدت بمرورك اختي الفاضلة فلها وربك يحلها واسأل الله في هذة الساعة أن يفرج عني وعنك وجميع مطلقات المسلمين ويستر عليهم دنيا واخرة ويوفقهم لما يحب ويرضى |
اذا انتي شايفه ان نفسك طابت منه وهو تزوج ومارح يكون موجودلاهو ولا زوجته روحي
من اجل صله الرحم وخاطر امك وعلشان مايقولو مازالت زعلانه على ولدنا وذا خالك يعني المشاكل تنتهي وتبقى الصله والود وربي عالم بالنيات ولابد تكوني متاكده انك مارح تتاثري ابدا ولابد تنسي موضوع طليقك وتروحي مهيئه نفسك انك بتزوري خالك وترافقي امك واهل طليقك دامهم قرايبك مااعتقد انهم رح يتشمتو فيك وخليك واثقه من نفسك والحياه قسمه ونصيب ومحد بياخذ من الدنيا الا العمل الصالح الله ييسر لك امرك ويرزقك بابن الحلال |
| الساعة الآن 11:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©