|
ياجماعة الخير حماتي تمنعني من السفر لأهلي بطريقة دبلوماسية
السلام عليكم ورحمة الله لاأعرف كيف أبدأ.. لكن حماتي كأغلب الحموات لي سوابق معها أنا مغتربه وأعيش في بلد زوجي في بيت أهله كل ماجيت أزور أهلي احس برعب لانه من لما كنت عروس وجيت بزورهم اول زيارة خاصة كنت بغربة وشي جديد علي وأبكي بعدي عن أهلي وأبكي غربتي ووحدتي هجمت علي وعلى زوجي زي الوحش ولحقت ولدها بالنعال (اكرمكم الله) (لاحظوا عروس ومغتربه وهالمعامله السيئه)المهم غير انه ارشيفها حافل ببلاوي تانية.. مرت سنين وهي كل فترة تعمل نفس الاسلوب مره هي مريضة مره الخ (زوجي وحيدهاوتدلع يابختي) ولما اروح لااهلي بالغصب وبعد مشكله وتقولي لازم تزوريهم بالسنه مره بس (مع العلم المسافة بالسيارة 4 ساعات فقط لاهلي ) لين مره حرمتني من الرروحة لااهلي واعتزلت بغرفتي لوحدي وماشفتهم لكذا شهر وانا حابسه نفسي وركزت دعائي لله(ادعية على الظالم رائعة جدا) ومن ظلمها لي بدون سبب(حماتي انانية ودها تملك كل شي قدامها وتلمح انه لازم نبوس رجولها بعد) دعيت انه الي تسويه فيني يتسوا في بناتها وبشوف ساعتها رح تتحمل ولا لاء؟ وفعلا اصغر بناتها في سني وهي دلوعتها ودايما تاكلها بيدها وتنيمها بحضنها سافرت لآخر الدنيا لمكان يبعد فوق اليوم بالطيارة راحت بنتها وماعادت تقدر تزورها ولاتشوفها مر فوق السنتين وبنتها بعيدة عنها حست فيني..انكسرت اعتذرت لي جاءت العطله الصيفية بزور أهلي خبرها زوجي انه بيوصلني لبيت اهلي الان البيت مافي حد لاشغاله ولا بناتها ولايحزنون مع العلم انها تقول مريضة بالسكر وكل اكلها حلويات وخاصة جالكسي بالكاراميل وتقول انها مريضة بالضغط وعلى طول تاكل البسكوت المملح الباكيت الكبيررررر وتقول فيها القلب ودايما تصرخ وصوتها زي الصاعقة يرعد رعد وتعصب علينا كلنا وعلى زوجها وحتى على الناس برا اذا ماعجبها تصرفة ولالاحظت اعراض هالقلب هذا وفيها دوخة هذي الشي الوحيد الي حسيته صح لكنها مو خطره لازملها تنسدح ووتطيب لذا اليوم تكرمت وتفضلت بطريقة دبلوماسية(عرفت اسلوب القوة مانفع معاي) وتقولي افا شلون بنتي بتهدني لحالي كيف يدعيها قلبها وبتزور اهلها قلتلها زوجي بيوصلني وبيرجعلك تاني يوم قال لا انا متحاجتك جنبي ماتتركيني لحالي انا اهم من اهلك انا مريضة وفيني دوخة ولاعندي شغاله ولاحد في البيت ..انتظري لين تجي الشغاله وروحي لاهلك؟؟؟ والشغاله ماهي جايه قبل شهرين مع المدارس وانا ابني هالسنه مدرسة ان شاءالله؟؟؟ايمته ازور اهلي يعني ؟؟ ايش رايكم يااخوااااااااااااااان ؟؟؟ ازور اهلي وماعلي منها ولا اسمع كلامها؟؟؟:( |
ضحكتيني عقصة الجالكسي بالكرامل مابعرف ليش:)
الله يعينك من حقك تشوفي اهلك والي حقو تسمعي كلامه جوزك والحق اصلا عجوزك مفروض رجال مش امه تتحكم فيه بر الوالدين بطلوب لكن حماتك مبتزة اكيد بتعمل هيك وازا ابنها قلك سافري حتقلو ياعاق الله يغضب عليك بعض الاهالي مبتزين درجة اولى تحت مسمى بر الوالدين مش من حقها باي شكل تمنعك جوزك ولي امرك بينك وبينو 4 ساعات وبس؟انا لو اهلي بعاد عني 4 ساعات كل شهرين بروح مرة حرام عليها حماتك بما انها اجتك بدبلوماسية انت كمان تعالي بالدبلوماسية احكيلها ولو ياحماتي العزيزة مابهون عليه اتركك بس انا معك طول السنة بس اهلي مابقدر غير هلأ عشان المدارس بترضي ياامي العزيزة انا انحرم من شوفة اهلي باقي السنة بينما انت ممكن تصبري هالشهرين و اشوفك 10 شهور تانية يعني ياخالتي العزيزة انا بعرفك بتحبيني وبتحبي سعادتي شهرين اشوف اهلي وبرجع بنتك وحبيبة قلبك باقي ايام السنة انا مابهون علية اعمل شي من غير رضاكي وانت مابهون عليكي تكسري قلبي صح وشوفي ان وافقت وافقت ازا ماواوفقت احكيلها الله يسامحك بعدين ابعتيلها هدية ورد و علبة كبيرة كرتونة يعني من جالكسي كرامل :) وان بقيت رافضة احكيلها انا اسفة بس ماحقدر اضل بدي اشوف اهلي حرام تحرميني منهم واتفقي انت مع زوجك واسحبي حالك واحكيلها بدك شي توصيني عاشي ياحماتي واسحبي حالك وروحي لاهلك بلاش هم ماتردي عليها بس زي مقلتلك من غير مشاكل ابدا شو متقول تقول ولو تظاهرت بالقلب جيبو الدكتور ولا ودوها مستشفى يعملو فحوصات تثبت كزبها بعدين حتى لو معها القلب هوة الي مريض بدو يزل الناس في مرضو؟؟ يعني ازا واحد مريض لازم نخضع لرغباته بدون حساب و لا منطق ولاعقل بس لانو مريض خلص فقد عقلو ولازم ناخدو عقدو في معاقين اعاقات عنجد وبس بحبو الناس يعاملوهم عانهم طبيعين عشان مايحسو بالنقص بالاخر بتيجي حماتك تعمل حالها مريضة عشان ماتروحي اهلك ولو طلعت مريضة انت شو دخلك بمرضها يعني راعيها وحبيها وكل شي بس يعني تتحكم فيكي وتطلع عقدها النفسية عليكي بحجة المرض مش من حقها الي بمرض مفروض بتحسن مع الناس عشان الله يسترها معاه روحي لاهلك وماتردي عحد الا جوزك اهلك في يوم من الايام بيروحو بعد عمر طويل والله يعطيهم الصحة وطول العمر لكن هادا قدر كل الناس وقتها بتقعدلك حماتك في وشك يعني بتنفعك في شي حتضلك ندمانة ومشتقالهم بحرقة والم انا ماشفت اهلي من سنتين ونص وقلبي محروق ولو المانع 4 ساعات كان عملت ثورة ورحت غصب عن الكل بس القصة سياسية وبلدي ظروفها لا تسمح لا حد يدخل ولا يخرج اصلا ممنوع روحي لاهلك واستغلي اي فرصة وروحي احكي لحماتك خلي بناتك يلزقو فيكي طيب |
ملَك شادي;ضحكتيني عقصة الجالكسي بالكرامل مابعرف ليش:)
لانه شر البليه مايضحك الله يعينك من حقك تشوفي اهلك والي حقو تسمعي كلامه جوزك والحق اصلا عجوزك مفروض رجال مش امه تتحكم فيه زي ماقلتي هي تبتزه بر الوالدين بطلوب لكن حماتك مبتزة اكيد بتعمل هيك وازا ابنها قلك سافري حتقلو ياعاق الله يغضب عليك بعض الاهالي مبتزين درجة اولى تحت مسمى بر الوالدين مش من حقها باي شكل تمنعك جوزك ولي امرك بينك وبينو 4 ساعات وبس؟انا لو اهلي بعاد عني 4 ساعات كل شهرين بروح مرة حرام عليها حماتك وتعظمهم هالاربع ساعات كاننا رايحين المريخ بما انها اجتك بدبلوماسية انت كمان تعالي بالدبلوماسية احكيلها ولو ياحماتي العزيزة مابهون عليه اتركك بس انا معك طول السنة بس اهلي مابقدر غير هلأ عشان المدارس بترضي ياامي العزيزة انا انحرم من شوفة اهلي باقي السنة بينما انت ممكن تصبري هالشهرين و اشوفك 10 شهور تانية يعني ياخالتي العزيزة انا بعرفك بتحبيني وبتحبي سعادتي شهرين اشوف اهلي وبرجع بنتك وحبيبة قلبك باقي ايام السنة انا مابهون علية اعمل شي من غير رضاكي وانت مابهون عليكي تكسري قلبي صح وشوفي قلتلها نفس المعنى تقريبا فقالت في المهم وفي الاهم وانا الاهمان وافقت وافقت ازا ماواوفقت احكيلها الله يسامحك بعدين ابعتيلها هدية ورد و علبة كبيرة كرتونة يعني من جالكسي كرامل :) دايما بجبلها هدايا وبستحليلها لما اكون في مطعم بتقولي وعععع انا مابحب هالنوع وبعد فتره بلاقيها جايبه نفسه بالضبط وان بقيت رافضة احكيلها انا اسفة بس ماحقدر اضل بدي اشوف اهلي حرام تحرميني منهم واتفقي انت مع زوجك واسحبي حالك واحكيلها بدك شي توصيني عاشي ياحماتي واسحبي حالك وروحي لاهلك غرفتها عند باب البيت وشباكها عند كراج السيارة ورادار 24 ساعةبلاش هم ماتردي عليها بس زي مقلتلك من غير مشاكل ابدا شو متقول تقول ولو تظاهرت بالقلب جيبو الدكتور ولا ودوها مستشفى يعملو فحوصات تثبت كزبها بعدين حتى لو معها القلب هوة الي مريض بدو يزل الناس في مرضو؟؟ يعني ازا واحد مريض لازم نخضع لرغباته بدون حساب و لا منطق ولاعقل بس لانو مريض خلص فقد عقلو ولازم ناخدو عقدو في معاقين اعاقات عنجد وبس بحبو الناس يعاملوهم عانهم طبيعين عشان مايحسو بالنقص بالاخر بتيجي حماتك تعمل حالها مريضة عشان ماتروحي اهلك ولو طلعت مريضة انت شو دخلك بمرضها مستغله مرضها لتسخر الكل لخدمتها انا واجهتها وقلتلها اول ماكنتي لحالك وعندك شغاله وبناتك ليش تحرميني تقولي انسي اول علينا من اليوم بس يعني راعيها وحبيها وكل شي بس يعني تتحكم فيكي وتطلع عقدها النفسية عليكي بحجة المرض مش من حقها هذا الي صاير لكن زي ماقلت من بعد لجوئي لله بالادعية على الظالم صار ينقلب كل شي عليها الي بمرض مفروض بتحسن مع الناس عشان الله يسترها معاه روحي لاهلك وماتردي عحد الا جوزك جوزي بيعطيها فرصه مره بعدين مابيرد عليها اهلك في يوم من الايام بيروحو بعد عمر طويل والله يعطيهم الصحة وطول العمر لكن هادا قدر كل الناس وقتها بتقعدلك حماتك في وشك يعني بتنفعك في شي حتضلك ندمانة ومشتقالهم بحرقة والم انا ماشفت اهلي من سنتين ونص وقلبي محروق ولو المانع 4 ساعات كان عملت ثورة ورحت غصب عن الكل بس القصة سياسية وبلدي ظروفها لا تسمح لا حد يدخل ولا يخرج اصلا ممنوع روحي لاهلك واستغلي اي فرصة وروحي معك حق احكي لحماتك خلي بناتك يلزقو فيكي طيب التايه تزوجت وماتقدر لانها موظفة وبترجع بالليل واشكرك ملك على تجاوبك ونصيحتك وجزك الله كل خير والله يجمعك باهلك عن قريب ويقر عينك فيهم |
في مهم وفي الاهم
وحماتك معتبرها حالها الاهم !!!يمكن عشان اهلك خلوكي تسكني بعيد فكرت حالها عشانها مهمة الله يهديها شو نقول ياحياتي اسمعي مني والا حتندمي ازا جوزك راضي روحي وبس تطلع الرادار تبعها من الشباك وتصير تحكي وتسب وتعلي صوتها مااااتعلقي احكيلها انا رايحة بدك شي حماتي وكل متسرخ احكيلها حشتاقلك او خليكي ساكتة احسن اشي حماتك مابتعمل هيك الا لانكو سامحينلها انا مابحرضك عليها لكن الحق حق والظلم ظلم مش من حقها تمنعك عن اهلك تقهرنيش روحي انا قاعدة عالجمر عشان اشوفهم ومش صاححلي مش عشان حماتي لانها بنفس مدينة اهلي بس الظروف زي مقلتلك ولو حماتي حتعملي زيك ابصر شو ممكن اعمل روحي روحي روحي ماحترك الموضوع الا لما تقولي انا بكرة مسافرة استودعكم الله :) |
والله ضحكتيني يا ملك والدمعة على طرف عيني..على قوله زوجها يقولي مفكره نفسها أميرة..يييي لو احكي بلاويها بس اختصرت بالموضوع علشان مااثقل زيادة
انا مش سامحتلها زوجي الي كان يخرب علي بيفكر انه السكر ولا الضغط رح يطلع عليها از عصبت وبيهديها علشان لاتموت وصحتها زي الحصان افففففففف |
روحي وماعليكي منها اهم شئ لا تعصينها في الحقوق والواجبات اللازمة لانها ام لكن في قوانين وشروط مالها داعي لا تسمعي كلامها اهلك لهم حقوق نفس الشئ
وقوليلها اذا زودتها عليكي ربي بيسوي في بناتك زي ماتسوي فيني ترضين بناتك حماتهم تسوي فيهم كذا ليش تخلين الناس تكرهك خلي الناس تحبك وتدعيلك ماتخافين على سمعتك قدام الناس لما اقولهم حماتي تعمل فيني وفيني انتي عطيتيها وجه اعذريني بس من جد انقهرت مرررررة |
اربع ساعات مسافه قصيره حبيبتي
طيب انتي متغربه ليه ما تعلمتي تقودي السياره وتسافري لحالك هيك تاخذي هدوء وراحه روحي ما تخافي ,المفروض كل اسبوع مره تزوريهم ما حد يموت ناقص عمر والمريض مريض من نفسه قولي لها تعالي معي تغيري جو رح تتعود انك تروحي لاهلك |
توكلي على الله ورووووووووووووووووووووووحي
واذا رجعتي جيبي معاكي هدية لها وعامليها بما يرضي الله .. |
الله يعينك حبيبتي واربع ساعات مسافه قصيره لوتزوريهم كل اسبوعين مايضر وزي ماجاتك بدبلوماسيه عامليها بنفس الاسلوب قوليلها اني باشتاقلك وما استغني عنك بس باشوف اهلي وحشوني ومارح اطول ومن هالكلام المهم تشوفي اهلك وترتاحي ويرتاح بالك والله يعينك ويعينا جميعا
|
المسافه قصيره ....
تفاهمي مع زوجك وقولي انا بدي روح لاهلي وازا ماوديتني رح ناديهم يأخذوني بدون رجعه ....!!! انت مش حاس فيني لان امك واهلك معك .. انا مارح اصبر طول عمري هيك .. انت ولي امري .. وانت اللي تتدخل في روحاتي ورجعاتي مو امك امك انا احبها واحترمها ..بس زي ماهي تحب بناتها امي كمان تحبني ... وزي ما امك مريضه امي كمان مريضه ...!! وناس كثير فيهم ضغط وسكر وما جالهم شي ... انا مابهمني .. نتفق على اسابيع ازور فيها اهلي .. وماتتغير يعني كل اسبوعين مره ..مثلا وخلي السالفه جديه ازعلي عليه لو عارضك .. واحرميه من حقه في الفراش ...لحتى يرضى بقرارك .. |
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©