|
استشاره عن افضل انواع الحليب والرضاعات؟
مرحبا خواتي..
1_حبيت اسأل عن أفضل انواع الرضاعات.؟؟؟ بنتي عمرها سنه ونص.. وكيف طريقة تنظيف الرضاعات والعنايه بها؟؟ 2_ انا استخدم حليب سميلاك لبنتي وابي اغير حليبها... فأيش تنصحوني بأفضل حليب لعمر سنه ونص وياليت لو يسمن شوي ويكون غني من حيث مواده الغذائيه.؟؟؟؟ ومشكووووووووووورين:) |
شدعووووه وينكم:(
|
افضل الانواع لا ادري عنها انا احب اشتري اي شئ لاني دايما اغيرها
وطريقة التنظيف تجيبي صابون فيري والفرشاة المخصصة للتنظيف الرضاعات ومعاه وحده صغيرة للحلمة وتغسلينها بعد كل رضعة وكل يومين ثلاث تعقمينها بالآلة المخصصة من مذر كير او غيرها او انك تحطينها بقدر وشوية ملح تخلينها تغلي على النار خمس دقايق بالنسبة للحليب ممكن انك تعطينها بروجرس او الحليب الطازج البقري العادي اللي احنا نشربه سنها مناسب له او اي حليب مجفف مثل نيدو او انكور شوفي اللي يناسبك |
يعطيك العافيه طيب القلب:22:
بس انا وقفت غلي الرضاعات بالمويه لان اختي قالت خلاص اذا صار البيبي بعد عمر سنه مايغلون رضاعاته..؟؟؟؟ يلاا ياأمهات ابي تجاربكم بأفضل انواع الرضاعات والحليب لعمر سنه ونصف؟؟؟؟؟؟؟؟؟؟ |
الحليب ماعمري جربت الصناعي الحمدلله ماشاءالله
لكن الرضعات جربت شيكو رغم انو ماركة وغالية بس ابني ماحبها وحلمتها غبية الصراحة حسيتها بدخل هوا كتير ومابتحكم الولد في ادخالها يعني حتى لو مسكها كلها بتمو بضل في فراغ كتير بيجون رغم انو ارخص الا انو انبسطت فيها كتير وعجبتني وعجبت ابني كتير شيكو حاول كتير انو ياخدها ماقبلها بالاخر قصيت طرفها وخليتها للفاكهة المخلوطة او هيك امور وبالاخر حلمتها اهترت وخلص بطلت استعملها بيجون الها 8 شهور وزي مهية ماشاءالله سعر شيكو2000ريال يمني بينما بيجون600 شوفي الفرق الفراشي جبت فرشايات من شيكو حلوة شريت 3 لكن صراحة لحد الان مافتحت غير وحدة يعني وحدة بتكفي وزيادة طريقة تنظيفي كانت ماء التنظيف دايما مشغلة السخان ويكون مغلي وساخن جدا عشان لسة صغير لكن هالايام صراحة بغسل بصابون وكلور واشطف منيح كتير وخلص وقبل الاستعمال اشطف بمية حلوة يعني اول كم شهر بكون الطفل حساس لكن الان عادي بغسل وبشطف جيد ومرات بكب جواها مية مغلية وخلص لكن انا من رايي اني حرجع اغليها كل يومين تلاتة احسن واضمن بالنظافة واان كل شي هالايام من بايجون بشتريه حتى الصحون والمعالق واول شهر من ولادتي كنت استعمل فوط الرضاعة شريت علبة كبيرة من شيكو اغبى منها والله ماشفت مابتثبت ومالها الا ناحية وحدة في التلزيق وبضل تتحرك وماعجبتني فوط بيجون تحفة ضليت استعملهم لاخر لحظة لعند 6 شهور شيكو ماااااااااااعجبتني في الرضاعات وفوط الرضاعة ابدا ابدا ابداااااااااا |
الرضاعات بيجون او افنت
و الحليب سيميلاك او نوفالاك او بروجرس ( ولدي اعطيه نوفالاك لانه سريع الذوبان ) و الرضاعات اغسليها على طول بعد الرضعه و عقميها و غيريها كل 3 شهور او 4 بالكثير |
الرضاعات في
افنت و في tommee tippee اللي استخدمها و عجبتني لانها شكلها شبه صدر الام iهذه صورتها http://admin.ikenik.nl/shopimages/fles_260_tm.jpg و هذا شكل الحلمة http://www.mothercarethailand.com/mo...315_SY375_.jpg بالنسبة لغلي الرضاعات .. لازم تغليهم طالما انه يشرب فيهم .. غسليهم تمام و كل 3 ايام او 4 اغليهم بالنسبة للحليب ماشاء الله بنتك عمرها سنة و نص يعني خلاص ممكن تعطيها حليب البقر اللي نشربه احنا ابني اول ما تم السنة بديت اعطيه الحليب الفرش كامل الدسم اللي نشربه و ماشاء الله مناسبه .. على فكرة حبيبتي من الحين حاول تقللي تعطي بنتك الحليب بالرضاعة و حاولي تعطيها الحليب بالكوب احسن عشان يسهل عليك فطمها من الرضاعة و تبتدي خلاص تشرب الحليب بالكوب لما يصير عمرها سنتين ان شاء الله |
حبيباتي يعطيييييكم العافيه على ردودكم...
بس ياليت يكون فيه ترشيح أكبر لأفضل1_ نوع للرضاعات.. 2_ حليب غني بمواده الغذائيه وخاااااااصه يعطي البيبي صحه =يسمنه :22:.. على ان بنتي الحمدلله صحتها معقوله بس انا احبب البيبيات يكونوون دبدوبات:18: وكلي أمل بتجاربكم مع اطفالكم.. |
يوووووووووووه استغفر الله وشهالمنتدى الميت :29:
اكتب موضوع واجلس ايام وارجع ماالاقي ولارد:( بالله شهالبرود مدري العجز... اووووووووف:29: |
| الساعة الآن 08:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©