كيف أتعامل مع خطيبتي ؟
 

السلام عليكم

اخباركم ياجماعة الخير

انا بعد بكره ان شاءالله واذا الله اراد

عقد القران يعني مب زواج لكن خاطب .!!

والزواج ان شاءالله بعد سنه .!,,

الي ابي اعرفه وياليت تكثرون منه . من تجاربكم الماضيه ,,

شلون اتقرب منها .!!

وكيف اتعامل معاها مع ان اول ايام يعني بعد عقد القران .؟

وشلون اتمازح معاها .,,

وعادي لو كل يوم اروح بيت خطيبتي عشان اكلمها واطول معها ..^^ كل يوم )؟

واقدر اطلع معاها ..؟ وكم مره ف الاسبوع


ياليت كل هالاسئله تجاوبوني فيها

واشياء من عندكم تقولونها لي ونصايح لي ... اذا ف اشياء كثيره قولوها عشان اعرف كل شي .!!

وشاكرين لكم

دخلت ادعو لك الله يتمم لك على خير



وان شاء الله الاخوان الرجال يفيدوك

وينكم شباب ؟؟؟؟؟؟؟؟؟؟

السلام عليكم ورحمة الله وبر كاته

بداية أسأل الله لك التوفيق والتمام على خير

نصيحة خليك على طبيعتك ولا تتصنع أو تحسب للموضوع أكثر مما يستحق ،، خليك على طبيعتك والامور راح تمشي تمام بإذن الله ،، ثانيا بالنسبة للزيارة كل يوم أو الطلعات فبتعتمد على عدة أمور منها طبيعة المجتمع والعادات والتقاليد ظروف البنت وأهلها وخليك معتدل في كل شيء صحيح الثقل زين بس أنا مع انه تكون متوازن ،، وبعدين مع الأيام بتفهم وبتعرف طبيعة البنت وأهلها وبناءً عليه بتتحكم في زياراتك وطلعاتكم وكل شيء ،، ولا تشيل هم كلنا مرينا بنفس التجربة وما في اسرع من تأقلمكم مع بعض لأنه ان كنت محرج ومتخوف من اللقاءات الأولى وانت الرجال فالبنت أكثر منك بكثير ،، هذا على الأرجح ،، وأسأل الله لك تيسير الأمور والتوفيق