|
لا أحب زوجي
السلام عليكم
انا عندى مشكله انى انا خلاص بقيت مش بحب زوجى خالص ومش عارفه اعمل ايه صار عندى اكتئاب جامد و معنديش امل ولا هدف فى الحياه نفسى احبه وزوجى طيب ويحبنى اوى اوى بس فى حاجات بضايقنى منو يمكن علشان معندوش كلمه يقولى هاعمل حاجه و ميعملهاش و كل حاجه كده عمره ماعمل حاجه فى حياته قال عليها حتى ابسط الاشياء و مئجل حياته كلها لبكره مثلاهو طخين شويه يقولى بكره هخس و هنعمل و نخرج و ابدا يخس ولا بيفسحنى ولا يخرجنى مستنى يخس وانا حاسه ان حياتى كلها بحلم مستنيه بكره لما يخسعلشان ابتدى حياتى لحد مجالى اكتئاب والعمر بيعدى عليا كده وكمان حتى لو فسحنى مش هنبسط خلاص انا عايزه واحد بحبه دا بقى زى اخوياكده وكمان مش بيصلى وانا عايزه واحد يعينى على الطاعه مشينزلنى معاه على الرغم انو كويس اوى فى الدين و مؤمن بربنا جامد و بقول يمكن علشان انا فى غربه و معنديش حد خالص اكلم معاه ولا ازوروه وكمان مش عايز يخرج ولا يعيش حاياته و سنه و حتى لما يريد العلاقه الحميميه مش بقدر خالص وكمان مش قادره بس يحط ايديه عليا و احنا نايمين او حتى مقدرش و هو يبوسنى قبل لما يروح الشغل و انا بقالى ٤ سنين متزوجه و فى الغربه انا صار عندى اكتئاب جامد نفسى احبه و اعيش الحب و صعبان عليا و خايفه اظلمه ياريت حد يقولى هل اسيبو ولا لا خايفه اندم واظلمو و نفس الوقت مش عايزاه |
طيب ممكن تقولي لنا انتي في اي بلد انتي متغربه تنساعدك
لان كل بلد ولها طبعها ولا تخافي رح نخرجك من الاكتآب ان شاء الله انما نريد ان نمشي معك خطوه خطوه |
حبيبتى عندك اطفال؟لى رجعه بعد ردك عليا
|
شكرا لردكم عليا
انافى فرنسا وعندى طفله |
يا حبيبتي
اولا تحدثي لزوجك بود انه انتي ودك تعيشين معاه قصه حب قولي له ودي تخس وفيه حل اخر اهتمي انتي بنفسك اوي وبيني اهتمامك بجسمك هو لاشعوريا بيتأثر وابحثي له عن رجيم يساعده في التخسيس شيئ اخر انتي تحدثتي عن اكتأبك والاكتآب جاي من الوحده وعدم تحديد الهدف اجعلي لك اهداف بسيطه مثل ان تستغفري كذا مره باليوم ان تشاركي في حل قضيه بالمنتدى باليوم وبعدها اجعلي لك اهداف اخرى تعلم الفرنسيه او تعليمها الاهداف تحقق متعه غير طبيعيه اخيرا ابحثي عن علاقات |
حبيبتى احنا البنات لما بنتجوز بنكون فاكرين اننا اتجوزنا فارس احلامنا لكن بنتصدم فى اغلب الأحوال وبنلاقى اشياء وصفات غير اللى بنتمناها تماما ولو سألتى اى متزوجه هل زوجك هو فارس احلامك؟هتجدى اغلب الأجابات بالنفى وكلو عايش
وانا اعتقد بعد عشرة اربع سنوات وطفلة صعب تفكرى فى الانفصال انما الموضوع محتاج منك شوية تكيف ازاى؟ اول حاجه تستشعرى النعمه اللى انتى فيها وهى اولا انتى ليكى زوج بيحبك وبيخاف عليكى وطفلة بتحبيها وحسيتى معاها بالأمومه وده ناس كتير اوى محرومه منه وبتتمناه تانى حاجه متركزيش مع زوجك اوى بمعنى اصح حاولى تشغلى نفسك عنه بحيث ميكونش هو محور حياتك وبلاش تقارنيه بالفارس اللى بتتمنيه بالعكس احتسبى ده للجنه ومترهقيش نفسك فى محاولة تغييره زى ما انتى تحبى علشان الطبع بيغلب التطبع ومن شب على شىء شاب عليه وعلشان طول مانتى بتحاولى تغيريه مش هتلاقى الا الاحباط والتعب النفسى لأنه مش هيتغير حاولى تطلعيه من بؤرة اهتمامك واحتسبى الرومانسيه وفارس الأحلام اللى بتتمنيه للجنه ولما تقوى علاقتك بربنا اوى ده هيساعدك انك تخرجى من الأكتئاب حبيبتى اقللك حاجه؟مرة بعد شهرين من زواجى قابلت ناس من بلدى وانا مثلك فى غربه منهم سيده كبيرة وجده وانا كان باين عليا انى زعلانه شويه(كنت زعلانه مع زوجى)لقيتها بتنصحنى من نفسها نصيحه حبيتها اوى(قالتلى اهم حاجه فى الزواج الصبر وقالتلى انا مثلك كنت متغربه وصبرت وبعد كده ربنا عوضنى بأولادى اللى هم اغلى عندى من الدنيا كلها) فعشان كده انا بقللك ركزى مع طفلتك اوى وعيشى معاها طفولتها وحسى بأنك رجعتى طفله صدقينى هتستمتعى جدا اتفرجى معاها على الكارتون العبى معاها استمتعى ببرائتها والتواصل معاها صدقينى انا بتمنى اليوم اللى ربنا يرزقنى فيه بالذريه علشان اعمل ده لأنى حاسه ان ده احلى احلى حاجه فى الجواز اصحى بدرى دخلى نور ربنا فى البيت استمتعى بصبحة بنتك وقت الصبح والعبى معاها واضحكى واستمتعى اوى باحساس الأمومه وخللى دايما قنوات الاطفال فى التليفزيون ده هيحسن حالتك المزاجيه جدا وكمان بنوتك هتنبسط اوى كمان هيساعدك فى تحسين حالتك المزاجيه انك تحبى نفسك وتدلعيها يعنى تهتمى بمظهرك وشعرك تشربى مشروبك المفضل الصبح وانتى بتتفرجى على بنتك بتلعب مثلا كده يعنى لكن بالنسبه لصلاة زوجك ده اللى مينفعش تستهونى بيه ولكن برده متضغطيش على اعصابك يعنى فى الأول والأخر انتى ليكى النصيحه والدعاء ليه بس وكمان هو لما يشوفك محافظه على صلواتك ودينك ممكن يستحى من نفسه ويتوب ودايما دايما خللى فيه علاقه بينك وبين ربنا يعنى كلميه فضفضى ليه حسى اوى انه معاكى صدقينى لو حسيتى بالأنس بالله مش هتحسى انك لوحدك لكن طبعا مافيش مانع لو قدرتى تتعرفى على ناس عرب مثلك وتتزاوروا يكون جميل وبالنسبه للخروجات والفسح قولى لزوجك بنتنا محتاجه انها تخرج وتغير جو علشان تنبسط وتفرح علشان غلط تفضل قاعده فى البيت متشوفش حد ممكن يأثر عليها بعدين وتبقى انطوائيه اتمنى ليا وليكى ولكل المسلمين الرضا والأنس بالله علشان بجد دول اساس السعاده مش وهم الرومانسيه وفارس الأحلام |
يعطيكي العافية
بس انا من وجهة نظري اشكري الله انك متزوجة وبالشكر تتدوم النعم |
اقتباس:
حبيبتي الشكر لله دايما في السراء والضراء واحيانا العزوبيه ارحم بكثير من زواجات فاشله نعود لللموضوع الرئيسي مازال انك بفرنسا تعلمي قيادة السياره واخرجي من البيت ولو لشراء الحاجيات لاحظي انو وقت الناس تسافر للاصطياف تسافر فرنسا وتتفاخر بين الاصحاب انو هذا الصيف قضيناه في فرنسا ثم الرجيم لزوجك الحل بيدك اطبخي من غير سمن ولا زيوت واجعلي اكثر الطبخات معها خضار مسلوق او سلطه وفي المساء وقت السهر فواكه فقط الصحه تولد الخمول واصري انو تخرجو تتمشو مع بعض من غير ما تقولي له انه بحاجه للتنحيف وايضا هناك انواع شاي وغيرو اارجيم اسقيه منه وقولي له انه زهورات لي رجعه للموضوع |
مادام انه يحبك تستطيعين تعديله بعدة طرق الحوار الهادئ والاسلوب الذكي والدعاء والاستفغار وسوف تجدين بأذن الله التغير الايجابي
وصعب تتركين بيتك وطفلتك وانتبهي لتتركه للصلاة حاولي بقدر المستطاع لانها الحد بين الاسلام والكفر اعانك الله وسخركما لبعض |
شكرا ليكو اوى و اهتمامكم و ردكم عليا
بس زوجى بالعكس رومانسى اوى اوى و بيعملى حاجات رومانسيه اوى و معايشنى جو الحب بس المشكله فيا انا و كمان هو مش طخين اوى اوى بس هو حلو اوى و كل لما حد يشوفو يقولى يا بختك بيه بس انا المشكله فيا انا وبردو يمكن زى مقولتو يمكن البعد عن الله و يمكن علشان فاضيه على طول ويمكن علشان هو اهتمامو كلو بيا حتى مابيخرجش مع اصاحابه علشان يقعد معايا مش عارفه ويمكن علشان فاضيه خالص فزهقت و مليت نفس الحاجه بعملها كل يوم معنديش هدف ولا حاجه اعملها مش عارفه كل المتزوجين بيزهقو كده ومن العلاقه الحميمه وفى امل ارجع احبه تانى زى الاول |
| الساعة الآن 11:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©