|
رمضان قرب كل عام وانتم لله اقرب تعالو نناقش طريقة تنظيم الوقت في رمضان
السلام عليكم و رحمة الله و بركاته
كل عام وانتم بخير وسامحوني بعرف في كذا موضوع الي مابرد عليهم لكن الانفلونزا :24: ماسكاني وتعبانة كتير وماباخد ادوية عشان الرضاعة بس الي فترة بفكر في الموضوع شو حعمل في رمضان في ظل وجود ابني المبارك فهود:15: يعني وقت الطبخ وين حودي الولد؟؟ ناوية ادخل المطبخ الساعة 3 ان شاءالله واكون مغديه ابني ان شاء الله لكن المشكلة زوجي ممكن يرجع 3 او 5 وحيكون تعبان وينام والولد وين يروح؟ المشكلة في ابني حرام يعني مابدي اظلمو لكن بزحف وكتير حركة ماشاء الله تبارك الله وبكره المشاية للاسف ماعجبتو وبكره الكرسي وبكرة كل اشي بقيد حركتو ومستحيل اخليه يزحف في المطبخ والطبخ والقلي والزيت و الماء المغلي خطررررر ولا اتركو وين يزحف في باقي البيت يدمرو وانا لاهية عنو؟؟؟ فمش عارفة شو اعمل؟؟؟ الحل الوحيد اوضعه في سريرو مع العابو وهاي تخضع لمزاجه ممكن يسكت وينبسط وممكن مايعجبو احكولي شو الحل؟؟؟ خاصة لو حطيتو في الكرسي وصار يزن والله الطبخة حتخرب لاني حستفز واعصابي تتلف والطاقة السلبية تطلع في الطبخة مش بايدي انا بحب اركز في شغلي وبكا الطفل بطلعلي قرون ... وياريت نتشارك طريقة التنظيم في ظل وجود الاطفال انا بقول الصبح حصحا و افطر فهد ويعني بمشي اليوم عادي واغديه قبل دخولي المطبخ بحيث مايجوع قبل ساعتين تلاتة ولما انتهي يكون المغرب قريب يأذن ممكن يكون جاع او لا ممكن ارضعه او اعملو وجبة فاكهة وبعدين ياذن ونصلي ونفطر وبالنسبة للجلي ححاول وقت الطبخ كل شي اول باول وححاول قبل الادان اخد دوش وارتب نفسي وبعد الافطار مايكون في الا قليل من الجلي عالسريع ينعمل ومايأثر عالاناقة:22: وطبعا حنكون بدنا نغفو شوي ونفتح لفهد قناة براعم في غرفتنا مع اني اشك يخليني انام وهوة بلعب في الغرفة و يوقع الاغراض بدو مراقبة:30: حيأذن العشاء زوجي يروح يصلي وانا اكمل المطبخ و اعشي فهود وانيمو واروح اصلي واقرا قران وبهيك مافي قعدة او راحة الا بعد نوم الافندي الصغير اي بعد الساعة 9 شو رايكو؟؟ انا بصراحة خايفة وحاملة الهم انو تتخربط اموري لكن برجع اقول اني حستغفر كتير كل يوم والله اكيد ماحيخيبني وحييسر الي تنظيم وقتي واموري وبدعي ربنا يسهل عفهود ويحببه في قعدة الكررسي:11: شاركوني الراي يمكن فكرة تاهت عني وادعولي بالشفاء لاكمل اعمالي التحضيرية لرمضان انا الموضوع تنظيم الوقت كلو بشكل عام مو بس المطبخ فحطيتو في قسم المراة لكن اتمنى مايروح قسم الطبخ لانو مش للطبخ بشكل اساسي انما كل اليوم بشكل عام اكيد حتسالو له ياملك وين جدول الطاعات و الاذكار حقلكو هاي ترجع لكل وحدة فيكو وفترة الصباح وماقبل الطبخ اكيد وقت طوييييل ونقرا فيها ان شاءالله قران ونسبح ونذكر الله وهيك وناوية احط قائمة اعمال دينية ان شاءالله التزم فيها وتبقا معي لبعد رمضان لاني مقصرة جدا وكاتبة ورقة فيها اعمال وهيك لكن الله يخزي الشيطان واكيد حلو لو الواحد نزل محاضرات وسمعها وقت الطبخ او ذكر الله و هيك يعني نقدر نخلي من كل اشي عبادة وماتنسو الرياضة مابعرف كيف لكن بعد التراويح هادا لو ضل فينا حيل انا بفكر اصحا قبل السحور عشان امارسها براحتي واكون فية نشاط مع اني عاشقة للنوم واشك اني اقدر نومي صاير :29:تقيييل وحالة وكل عام وانتو بخير |
خطر في بالي فكرة
بعد الغداء بكون ضايل لفهد وجبتين فاكهة و عشا ففكرت وقلت ليش م اعمل الفاكهة واجهزها واحطها في التلاجة واي وقت يجوع بعطي الرضعة عالسريع ولو جوزي كان متفرغ او موجود بعطيه يرضعه اياه لانو الاطفال مالهم امان مرة الوجبة تخليه يجوع بعد 3 ساعات ومرة ساعة ونص يروح عامل ماساة في نص الطبخ مشكلة تخرب الطبخة فكرة حلوة صح؟؟؟ بس بخاف القيمة الغذائية تخف من الفاكهة مابعرف شو رايكو |
اقتباس:
اسمعي يا قلبي هذا نظامي من قبل ما اتزوج وهو اني احضر بعض الاشياء من الليل مثل العصير و الجلي و الكريمة حتى السمبوسة احضر قبل رمضان بيوم او يومين بحيث تكون حقت 4 ايام و اذا على المعجنات اعجن العجينة و افرزها ولمن اصحى ما اسوي اي شي حتى الكشنة او الخلطة حقت البيتزا اجهزها من الليل و الله ما تتغير خاصة اذا حطيتيها في علب زجاج افضل و اجلس اقرا قران الى لمن يبقى ساعتين تقريبا عن الاذان ابدا الشغل و الله اني مرتاحه بهذا النظام و ان شاء الله يعجبك نظامي و الله يشفيك يا قلبي مع اني لاحظت اختفائك عن المنتدى تحياتي لكي |
شكرا اختي سهى وبارك الله فيكي
ماحد عبرني غيرك وينكو بنات:( |
وعليكم السلام
طهور ان شاء الله يا ام فهد بس لا تروحي تعدي فهود و ابوه بلنسبه لتقسيم الوقت ما شاء الله حاسبتها مزبوط لكن 3 تعملي الفطور كانه متاخر اذا نام فهد على ال12 اعملي الفطور بعد ما يصحى ابو فهد من النوم و هو يكون يلعب مع فهد و انت ادخلي المطبخ سخني الاكل و اعملي السلطه واقلي السمبوسك او الكبه انتو ما شاء الله 2 يعني ما حيكون مثل الي عندها عيله كبيره سهليها ووبركه الشهر بيمشي الحال انا استفدت من هذا الاكل يصير طعمه اطيب وما مقيده بلوقت لان علساعه 3 تكوني منهكه من الصيام و من فهد و لا تلخبطي نظام اكله لانه ساعتها حيتعكر مزاجه وتتلخبط نومته غيري نظامك انت الكبيره |
كل عام وانت بخير وان شاء الله ينعاد عليك
شوفى تقسيمك للوقت منطقى جدا حاولى وقت الاعداد للفطور تخليه يلعب او تغيريه وقت نومه وبالنسبة للتروايح الله يعينك فى وجود الاطفال بس تقدرى تاخريها شوية بعد مايناموا وتعلقيه للفجر انا حابة اسالك انت المغرب بياذن الساعة كم؟؟؟ |
حبيبتي
بالنسبة لولدك ليه ما تشتري القفص" مربع كبييير يحيط فيه من جميع الجهات ويلعب ويتحرك في المساحة اللي في المنتصف " لأنه حرااام يظل محبوس طول الوقت .. وسلامتك من كل شر .. وكل عام وانتي بخير .. |
انا أشتريت الحاجات اللى اتفقنا عليها ياملوكه
وللأسف زواجى اتأجل شوفتى مقهوووووره أوى أوى حبيبتى هاتى فهوووود عندى وانا هظبطه والله هخليولك بيحكى منيح ويرجعلك شقى مووووووت |
حبيبتى حاولى انك تستغلى فترة الليل بالطبخ الاكلات الرئيسية او انك تعملى جزء من الاكلات وتكمليها اليوم الثانى وبكذا بتستفيدى يعنى ما بتتعبى والجلى به بالليل يعنى مثل ما قالت الاخت سهى يعنى والله عجبتنى طريقتها
|
كلام الاخت سهى ووهم وسراب صح استغلي فهودي لما ينام بالليل واعمل الاكل او الاشياء الصعبة وحطيها بالفريزر وثاني يوم تكون تكملة خفيفة وبس وراح يكون عندك وقت الظهر تقراي فيه قران
او ابداي من الان في الايام هذي فرزني بصل مفروم وثوم مفروم وطماطم وخضار او احشي السمبوسة وكله على الفريزر واطمني ماراح يخرب شئ |
| الساعة الآن 03:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©