|
بسبب ظروف زوجتي تعلقت بفتاة اخرى
ياليت احصل حل منكم ياالنساء زوجتي تموت في وانا اموت فيها بس المشكله إذا جينا البيت بس نتهاوش لو مافيه سبب وإذا رحنا من البيت وطلعنا او سافرنا عادي والله مايصير شي بس إذا جينا البيت ليش جبت بنت وقلتها لا تروحي عند اهلك انا اجيب لك خدامه عشان ماتبعدي عني خليك بجنبي والله رفضت طبعا وراحت عند بيت اهلها وجلست بالبيت لوحدي وعندي كمبيوتر وقلت دامني لوحدي ليش ماادخل مواقع زواج بدال ماني طفشان لحالي والله وبديت ادخل نت والله وتعرفت على بنات وكل مااتعرف على بنت تعرف إني متزوج على طول تقول خلاص ماابغا نتواصل والله وصار اتعرفت على وحده وصرت على طول على النت واعطني الماسنجر واشغلت وقتي مره وتعرفت عليها انا من المدينه وهي من محافظه قريبه من المدينه صرت اروح فيه حديقه اتواعد انا وهي وشويه توصفلي حرمه ماهي بس عشان تشوفني زين المهم كم مره اروح عندهم هناك المهم عرفت البنت وطلعت اعرف عمانها عندنا في المدينه معرفه من بعيد المهم تعلقت بالبنت مره صرت احبها مره وهي كذالك المهم تعرفت على اهلها وعلى اخوانها وطلعوا اخوانها طيبين وامها بنت حلال وابوها متوفي طبعا المهم اتعرفت على اخوانها وصارو يموت في مايشوفوا زيي مره وامها كذالك وصرت إذا جيتهم من المدينه خلاص قالوا إلا وتنام عندنا وصرت انام عندهم والبنت والله تكلمني وانا تحت يعني الي بينا يمكن جدار بس والله كانوا معاي مايحتاج اخوانها وامها وتقول لاخواانها والله احس هذا زي ولدي والله يعني مره صرت مع العائله وذحين ماادري إيش اسوي مع البنت اخوانها صاروا من اعز اصحابي وامها صارت تعتبرني ولدها وانا ماادري إيش اسوي مع البنت البنت تموت في مره مره مره ماتشوف مثل حتى اخوانها قالوا لأمها والله ياامي لو الولد ماهو متزوج كان زوجنها اختنا والام تقول صح والله يستاهل ولد حلال وانا ماني عارف إيش اتصرف البنت لو اقولها انا خلاص ماابغاك راح تنجن البنت وانا والله اموت فيه بس صعب إني اكلم اخت صاحبي وناس اكرموني في بيتهم ونمت عندهم واكلنا من صحن واحد كيف اخونهم بأختهم اكلمها وماني عارف إيش اسوي تكفون اعطوني حل للمشكله هذي *الاشراف/عفوا .. تم تعديل العنوان ليتضح المضمون |
اول شي هذه غلطة منك ومن زوجتك زوجتك
زوجتك لماذا ذهبت لا اهلها الا اذا كانت نفاس فيحق لها ان تذهب لا اهلها ثانيا احساسك بالوحدة ولجئت لطريق انت عارف ان له نهايه لا تستطيع عليها ثالثا إذا احببت البنت اصدق يا اما تزوجها وتكون محادثتك معها بالحلال بما ان اصلها طيب او لا تستطيع بسب انك متزوج وزوجتك لا تريد فاخبرها بس صراحة الله يسامحك عارفه ليه لانها هي متضررة اكثر منك انت حبيت لكن عندك زوجه باستطاعك تنسى وتعيش مع زوجتك لكن هي عيشتها في حب وحبتك حيكون تفكيرها فيك وما عندها غيرك وحتكسر قلبها بس لازم تحسم الامر يا اما تتزوجها يااما تقول لها الى هنا ويكفي انا مو قد الزواج منك وتقول الاسباب ويكفي يا اخي تدور على غيرها رجاء من الاعضاء انا لا اتكلم من الناحيه الشرعيه لانه معروف الحكم ولس كل فتاة عندها عشرة والله اعرف بنات تتكلم مع واحد وكان اول غلطة ولكن رزقت به كزوج وهي قريبه مني وهي لم تكن صاحبه اولاد الله يسهل على الجميع |
زوجتي تموت في وانا اموت فيها هذا كلامك اخي عندي سؤال الا ترى انك مبالغ اشوي في عواطفك كيف تموت في زوجتك وقدرت تحب غيرها .......ثاني شئ البنت دي احبتك ورحت دورت عليها وصاحبت اخوتها واكلت عندهم ووووو.......... طيب ليه الرجوع الان الى الوراء وتلعب على البنت وتقولها خلاص انا ما بحبك انا بحب مراتي واموت فيها ....ربنا يسامحك ويصبر البنت دي الحل انك تتزوجها وتخبر زوجتك حتى لا تفقدها هي كمان والحق اعطاكم اربع يمكن تحب الاولى وتحب الثانية كمان ربنا يوفقك يارب لو شايف انك غلطان فكر في الحل اللي يرضي ربنا ويرضي زوجتك لانها هي كمان ضحية المسكينة نافسة وراحت ترتاح عند اهلها تقوم تخونها ياراجل اسفة على كلامي واتمنى الاخوة والاخوات يفيذونك اكثر مني
|
ياناس افهموني زين
زوجتي كانت نفاس عند اهلها وانا كنت بسراحه مااقدر اصبر عنها بسراحه حتى يوم جابت البنت قلت لها خليك عندي في البيت وانا اجيب لك خدامه واهلي قريبين مني بجنب البيت ماراح يقصروا عليك وبيني وبينكم زوجتي تعرف إني اموت فيها صارت تتغلى علي تبغاني امشي وراها وترجاها صارت راحت عند بيت اهلها وقتها تتغلى علي يعني كنت اعاني من حاجات كثيره قلت ادخل نت تفاجأت إنه في بنت من موقع زواج والله جالسه تتريق وانا اتتريق فجأه كذا اتعرفنا على بعض صارت البنت تشكي همها لي وانا اشكي همي لها بسراحه قلت يارب هذي البنت تهتم في وزوجتي تتغلى علي بسراحه القلب مال يبغى الإنسانه الي تخاف عليه وتسأل عليه بسراحه ماصرت احب زوجتي طيعا صرت احب هذي البنت من حبي لها والله كانت تسافر الطايف انا اسافر الطايف والله وبعدين قلت اريح راسي واتعرف على اخوانها حتى هي قالت خلاص اتعرف على اخواني وتعرفت على اخوانه وعلى امها ياناس والله فيهم طيبه ماحصلتها بأرحامي اخوان االحرمه واهل الحرمه ماحصلت طيبة هذول الناس وحبوني وحبيتهم طبعا صرنا نتكلم بالجوال زوجتي كشفت رساله من اول معرفه لي مع البنت وبعد 3 سنوات كشفت رساله بعد على الجوال وفيه اسم البنت من اول قالت إنت لك معاها 3 سنوات وإنت تحبها دارت الايام عرفت زوجتي إنه اخت صاحبي عشان كثرت روحاتي والسفر لهم زوجتي قالت خليني اخذ رقم صاحبه هذا وتفقت هي واختي وبنت جيرانا على إنهم يدقو على الرقم طيب بنت جيرانا دقت قالت لصاحبي إنتا أختك فلانه قال إيه اختي قالوا اختك تكلم واحد لها 3 سنوات الولد مصدوم مره قال مين تكلم قالو ا مالك شغل بس اختك تكلم طبعا اتصل الولد على امه وقال فلانه فينها طبعا الساعه 1 الليل قالت امه نايمه قال صحيها انا جاي اذبحها وهوا في المدينه واهله في محافظه تبعد عن المدينه 300 كيلو ليش تقوله قال تكلم واحد لها 3 سنوات والله غير اذبحها طبعا اخذت شويه دقت علي البنت قالت اخوي يبغى يذبحني وكذا طبعا قالت لي القصه كله دق علي قالي أبغى منك السياره قلت ليش انا مسافر ذحين الحرمه عند اهلي وعرفت إنه هي الي مسويه هذي رحت للحرمه يوم جيت طبعا حلفتها بالله وطلعت هي مسويه هذا طبعا اعطيتها طلقه وهي عند اهلي ورحت وكلمت الولد قلت الأتصال الي جاك تراه من زوجتي هي الي خلت بنت جيرانا تدق عشان انا كنت اقولها إني خاطب اختك عشان كذا سوت هذي الحركه عشان على بالها إنه انا ابغى اتزوج اختك قال من جدك والله كنت ابغى اذبح اختي والله هذا الي سار ياجماعة االخير . |
واضح يا اخوي انه قلبك كبير ويسع اثنين
اتزوجها طبعا خلاص وصلت لطريق ما تقدر ترجع عنه مدامك رجل وعارف ايش تبغى ولا هوا لعب وتسليه بالناس عيب وحرام عليك خصوصا انت محصن والبنت لا وعافكره الحياه تدور وتلف الي ترضاه على بنات الناس بكره يصير ببناتك او خواتك وهذا رائي |
أنا ماعندي مشكله اتزوجها بس
انا انتظر يخلص قرض البنك وهي البنت موافقه حتى امها تقول والله لو جاء واتقدم والله غير نزوجه واخوانها كمان يقول كذا والله يقول ماعلينا إنه متزوج الثانيه بس انا ابغى حل كيف اسوي اكلمها بالجوال والماسنجر وامشي مع اخوانها طيب إذا ربي يبغى يكتب نصيب إلا بعد 4 سنوات على مااخلص القرض الي علي ماني عارف كيف اسوي والله ياناس من طيبتهم حتى امها تسلم علي إذا كنت عندهم من بعيد طبعا بس تعتبرني زي ولدها والله ياناس ماني عارف كيف بس وانا بسراحه متعلق فيهم مره لدرجة يسافروا امهم تقول دقوا على اخوكم خلوه يتونس معاكم هذا ولدي الي ماولدته والله كذا تقول |
وعلى فكره عمرها 21 سنه وزوجتي بعد عمرها 21 وانا عمري 30 سنه وكلهم زي بعض بالعمر وهي من نفس القبيله يعني كلنا من قبيلة وحده يعني عاداتنا وحده وتقاليدنا وحده وكل شي زي بعض |
وانا اعرف إنه البنت إذا حبت حبت وتضحي عشان الي تحبه انا اعترف بالشي هذا إنه البنت إذا حبت توفي اكثر من الرجل بسراحه والبنت مستحيل تنسى وتضحي والله لو على عمرها بس إنه توفي مع الإنسان الي حبتها بسراحه هذا شي في البنت ماهو في الرجل كلمة الحق تنقال |
ياخوي اتوكل على الله وخطبها دام تحبها بس مجرد عقد وخطوبه وبعدين ربي ييسر لك الزواج
لا تخاف اصدق في نياتك وربي يوفقك |
اعقلها وتوكل
والله اهلها طيبين لو اتقدم على طول يعطوني والله شكلي ابغى اتوكل على الله واخطب وانا أبوي وامي ماعندهم مشكله قالوا إنت رجال تتزوج 4 وإذا رديناك عن الحلال تذهب للحرام بس شكلي ابغى اعقلها واتوكل وهذا الي راح يصير والله |
| الساعة الآن 02:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©