ترى فيهم ( أجـــر ) إن شاء الله
 

أخواتي السلام عليكم ورحمة الله

أوصيكم و صية في رمضان

تكفون لا تخلون العزاب من الفطور

أقصد الي في بلد ما عنده أحد من أهله

يمكن لأني مريت بهالموقف سنين و ودي لو أحد يرفع السماعة و يعزم أو يروح الفطور

لكن الله يخلف ،، ما حولي أحد


و لا ودي هالموفق يمر على مسلم

و الحمد لله مب من قل أو عازة لكن لمّ للشمل و جبر للخواطر

الله يبلغنا و إياكم الشهر الفضيل

وعليكم السلام ورحمة الله وبركاته

صحيح والله الغربة والوحده صعبة

ورمضان وقت الفطور يكون وقت لم شمل وجمعه وهم يفطروا لحالهم

الله يقدرنا على فعل الخير

والله صحيح فيهم اجر ....انا اخو زوجي مسكين مو متزوج وهو معانا في نفس الدوله بس يبعد عنا ساعتين والمشكله عنده دوام يعني ما يكدر يجي كل يوم والله مسكين اقول كيف يفطر لحاله

بس يجينا خميس وجمعه والله يخلف عليه باقي اللايام

لفته كريمه


و تنبيه مهم

اضيف كل متزوج حتى لو ما عزم العزابيه ياخذ معه طبق للمسجد فيه سمبوسه ولا بريك او اي شي
ويضعه عند باب المسجد وياخذ الصحن فارغ عندما يخرج


وبعد فتره يتعلم الاخرين ويكون له اجرها و اجر من عمل بها