أريد أن يشتاق لي زوجي و يحس فيني
 

ليش ليش لما الرجال يعرف ان زوجته تحبه ومستحيل تزعل منه مهما سوى ومع ذلك يحاول استفزازها ورفع ضغطها هذي العادة اكره بزوجي ما يراعي اني حامل واوقات يقول كلام ثقيل ويرجع يقول كنت امزح , نقطة ضعفي حبه اتمنى بيوم ازعل منه واخذ موقف والله امس زعلني زعل ورحت ازور اهلي فكرت انام عندهم عشان ينقرص شوي ما قدرت شفته ما دق ولا سال رجعت دقيت اطمن عليه شوفتو كيف قلبي طيب وماا اقدر ازعل منه نفسي اثقل واحسسه اني مأخده بخاطري بس ما ااقدر والله الحب ابتلاء وخاصة ادا الزوج عرف ذا الشي مشكله نفسي اكون قاسية وقويه , تصدقون حتى اهلي يقلولون نتحداكي نتامي عندنا يوم عارفين ماااقدر ابعد عنه احس لو عدى يوم ما شفته ولا شميت ريحته اني مخنوقه :29: هبله صح , قولولي ايش اسوي ابغاه يشتاق ويحس فيني ابغاه يحس بنفس احساسي تجاهه ابغى يصير مجنون مثلي انا عارفه انه يحبني بس ابيه ينجن ؟؟

عفواً تم تعديل العنوان ليتضح المضمون.. الاشراف

الله مايحرمكم من بعض دائما المراءه عاطفيه وتعرف اتبين حبها وجنونها :) بس الرجل افعال انا زيك كنت اقول نفس الشي يعني اذا صار عنده حراره ورشح اقعد جنب راسه طول الليل واعصر برتقال وليمون واهتم بي اكله واخاف عليه كثير بالمقابل ما اشوقه يبادلني نفس الشي كنت اتنرفز اقول هل انا هبله ولازم اثقل ولا اعيش على طريقتي واتعامل ببساطه بالشي الي احسه حتى لو هوا غير

لما عملت عمليه ومرضت يالله لو تشوفي خوفه وحبه لي امبين بعيونه والكل لاحظ عليه وكان مضايق فتره نومي بالمستشفى كل اشوي يدق علي قلت ياريت من زمان مرضت كذا عشان اعرف غلاتي وبعدها الحين رجعت ريما لعادتها القديمه بس انا متاكده من حبه ولكن التعبير زيررروووووو كل ما اقله ليش كذا يقلي يعني ايش اعمل قوليلي كيف اسوي او يقولي فاضي حق شغل البزارين اصير اضحك عليه

مرسي للي ردو
انا كنت اول كل شوي ارسل واتصل الحين مااا اتصل ابدا حتى هوا صار ستغرب لدرجة بيوم اتأخر برا وهو قاصد رجع قال ما وحشتك ولا ارسلتي ولا اتصلتي ( الرجال عجايب )
وانا عند اهلي اتصلت لما شوفتها اتأخر عليه بس
يارب يارب يارب يسخر لي زوجي
وترى لما يمزح معاي مااا زعل بالعكس اضحك حتى هو يقول انتي صايره متبلده مو زي اول دمعتك على خدك
يعني الرجال غريبين جداااا ومزاجهم عجب المهم ربنا يديم الخير والسعاده بينا صح هيا مش مشكله صعبه بس اووقات الزوجه تكون نفسيا مش مستعده للمزح لكن غصبن عني لازم اتقبل لكن الرجال يا ويلي لما يكون زعلان او معصب ما يتقبل المزح :23: يعني لازم يراعو شوي وياليت كان عندنا دورات تثقيف للتعامل مع الزوج او الزوجه خلال فترات الحمل والدوره الشهريه , يا عالم والله حواء ضعيفة وبرئيه ووقت ما لقيت الحب مستعده تقدم روحها فداء لزوجها بس الله يهدي بني ادم المزاجي:14:

طنشي طنشي باقولك كل ما اعطيته وقت وتفكري فيه اكثير بتعود على ذلك ويصير كل شئ عادي
بالنسبة له مثلا لما تروحي لبيت اهلك اصبري ولا تتصلي بع راح يفقدك ويتصل هو ويستغرب ليه ما اتصلتي به لو فيه اي شئ كالعادة انت اقلبي هذه العادة انبسطي واعتني بنفسك اكثر من غير ما تنتظري يقولك اي كلام ولا تساليه لماذا او هل اعجبك او ما رايك خليه هو وحده يلتمس التغيير وراح تشوفي النتيجة الرجل بطبيعته غيور على مراتو مهما كانت ربنا يابرك في زواجكم ويسعدك يارب