|
زوجتي تغيرت فجاءه ولاادري مالسبب!
بسم الله الرحمن الرحيم السلام عليكم ورحمهـ الله وبركاتهـ كل عام وانتم بألف بخير والشهر علينا وعليكمـ مباركـ وعسى الله يتقبل منا ومنكم صالح الأعمال في البداية أشكر لكل مشرف في هذا المنتدى الرائع لما يقدمونه من تضحيات لهذا المنتدى للقيام به بأحسن صورهـ لا اريد ان اطيل عليكم ولكني اريد استشارتكم انا متزوج من 9 شهور كانت حياتي علي أحسن حال قبل شهر بالضبط حصل من زوجتي موقف واستغربت من هذا بعدما انتهينا من الغداء طلبت مني اساعدها في غسيل الصحون فنفذت ذلك طمعا لمساعدتها بعد ذلك ذهبت مباشره لغرفة النوم دخلت عليها بعد نصف ساعه حصلتها ممده علي السرير وتبكي بصراحه تفأجات وانفعلت واسمحولي اتكلم باللهجة العامية وش فيك عسى ما شر يا بنت الناس تشتكين من شئ حاسه بشئ قالت لي كلمه وياليت كل واحد مشرف كان او اختصاصي بها الاشياء او شخص مجرب قالت لي بهذى اللهجة انا من تزوجتك وانا احس نفسي اني مو مبسوطه يا ناس هالكلمه استغربت منها وش معني منتي مبسوطه وهالطلعات الي فاتت وهالايام الي راحت وهالضحكات والزعل والتراضي والاشياء الحلوه والمره بها الايام ما فكرت فيها هي استغربت حاولت اضغط عليها لكن من بعيد الي بعيد ابتسمت شوي و خليتها تذكر الله قلت لها ليش ما قلتي من اول قالت مدري انا من طبعي ما اتكلم اصير احبس في نفسي غريبه وشلون منتي مبسوطه رجعت وسألتها قالت تجيني ايام واحس اني مو مبسوطه اذا رحت لاهلي بعض الاحيان انبسط وبعض الاحيان لا ؟؟؟ المهم بعد طلبات قالت ابي اروح لاهلي هنا ابي اقول نقطه للجميع ": أنا اتيقن بان بعض النساء تقول لزوجها ومن أدنى سبب واذا زعلت ولو زعل بسيط ابي اروح لاهلي اكتشفت وابي اقولها لكم النقطه الي زعلتني قالت لي ابي اروح لاهلي ولا تسأل عني وخلاص اخذتها وبالطريق كلمت امها وقالت لها استغربت الام البنت صاحت ما قدرت تمسك نفسها كلمتها وسالتها اذا هم في البيت قالت ايه قلت انه جاينكم وبس دخلت البنت وعلي طول صاحت والحمد لله ان ابوها مو موجود اسمع صايح البنت وانا برى انا نزلت اغراضها وعلي طول مشيت والله العظيم يا ناس ما ادري وش فيها قلت يمكن عين يمكن نفس يمكن حسد البنت تقولي انت ما قصرت لكني ما احس نفسي مبسوطه خليتها كلمني اخوها وبشرني بان الامور بخير وان شاء الله بنحول نعرف منها قلت اذا مني تقصير او شئ قالي لا والله لكن من عندها هي بس البنت جلست 3 اسابيع بس ارسلها واذا دقيت تعتذر بكلمة وش تبي وانا ارد ابي اتطمن بس قبل يومين والحمد لله رجعتها بس من دخلت البيت وعلي طوول بكت دخلت الغرفه وصاحت وتجي تطالعني شوي وتقولي لا تطالعني وترجع تبكي جيت عندها ابفهم قالت روح امس ما صبرت مسكتها ونفس الحكايه طول اليوم بكي ولا بالغرفه ولا نجلس بالصاله وكأننا جماد يالله تطلع الكلمه بس تبين شئ اجيب شئ بسسسسس في اخر الليل رجعت وقالت لي كلمه انها رجعلها نفس الاول وتقولي انك ما خليتني علي راحتي 3 اسابيع وانا ما خليتك تقول كل يوم تدق ولا ترسل قلت رسايلي بس سؤال عن الحال بس قالت لا بس انا الي الحين تعبانه اللهـ يجزاكم خير وش رايكم هل هذا يصير لكل النساء انا اكبر اخواني وتو عمري 27 وامي حست بالفترة الي طافت ولا ودي ازعلها واضيق صدرها يا ناس قوووووووووووووولووووووووولي تكفون وش الي يصير هل تتوقعون انها نفس عين شفت مقطع للشيخ العريفي ولا تأكدت من نفسي لكن تصير ولا ادري يقول من اسباب العين ان الشحص يعرق حتى ولو الجو بارد بصراحه تصير لي بعض الاحيان احس نفسي طول هالشهور الي راحت ما استمتعت مع زوجتي باشياء كثيرهـ قبل لا انسى زوجتي مهيب حامل ( وادعي ربي بأنها حامل لكننا مأجلين الحمال شوي ) تكفون علموووووووووني هل هذا يصير لأغلب النساء اختي تقولي تصير يا رجال وانتم توكم في بدايتكم اقولها مهوب لها الدرجه او صح يمكن تصير للناس ولا احد يدري مدري احترت وش اقولكم وش اسوي افكر هالااياام ارجعها لكن اخوها كلمني امس وقلت له ان البنت توها واتوقع يبلها قرايه يعني احد يقرأ عليها قال يا رجال لا تجيبها هالحين ما نبي ابوي يتعب وامي بعد وابوي حساااس وبالذات لللبنات تكون والي يعافي شبابكم قولو لي وش الي صاير فيني وفيها الله يخليكم ريحوني وجزاكمـ الله خير .. ! |
والله شئ محير فعلا لكن انا اعرف وحدة حلتها قريبة من حالة زوجتك بس هي الان تتعالج عند الشيخ ابو زياد وقبل فترة قبلتها وقلت لي انها احسن بكتييييييير وهو قالها انها فيها عين وبعد كل فترة ترقي نفسها
والله يسخر لك زوجتك (اذا تقدر سافرو سوا وغيرو جو في حريم ما يحبو الروتين ويمكن هي من ها النوع بس ما تعرف تعبر عن اللي حاسة فيه)وهذا مجرد راي وارجو الاخوان ما يقصروا |
الله يفرج همكم
أخوي ( متزوج و لكن ) تغير البيئة و أسلوب الحياة يسبب بعض الضيق و الحزن لفترة تصل 6 أشهر و يسمونه الـ Home Sickness أخي الكريم أصبر عليها و مثل ما قال أخوها لا تحرص تردها لبيت أهلها ولا توديها لأحد يقرأ عليها ،، اقرأ عليها بنفسك ،، و مع الوقت راح تفضفض لك بالي في خاطرها و حتى تحس بحنانك و اهتمامك بها إذا الوضع استمر شهور بدون أي تقدم خذها لطبيب نفسي ،، ممكن يكون عندها اكتئاب |
يمكن عشان انك وافقت على تغسيل الصحون طحت من عينها.......مجرد راي شخصي |
اللهـ يعطيكـ العافيـهـ يــ شيرة911
الله كريم واسأل الله في بداية هالشهر الفضيل انه تنحل كل مشاكل المسلمين يارب العالمين |
السلام عليكم ورحمة الله وبركاته
أخوي الكريم اليوم اللي قالت لك فيه ساعدني في غسل الصحون هل كان عندكم عزيمة؟ إذا كان نعم اعزم نفس اللي عزمتهم وخذ من أثرهم إما فناجيل القهوة أو الصحون احتمال كبير تكون عين لكن هذا في علم الغيب أنصحك ب............للشيخ السدحان فهو ثقة ونفع الله به الكثير من الحالات وانتبهوا من الذهاب للسحرة تراكم تخسرون دينكم وتتعبون وأحيانا السحرة يحطون بالمريض جن عشان يحاولون يطلعون اللي فيه أو عشان يصير زبون مستمر بارك الله لكما وبارك عليكما وجمع بينكما في خير وفرج الله عنكما آمين عفواً يمنع وضع الروابط الخارجية /الاشراف |
أخــي / مخي فاصل اللهـ يجزاكـ خير .. أنتـ تقول (تغير البيئة و أسلوب الحياة يسبب بعض الضيق و الحزن لفترة تصل 6 أشهر و يسمونه الـ Home Sickness ) بصراحهـ انا حطيت هالنقطه لكنـ ياخي ما بعد صار شئ يعني قلت يمكن دوامي الطويل لانه من 8 الصباح الين 5 العصر بس ياخي ما صار شئ المشكلة في كلمتها ماااني مرتاااحه ياخي هذا شئ وسالفة الضيق ليش ياخوي الحمد لله اخواتنا وزوجاتنا راعين صلاة ودين وعارفين الله لكنـ وش قصدها هل تتوقعها من حسد وهل هذا يصير هل قد صار لزوجتكـ ؟؟؟ |
اسمح لي اخي عبدالله اسبر
هل تتوقع هذا سبب ياخي الي ما يساعد اهله في بيته ما احس انه راعي اخلاق الله يهديكـ بس |
اللهـ يعافيكـ اخي رابع
لا والله هذاك اليوم كانت هي الي مصلحته يعني لا هو من احد ولا شئ والله يجزاكـ خير علي موقع ........ عسى الله يعافي كل مريض ومريضه |
طيب تذكر موقف قبل المشكلة -أول مرة اتضايقت فيها- هل قابلت أحد أو عزمتم أحد أو زرتم أحد حاول تتذكر وقت الحادثة يمكن تهتدي لأحد صاب بالعين والمسألة تكون ظنية يمكن أحد قال كلمة بحسن نية وصابت بعين - بس ترى هذا مجرد ظن
|
| الساعة الآن 03:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©