|
سؤال موجه للأزواج كيف تستطيع المرأة استرجاع طليقها
السلام عليكم ورحمة الله
لاأريد أن أقول المشكلة بقدر ماأريد أن أعرف كيف تستطيع المرأة استرجاع طليقها السؤال موجه بوجه الخصوص للأزواج لأنهم أعلم بما يريدوه ..؟ وبوجه عام للجميع فربما أجد الحل بعد الله عندكم أنا محتارة ومتذبذبه كلانا مخطأان فلاأبرئ نفسي ولا أبرأه أمي لاتريد مني ان ارسل له شئ ولا ان انزل نفسي له لأنها تعلم أنني حاولت ولا ألومها وانا لاأريد العيش مع غيره وأريد أن أعود له زوجة خاصة أن بيني وبينه ابنة لاأريد لها العيش بعيد عن جو يضمها مع امها وابيها وللمعلومية فإن عدتي انتهت منذ شهرين الحمدلله استغفر وادعو الله في آخر الليل ولكن لابد أن أعمل بالأسباب اعذروني ان قلت لكم انني بدأت افكر في الموت اشعر بأنه راحة لي من الهم الذي أنا فيه حاولت ان اعيش وانساه وان افكر بنفسي وابنتي وبالحياة ككل ولكنني سرعان ماانهار لاتقولو كلمي اهلك أو قولي لهم يكلموه لأن هذا الشئ مستحيل فهم يعتبرو ذلك بمثابة اهدار لكرامتهم وحتى امه وابيه لم ارى منهم ولا مكالمه واحده والله العظيم أشعر بأنني سأنفجر بداخلي صراع نفسي قبل قليل ارسلت له رساله اقول له كنت اتمنى ان نصوم رمضان معآ وتكبر ابنتنا بيننا ولكن لارد ولا حياة لمن تنادي لاأعلم كييف يقسو قلبه كل هذه القسوة لاأعلم ماذا اقول اعذروني وارجو منكم الدعاء لي في هذا الشهر الفضيل |
الله يهديك
وين هالكلام من زمان؟؟ هو كان يحبك؟ اكيد اختي مابيرد عليك لان خلاص صار طليقك!! ماعليك غير الدعاء ولاعاد ترسلي رساله يحسبك ميته عليه يتغلى ويتكبر زياده ادعي واستغفري والله يوفقك وقولي داايم(انا لله وانا اليه راجعون اللهم اجرني في مصيبتي واخلف لي خيرا منها):) ممكن شر وانت ماتدرين!! |
الله يفرج همك
السلام عليكم ورحمة الله وبركاته,,,, يا اختي مافيه شي اسمه كرامه بين الازواج وبذات اذا كنتي تحبينه و ندمانه انا انصحك اذا كان فيه امام مسجد عندكم في الحي يثق فيه ان تكلمينه وتخلينه يكلمه ويحاول فيه ومع الدعاء وباذن الله يبي الله يهديه وبذات في هذا الشهر الفظيل ... الله يفرج همك ويهدي زوجك لك
|
ويني من زمان
كنت عايشه بالهموم ماني عارفه ماكنت اشكي لأحد ولا عمري كتبت هو يحبني ايه وانا متأكده هو يرد علي بس مدري كيف ردوده تحسي فيها الجفاء يعني معقوله عشرة سنتين تخليه يتعامل معي كذا فجأة وين الحب والعشرة بين يوم وليلة لمجرد انه اصبح طليقي اشعر انه كل شي صار كان تافه ومايستاهل اننا ننفصل رغم انه كان بيننا عين بس دايما افكر مو معقوله توصل انه يتخلى عني تصدقي قبل شوي رد علي يقولي انتي رسايلك متناقضه مرة تقولي مابغى طاريك ومرة تقولي كنت اتمنى نصوم مع بعض قلت له لاتلومني لأني اشوف تعاملك معي واسلوبك هو اللي ولد فيني التناقض جرح الطلاق وبعده عني جمر بقلبي احيانا احقد عليه وانقهر منه كيف سواها واحيانا اشعر بالشوق العظيم له والحنين والحب احيانا ابكي واحيانا اضحك اللهم لطفك ورحمتك اشكو اليك ياربي قلة حيلتي وضعف قوتي وهواني على الناس |
وعليكم السلام اخي عاشق داليا
مشكلتي اني حاولت وتكلمت لحد ماامي زعلت علي تقول يكفي نزلتي نفسك والرجل مايبي المرة اللي تنزل نفسها يشوفها نعله وانت بكرامه ماصدقت مو معقوله وش اسوي يعني اسكت واموت بهمي انا فوضت امري لله ودعيته بس برضو لابد اعمل بالأسباب والمشكلة انه انا ببيت اهلي وهو بحي واحنا بحي يعني صعبه انا فكرت فيها من قبل بس مدري من اقول له لأنه مافي احد اقدر اتكلم معه يارب يتقبل منك ويفرج همك ويرزقك من اوسع ابوابه |
عزيزتي.. تستطيع استرجاعه حين تعطي لنقسها قيمة وأهمية وكرامة.. من هانت عليه نفسه فهي عند الآخرين أهون!...دعي الثقل يأخذ حيزا من شخصيتك أختي واعطي لنقسك قدرا ليحترمك الآخرون.. معذرة ان قسوت عليكِ بكلامي ولكن ساءني أن تكوني بمثل هذا الضعف والسلبية.. تحياتي.. |
الله يهدي سركم
ويرجعك لزوجك ويتجمع شملكم مادري وش اقولك؟ الله يوفقك اذا تحسيه ان هو بعد يبيك لييييه طيب مايرجعك؟ وليييه العذاب |
اختي دلوعه
بالله قولي لي كيف اعطي نفسي اهميه وكرامه انا تركته ماارد عليه ولا اراسله شهرونصف وفي الأخير عندما حصل موقف مع اهلي جعلني اثور واموت قهر وارسله بس ماقلت له الا اني مولمه اغراض بنته يجي ياخذها عنده وسألني ليش انتي انخطبتي قلت له ايه خلاص انت بعتني وهذا اللي تبيه رد علي وقال اذن ابحث عن زوجة ... انا ماني عارفه ايش هل يقصد انه يبيني بس مو الحين والا وش السالفه الله يفرج الهموم يعني حتى خسراني له مافي فايده مدري وش اسوي |
عزيزتي نحن هنا لمساعدتك فلم لا تسردين لنا مشكلتك بتفاصيلها؟
ما هي أسباب طلاقك؟ كم كانت مدة زواجك؟ هل لديكِ أطفال؟ عزيزتي حاولي قطع صلتكِ به فهو طليقكِ وليس زوجك الا اذا كان هو متمسكا بكِ وهذا ما لا ألاحظه في مشكلتك.. تحياتي.. |
اختي انا اسفه
بس مافهمت سبب طلاقك ؟؟؟ |
| الساعة الآن 04:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©