|
الصوم و الحمل ؟
اول شي مبارك عليكم الشهر الكريم و الله يتقبل منا و منكم صومه و حسن قيامه عندي اسئله و حبذا لو الدكاتره يجاوبوا انا الحين حامل 3 اشهر و اسبوع (شوفوا التوقيع :d) و الحمدلله قدرت اصوم الأيام الي فاتت.. البلد الي انا عايشه فيه يكون مدة الصوم 17 ساعه :23:.. انا أول يومين ما حسيت بالجوع كثر ما كنت عطشاااااااانه موووووت المشكله انه امس و انا صايمه جاني مغص فظيع حول اسفل البطن و تحت الظهر و ما قدرت اكون واقفه على رجولي.. زوجي قالي خلاص فكي الصوم و اشربي حليب بس انا رفضت لأنه ما كان باقي على الفطور الا اقل من ساعتين.. تحملت الين فطرت و بعد الفطور بساعه رجعت كل شي اكلته يعني استفرغت ( اعز الله القارئين) المغص ابدا ما راح طول الليل و انا اتقلب و كنت مرعوبه ليكون صار شي للجنين لا سمح الله :24: و بعدين خف تلقائيا الحمدلله واليوم ما صمت عشان اشوف كيف راح اكون في الصباح دقيت على الدكتوره استفسر عن حالتي و لأن الدكتوره مش مسلمه و مستغربه على مسألة الصوم نهرتني و عاتبتني و قالت انتي ببداية حمل لازم تاكلي كل 3 ساعات حتى لو ما كنتي جوعانه و من الكلام هذه,, ما اقتنعت بكلامها :25: و كمان خلال الأربع أيام الي راحو نزل و زني 2,4 كغ و حاسه ان بطني صار صغير بعكس اول كنت احسه كبير و منفوخ الي ابغى اسئله ايش ممكن يكون سبب الألم؟ و من علامات الأجهاض نزول الدم صح؟ ايش تنصحوني اسوي؟ كيف لو صمت يوم و أكلت يوم؟ لأنه صعب علي ارجع اصوم شهر كامل و خاصه انه راح يكون في فترة رضاعه |
اقتباس:
اشكرك د/بيولوجي حتى زوجي قالي نفس كلامك بس انا ماني حاسه اني مريضه للدرجه هذه ابغى افهم ايش سبب الألم اساسا,, انا الحين احسن بس تنصحوني اروح اسوي سونار و اتطمن |
افطري احسن لانو الجنين يتغذى ع الاكل اللي تاكليه وانتي تحرميه 17 ساعه راح ياخذ كل اللي يحتاجه من جسمك والاكل اللي حتاكليه بعدين راح ياخذه الجنين لين تضعفي انتي شخصيا وتتعبي كثير فنصيحة مني افطري
بالنسبه للاجهاض من اعراضه نزول الدم وحاولي تسترخي كثير في هالفتره وربي يتتم عليك حملك ويقومك بالسلامه يارب |
ماتشوفين شر يالغاليه
بالنسبه للاجهاض نزول الدم علامه من علاماته حاولي ماتجهدين نفسك كثير اخذي فترات راحه خلال النهار واستشيري دكتوره ثانيه افضل انا افضل تطرحين تساؤلك الخاص بالافطار بقسم الاستشارات الشرعيه افضل واطمن لقلبك |
ينقل الى مكانه الانسب..النسائيه والتوليد
|
الله يعينك حبيبتي ..
ايام حملي عانيت من نفس الشي .. و سالت و قالوا لي عادي افطري اذا خفت على الجنين .. بس انتي زيدي اتاكدي صومي يوم و افطري يومين و لا 3 .. و بعدين اقضي بشهر 12 .. بتكوني لسع حامل ان شاء الله بس الوقت قصيييير الله يسهلها عليك و يثبت حملك يااارب |
أنا سألت مشايخ كثير ودكاتره ... بعد السؤال والاستفسارات
قالو ممكن الحامل ما تصوم لو في خطر عليها او على الجنين وهذا شيء شرعه الله عز وجل لنا ولله الحمد على نعمة الاسلام لذا لو تأتي لك هذه الاعراض فيفضل عدم الصوم وان شاء الله تقدري تعوضي هذه الايام بعد الولاده يكون الوقت اقصر ان شاء الله والله اعلم |
اقتباس:
اشكرك توته حبيبتي على النصيحه فعلا صرت اتعب بسرعه و احس بدوخه بسيطه يعني حاسه ضعفانه مره المشكله مو بس في الصوم الا تحظير الفظور كمان:29: اشكرك على الدعوه عزيزتي |
اقتباس:
الله يخليكي و يحميكي حبيبتي صعب اخذ فترات راحه و عندي بنت عمرها سنتين :23: قمة النشاط و المشاغبه فعلا ممكن استشير دكتوره ثانيه لأن هذي ما قتنعت بكلامها حكم الشرع في مسألة افطار الحامل انا اعرفه لأني قريت كثير عن الموضوع هذا,, و الحمدلله ديننا دين يسر و ليس دين عسر و لكن كنت ابغى اعرف رأي الظب بما انه مدة الصوم 17 ساعه + حمل اشكرك مشرفتنا جينز |
اقتباس:
هلا بفراشتنا نورا :) والله انك خطيره و ذكيه يا بنت.. فعلا جبتيها ليش لأ في الشتا في شهر 12 بيكون الفجر تقريبا الساعه 8 و المغرب الساعه 15 يعني بيكون 7 ساعات او اقل صوم :22:ان شاء الله بحاول اقضي وقتها مشكوره على الدعوه و الله يعطيكي العافيه |
| الساعة الآن 11:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©