|
ذهبت زوجتي من ورائي ((انا الان اعيش المشكلة و ابي حل ))
السلام عليكم ورحمة الله و بركاته كل عام و الأمة الإسلامية بخير و سلام لدي مشكلة و اريد لها حل انا متزوج من 7 شهور تقريبا و حصل مشاكل مع ابو المراة لكن مشينا الامور و مشت الحمد لله لكن حسيت اني بعد الزواج و من اول اسبوع تقريبا بدأت المشاكل فعصبت عليها و تكلمت على اهلها الله يسامحني لكن تحملت مع العلم انه ما مر اسبوعين على بعض بدون مشاكل و في اخر شهر إلي هو السابع تقريبا كل واحد مطنش الثاني و انا بصراحة ما تحملت و قلت متى تنتهي ذا المشاكل و كانها رفعت الصوت علي و انا ما تحملت و رفعت الصوت عليها و ضربتها و بكت شوي و قالت ما ابيك خلاص و تندمت و جلست اهديها إلى ان خفت بنسبة خمسين في المية و الحمد لله و من بكره عشت احلى يوم في حياتي تغدينا احلى غدا و تعشينا احلى عشا من يديها و جلسنا طول الليل نسولف و نضحك طلعت الصباح للدوام ور حعت لقيتها شابه على الغداء و قلت قو ميني بعد العصر قالت اوكي نمت و ما دريت إلى العشاء يئذن قمت انادي يا فلانه يا فلانه ما لقيتها خوفتني مره مره و فجاة القاها رايحة لأهلها مع ابوها الله يصلحه مع العلم ان اللي صار بدون ادنى استئذان منها لي و كلمت ابوها و قال تعال نتفاهم عندي و طلبتها قال ان مالها رغبة تكلمت و انا الان لي ما يقارب الاسبوع و اكلم عليهم لكن ما يردون علي و ش الحل في رايكم تكفون عطوني حل هل انا مخظئ ام لا هل ستعود لي ام لا هل سيعود الحب من جديد إذا رجعت الله يصلحها مع العلم اني اموت فيها هل معها حق في تصرفها معي و عدم الرد علي و لو برساله ووش تقصد بتصرفها هذا ووشلون اكمل عيشتي معها و هالتصرف ما راح انساه و انا إلى الان ما رحت لهم لأني حس فيها جرح للكرامة عندي الله يفكنا من الهم و الغم و ش رايكم |
انت مخطي انك مديت ايدك عليها وانت لسى ماكملت شهر العسل
وبعدين انت شكلك محروق من ابوها وحطيت حرتك فيها المفروض ماتمد ايدك عليها وهي طلعت من بيتها عشان انت تتأدب ومايتكرر هي صح اللي سوته انها طلعت من بيتها واكيد ابوها جا اخذها واذا كانت راحت من الدوام كان جا الغلط عليها يااخي لا تتهاون في مد اليد والله كبيره بالنسبه لنا كانساء فيها كرامه لنا وانصحك خليه احد من اهلك يتصل ويصلح بينكم وخذ عهد على نفسك انك ماتكررها الله يهدي سركم |
يعطيك العافية على مشاركتك لي
و انا عاقد العزم على اني ما راح اسويها لكن عجزت اقتنع بحركتها معي اقل شي استئذنتني يا ناس الزوج له قيمته ولا انا مخطي ؟ و بعدين انا الان غضبان عليها و الملائكة تلعنها صح ولا لا |
اذا انت انهانت كرامتك ! هي الي سويته فيها في اول سنه زواج وشهر العسسل الي للأسف انقلب بصل .. راح يضل طوووووووول عمره ملازمها وراح تتحسر لين تمووت .. اجل انت انهنت وكرامه ! طيب وش تقول عنها الي ضررربتها وسبيت اهلها وش تبيها تسووي ؟! مالومها والله .. الي بياخذ بنات الناس يحاافظ عليهم ويراعي شععووورهم ويحترم اهلها .. اذا انت مـوقد هالشي ياااااخوي لا تتعب بنات الناس وتجيب لنفسك الدعـاوووي وتخلي المسلمين يدعون عليم بهالشهر تلافقي امها واهلها محروق قلبهم على بنتهم ويمكن احد دعى عليك بهالشهر اعووذ بالله بسس طبعا لازم ترووووووح وتشوووف زوجتـك وتكون بجد رجال وعند كلمتك وتحافظ عليها .. روح واطووي كل شي بينك وبين اهلها وخذ عهد بينك وبين الله قبل لايكون بينك وبين اهلها انك ماتجيبي سيرة اهلها بشين انت ماترضاها على نفسك ولا على اهلك انه زوجتك تقل ادبها او تسبهم .. صح ؟! وغير كذا .. تعااهد الله انك ماتمـد يدك .. ولاتضربها مهما كان .. الله يهدي سرررركم .. وانصحك تجيب زوجتك وتتأسف لها .. وتطيب خاطرها وربي حرام كسرت خاطري .. ولاتخلون رمضان يمشي وانتوا مو مع بعض .. ربي يووووفقكم ويحنن قلوووبكم على بعض .. |
انا تأسفت منها و نويت اغير حياتي معها و هي و افقت على هالشي
و قالت لا تتعودها ثانية قلت طيب و لكن الفاس شلخ الراس الله ياخذ بليس هو السبب |
عفوا ..تم نقله للقسم المناسب .المتزوجين |
وعليكم السلام ورحمة الله وبركاته الله يكون بعونك انت تقول اقتباس:
ليش والدها جاء من بكره بعدما رجعت المياه لمجاريها بينك وبين زوجتك ؟ هل يعني هي من بلغ والدها في الامس ولم يستطيع الحضور الا من الغد غريب ما حدث انت مخطئ ولكن المشكلة انكما تصالحتما انت وزوجتك وتدخل والدها سوف يعيد المشكلة او ربما انها من الاساس تنتظر الحل من والدها ولم تخبرك بشيء عن موقفها زوجتك لها دور مهم ولكنه غير واضح لنا هنا |
عليكم السلام ورحمة الله وبركاته
أخي الفاضل أنتم في أول زواجكم .....يعني النرفزه طبيعي بينكم كل شي جديد عليكم لكن الأمور ما تتعالج بالصوت العالي والضرب هذا يسمى أسلوب (تحقير) للطرف الثاني مافي أحلى من الحلم في الزواج خلك حليم معها ...وأكيد راح تحس الأخت ببغلطها دائما أبعدوا عن المشاكل الصغيره وأذا هي شدة أنت أرخي بكره تتعود عليك وما تشوف إلا رضاك دور على أسلوب جميل لمواجهة المشاكل مو من أولها بيت أبوها |
اقتباس:
|
اقتباس:
أحيانا و للأسف يكون السبب تافه كأن لم تتحدث معها او ماعبرتها او كانت محتاجة تجلس معك و أنت نمت أحيانا يكون لجهلها بأسلوب الحياة الزوجية و طبيعة الرجل تتنرفز على أشياء ما تستاهل يعني تكون شيء تافه و جر معها الأمور الأخرى التي حصلت من ضرب و سب للأسف منك فتجمعت لديها تصرفها خاطئ لكن عليك ألا تكون سلبي , روح لأبوها و شوف ما السبب لاتحس انك بذلك منذل او شيء لاسمح الله يعني لو جاء الموضوع عن الضرب , فلازم تقول لحظة غضب و توعد بطريقة محترمة انك بتحطها بعينك بس تخفف عصبية و حدة و اذكر له انه تم التفاهم بينكما فما السبب الآخر ,,, ربما يكون مثل ما قلت لك تافه و بذا تكون طريقة معالجتها ..خاطئة عليكما ان تنضجا في حل مشاكلكما نعم تحصل في السنة الأولى هكذا مشاكل لكن تفائل خير , هذا نتيجة لمصارعة التأقلم و اختلاف شخصيتكما عموما ما عندك حل ألا أنك تواجه و تزور ابوها |
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©