|
هل يجب غلي حليب الابل ؟
السلام عليكم ورحمة الله و بركاته
زوجي بارك الله فيه يريد اعطاء ابني حليب الابل بعد بلوغه السنة هو يشربه اقصد زوجي بدون غلي وانو سال الراعي قلو انا ماعمري شريت لا انا ولا اولادي بالغلي ابدا لانو حليب الابل لايتلوث (سحر يعني كيف مابتلوث ازا مش الحليب فمن الايدي الي حلبت و ضرع الناقة) المهم زوجي مصر اصرار عجيب انو اللبن لو انغلى يفقد قيمته وخلص خرب ويريد ان اعطيه لابني بدون غلي يعني انا انجنيت كيف مابنفع طفل صغير يصيرلو اشي لو متلوث وهوة بقلي لا طاهر ونظيف ياريت اهل الخبرة والاختصاص خاصة دول الخليج الي عندهم الحليب منتشر لو تعرفو تسالو او توضعو الي مقالات زوجي المشكلة بفكر لو غلينا بتروح قيمته الغذائية ما العمل لاقناعه او ما الخيار الصحيح في هالحالة غلية ام لا؟؟؟؟ ياريت التفصيل بالمقالات لو تقدرو بحثت مالاقيت كتير |
حليب ابل لطفل؟؟
برايي اسالي الدكتور بالاول اذا ينفع ياخذه .. اخاف يسببله اسهال او شيء لا سمح الله لانه اعرف انه بيمشي البطن هههههههههه بس فعلا فوايده ممتااازه خصوصا على الرجال.. |
ايوة كريستالا عادي للطفل
هوة بيعمل اسهال لو مااخدتيه بالتدريج لكن لو كل يوم ملعقة وتزيدي الكمية بالتدريج عادي جدا بتعود هوة اصلا خفيف ومافي دهن صديق زوجي بجيب البان الابل وخبير فيها بقول مابنفع ينعمل فيها زبادي او جبنة لانعدام الدسم فيها فهوة فقط لعدم تعود المعدة بعمل اولها اسهال كتير بسمع عندكو في السعودية والخليج بعطوه اطفالهم من سن مبكرة وعادي ويعني شو فرقت عن حليب البقر بالعكس هادا اخف بكتير وخالي الدسم :) |
هو مفيد للرجال << فاهمه قصدي؟؟
مقوي بس مش عارفه للرضع اذا بينفع او لا .. اتذكر مره من اقربائي شربه جاله اسهال وقعد هذاك اليوم كله في الحمام (وانتي بكرامه) مش قادر يخرج منه هههههههههه فعلا زي ما انتي قلتي شربه مره وحده مش بالتدريج.. |
عادي يا ملك شادي
ما ينغلى حليب الابل وكلام زوجك صحيح انا زوجي يشربه دائما ومتعود عليه وهو ماشاء الله يعطي مناعة رائعة للجسم وكله بركه واطفالنا كلهم يشربونه بالتدريج هي مسألة تعود لا اكثر ولا أقل |
كريست فاهمة قصدك
طيب خلينا نقوي الولد من هلأ عشان يرفع راسنا ليلة الدخلة هههههه هوة كتير حلو للاطفال كمان مقوي وبحفز النمو والطول وحدة بتقلي بتعرف وحدة ابنها بشربو ومن هوة صغير عمرو 7 سنين لكن زي الي 12 ماشاءالله من الصحة شكرا الك وشفتيييييي انو عشان مش بالتدريج اجاه اسهال حتى زوجي اول مبدا يشربو كان يشربو مرة وحدة واجالو اسهال انا ماشربتو ابداا ريحته غريبة وزوجي مصمم اشربو ويمكن اتجرا واشربه بكر حبيبتي شكرا بس مبارح سالت وحدة اهلها بعرفو وبشربو بتقول ابوها جاتلو حمى مالطية منو لانو ماغلاه لانو ممكن الناقة تكون مصابة وماببان عليها عارفة زي حكاية شو السالمونيلا في لحم الدجاج شي ماببان عالدجاجة لهيك لازم طبخ الدجاجة فحذرتني جدا من شربه بدون غلي اضافة انو سلفاتها يعني زوجات اخوة زوجها شربوه وجاتهم حمى ملطية هما التانيين لانو ماكانو يغلوه فصدفت مرة وكان في حمى بعيد الشر عنك وعنا بعدين بصراحة يعني ازا الحليب نظيف الناقة طيب نظيفة مهية بتقعد وين ماجا عبالها ومو دارية بشي ممكن تعمل وساخة يعني الله يعزك وتقعد عليها طيب الراعي الي غالبا في الصحرة والبادية والناس الي هناك مابهتمو بالتطهير والنظافة هاي شو فيها ايدو من جراثيم و قاذورات زوجي برضو مابيغليه ومصمم مايغليه بالاخر قلتلو انت حر الحمى المالطية عموما مابتعدي هههههههههه بعيد الشر عنو بس حشربو لفهود كل يوم ملعقة صغيرة بالتدريج لتصير كباية وزي هيك والله يقوينا ان شاءالله تسلمي |
الله خير حافظ ياغالية
انا اتكلم عن تجربة شخصية لأن النوق حلالنا ومو غريبين عنا يعني زوجي يروح عزبته ويجيب للبيت ويشرب :) الله يحفظ لك فهود ويحميه |
أنتبهوا حليب الأبل ثقيل جدا وما ينفع للأطفال , مره صديقي شرب ولده وكان عمره سنتين , الولد ما قدر يتبرز
ممنوع وضع روابط خارجية .. الاشراف |
بكر شكرا الك بس انت قلتيها حلالكو وبتعرفو شو فيه وزوجك بنفسه بروح يجيبو يعني عارفين النظافة وغيرو
احنا بنوصي عليه توصاية ماعنا جمال للاسف:) علو النفس الشغلة تعود وبالتدريج اما من اول مرة دفعة وحدة بالتاكيد بيعمل مشاكل بالمعدة شكرا الك |
في شئ لفت انتباهي
انكم قلتم حليب النوق مفيد ويطول مع احترامي الشديد للشعوب الي تشرب من الحليب بس الي ملاحظته انه ما فيهم ذاك الطول الزايد و هم للقصر اقرب |
| الساعة الآن 08:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©