|
عدت لكم مشتاقة ولكن معي مشكلة لأسرتي بأكملها والله حياتنا اشبه بالعذاب بسبب أمي
السلام عليكم ورحمة الله وبركاته
احبابي في الله كل عام وانتم بخير وتقبل الله منا ومنك الصيام والقيام طبعا اكيييييييد رجعت غلا 2005 بمشاكلها اللي ما تنتهي والله يرزقنا الاحتساب والصبر مشكلتي هالمرة هي مشكلة اهلي وانا والله ما طرحتها هنا في هالمنتدى بالذات إلا لآني أثق بكم كثيييرا احبابي باختصار حياة اهلي باختصار صارت اشبه ما تكون بالحجيم والله أكلهم كل يووم وكلهم متوتريييييييييييييييييييييين بسبب امي امي الله يشفيها عمرها 51 مريضة بالسكر والضغط وعندها عين ماعاد تشوف فيها من شهرين او اكثر بسبب السكر المرتفع وايضا رجولها ما صارت تحس فيها صارت امي حساسة كثييييييييييييييييييييييير على فكرة أمي أساسا من يوم احنا اطفال كانت عصبية معنا وتضربنا و تسيء الظن فينا كثير وتهاوشنا قدام الناس بل تشهر فينا سواء أولاد أو بنات وتدعي علينا دعاء غريب والله المشكلة اننا متعودين على كذا من امي وصاربين بس لاحظت مؤخرا لما أكلم اهي انا اسكن بعيدة عنهم بأكثر من 1000 كيلو احس انهم كلهم حزيينين متوترييييييييين أعصابهم مشدودة السبب ان امي صارت تدعي عليهم كل شوي واحيانا تتقصد وقت الفطور على فكرة اغلنبا متزوجين واغلبنا ما عنده عيال واللي عنده بس عنده ثلاثة او 2 اطفال اخواتي المتزوجات عند امي لهم فترة خاصة وحدة منهم راحوا عشان يسلوا اختي اللي لسة ما تزوجت وهي الصغرى وعشان امي بس والله انهم يجلسون طفشانين بسبب تهزيء وتجريح امي لهم آآآآآآآآآه والله ما ادري وش اكتب احس اني متلخبطة بس بأوصف لكم امي امي حساسة عصبية تدعي يمكن بالثووووووووواني على اخواتي خاصة الصغرى اللي لسة ما تزوجت تنتقدنا ولا يعجبها العجب لو طبخوا طبخة تقول ما فكرتهم فييني واساسا الشغالة (قصدها شغالة اختي) هي اللي طبخت ولا تهتموا فيني وامي اساسا ما تحب اخواتي يجتمعون ويسولفون بل تجي تنكد عليهم وتروح غرفتها وتتقفل بالمفتاح اغلب وقتها نااااااااااااااايمة ولا قامت تدور شيء عشان تهاوش عليه المشكلة اختي الصغرى صارت كئيبة حزينة والله أكلها وصوتها رايح فيها واحسها صارت عصبية صارت ما تتحمل زي اول صارت اذا امي رفعت صوتها عليها ترفع صوتها كمااان اقول لها ما يصلح يا اختي تقول والله العظيم غصب عني لو تدرين وش تسوي امي عذرتيني انتي في بيتك ما تدرين عن شيء واختي اللي اصغر مني على طول متزوجة وعندها بنتين اليوم كلمتني وقالت امي صارت عصبية بزود ما تتحملنا و تعصب وتعصب على عيالي تقول لي ربي بنتك اللي ما تربت (وصدق بنت اختي شقية جدا بحكم تربيتها في بيت اهل ابوها واغلبهم اولاد) تقول لها امي روحي جعلك لا تردين تقصد بنت اختي في الافطار لازم تسوي سالفة وانها مظلومة ولا فكروا فيها اخواتي يعني تجي تطبخ اي شيء ولسان حالها لي الله انا لازم اعتمد على نفسي لآنكم ما فكرتم فيني والله اخواتي يسووا لها شوربة بدون ملح وبهارات زي رغبتها و سمبوسة داخل الفرن مو بالزيت و عصير بدون سكر واشياء ثانية اخواتي ينوعون ويطبخون انواع واشكال خاصة لما اخواني وحريمهم يفطرون معنا امس قالت لهم ما رح أسامحكم انكم تطبخون ما لذ وطاب وانا ما أقدر أكل طيب بالله شنسوي لازم نطبخ حلا و نسوي اكل بملح وبهارات عشان الظيوف ياكلون والله العظيم اني محتارة وصارت ما تهتم بنفسها نااااااااااااايمة اربع وعشرين ساعة لما اقول لها تحركي عشان السكر ينزل تقول وين اروح السطح اسلاك وتتعذر بأي شيء امي مكتئبة جدا وتنظر للحياة وللناس بمنطار اسود تسيء الظن بالجميع حتى بعيالها وحتى بالاطفال لمانجتمع ونسولف عندها لاززززززززم تجيب سالفة وتبكي امي غير راضية لا يعجبها شيء نفسي يقوى عندها الوازع الديني يمكن تتغير وتتفاءل وتعلم ان ما اصابها لو صبرت واحتسبت فلها الاجر وداااايم تتكلم وتجرح اختي الصغرى وتقول لها انتي ما منك فايدة والله اختي صارت معقدة وغير واثقة في نفسها لآن امي كل كل شيء فيها تنتقده ادري اني لخبطت ولخبطتكم معي لكن اتمنى من الله تساعدوووووووووووني ومن فرج عن مؤمن كربة فرج الله عنه كربة من كرب يوم القيامة لاحول ولاقوة إلا بالله اللهم اشف امي وانزل السكينة على بيتنا ياااااااااااااااااااارب |
استغفر الله العظيم واتوب اليه
|
والله مشكله مش عارفه اقللك ايه
بس مامتك مش مسنه يعنى موصلتش للشيخوخه اوى لسه 51 سنه انا اللى صعبان عليا اختك الصغيرة بصراحه ربنا يعينها ويؤجرها ويعوض صبرها خير ب س اللى اقدر اقوله حاولوا تتجمعوا انتى واخواتك فى غرفة امك وتتحدثوا امامها وتشركوها فى الحديث مش تتركوها فى غرفة وتخرجوا لغرفه اخرى لتتسامروا فيها انتى قلتى انها حساسه يمكن هى حاسه انها بقيت كبيرة ومريضه وعاله عليكم وده تاعبلها نفسيتها انتم حاولوا تزودوا الاهتمام بيها اكتر واتصلوا اسألوا عليها يوميا ودلعوها زى الأطفال واكلوها بأيديكم عندى احساس انها محتاجه لحنانكم اكتر عندى سؤال الوالد موجود؟ ربنا يرزقك الذريه الصالحه يارب عاجلا غير اجلا |
اللهم اشف ام غلا وانزل السكينة على بيتها ياااااااااااااااااااارب
اللهم هون عليهم وارحم امها رحمة من عندك تقوي ايمانها وتترك بها اذى بناتها |
جزيت خيرا حبيبتي
ابوي الله يرحمه ويسكنه الجنة متوفي من اكثر من 21 سنة وامي اغلب ايام السنة تعيش مع اخوي اللي متزوج وعنده زوجة بلا اطفال و اختي الصغرى تصدقين لما نروح نبغى نسولف معها تقول انكم مزعجات و ما يعجبها سوالفنا اصلا و اصلا تنتقد كلامنا اما بالنسة لاختي فما تقول جملة تقريبا إلا وتنتقدها والله العظيم اختي ما صارت تعرف تسولف مع ان عمرها 21وفي الجامعة لآن امي حطمتها انا عارفة اني امي مو كبيرة بس هي مصرة تعيش دور العجوووووووور المظلومة مع ان اخواني والله طيبين معها خاصة قبل ما يتزوحوا بس والله لاحظت انهم صاروا اذا جونا يفضلون جو حريمهم الخالي من المشاكل لآن امي ما يعجبها اي شيء يقدموه لها بل تتهم بالتطنيش و الاهمال لها واذكر مرة واحد من اخواني راح عندها شهر كامل هو وزوجته وكان احيانا يبي يدخل غرفتها و يسولف بس هي تقفل الباب واذا احد دق ما ترد عليه اللي لاحظته مؤخرا لما أكلم اخواتي ان البيت مشحووووووووووووون وكل في غرفة لحاله من الطفش والتوتر والقلق اختي صارت انعزالية لكن امس كلمتهم قبل الفجر وقلت لهم روحو صحوا امي تتسحر قالوا لي هي اساسا في غرفتها ومعها كل اكلها وصرنا نخاف ندق عليها الباب لآنها تدعي على اللي يدق بكسر يده الله المستعان يااااااااااااااااااارب انزل الرفق على بيتنا يااااااااااااااااااااااااااااااااااااااااااااااااا اااارب وارزق اختي زوج صااااااااالح يعوضها عن حياتها اللي احس انها ألم نفسي بمعنى الكلمة تصدقووون اختي ما صارت تحب امي ابدا و تقول لما اشوفها كأني اشوف وحش صارت تخافها وتخاف دعاويها وعلى فكرة حتى اخواتي اللي اكبر منها بكثير صاروا يخافون من امي ويتحاشوها لا حول ولاقوة إلا بالله |
انا قلت لأخواتي والله اني كلما أكلمهم أوصيهم عليها
بس قالوا ان الوضع صار لا يطااااااااااق امي صارت غير محتملة بسبب لسانها اقول لهم تحملوووووووها اعتبرها طفلة هي صارت حساسة لما مرضت اكثر بس قالوا شنسوي يعني ما يعجبها طبخنا ما تعجبها نظافتها ما تعجبها سوالفنا كلش نقد في نقد مع ان اخواتي والله احس انهم يحاولون رضاها بس حاليا صاروا يخااااااااااااااااااااااافوها خوووووووووف حتى اخواتي المتزوجات كلمتهم اليوم قالوا شكلنا بننحاش بس نرحم اختي الصغرى الي رح تستفرد بكل هالدعاوي والسخرية والتجريح وحتى اخواتي قالوا والله اشتقنا لبيتوتنا الحياة هنا (قصدهم بيت امي) حجيم انا طبعا ما رحت هالمرة بس اهلي جوني قبل اقل من شهر وجلسوا عندي تقريبا اسبوعين واكثر ياااااااااااااااااااااارب فرجك تكفووووووووووووووون ادعي لاهل بيتنا ياااااااااااااااااااااااااارب شكرا للجميييييييييييييييع |
افتقدناك اختي ....
ربي يفرج همك و يشفي امك و يهديها و يرزقك و اخواتك الذرية الصالحة يارب حبيبتي المعروف انه الانسان كلما كبر تزيد حدة اطباعه... فمابالك و انه والدتك اصلا اطباعها حادة من صغرها و شبابها كما ذكرتي .. يعني طبيعي انه تصير احد من اول ولسه كل ما كبرت راح تزيد في حدتها ... والدتك ماهي بكبيرة في العمر لكن شكلها ماكانت راضية بحياتها من البداية و عدم الرضا زاد و استفحل بتقدم العمر ماتقدرون تسوي شي .. ماعتقد انه في امل تتغير بعد العمر هذا كله .. مالك الا انكم تستحملوها و تدعون لها بالهداية ... لو والدتك قادرة تطلع كنت بقولك اشركوها بنادي مثلا او اي تجمع لكبار السن يمكن لو لاقت حد بسنها تلتهي معاها الله يهديها و يشفيها |
ممكن اختك تقعد عند حد من اخوانك ... و تخلوا امك ببيت مع خدامة تخدمها و كل يوم وحدة من خواتك او زوجات اخوانك تروح تشوفها و تهتم بها ( بالدور يعني )) على الاقل يوم يسمعون تجريح و يوم يرتاحوا
|
دي أعراض سن اليأس خالص
انتي لو دورتي عليها في النت وعملتي بحث هتلاقيها كدا المزاجية والحساسية والحدّة وكل الكلام ده زائد انها اساسا عندها استعداد للحالة دي وعلى فكرة دكتورة النسا بتضبط الهرمونات والحاجات دي خالص |
جزاكم الله خيرا
اختي ما تقدر تقعد عند اخواني لآنها عندهم تشتغل وتتعب و سبب آخر عشان الجامعة لآن الباص يجي لبيتنا نحنا واثنين من اخواني في مدن ثانية يعني مو نفس المدينة وواحد ساكن في بيت العايلة مع امي ولا اخفيكم والله صار ما يلقاها أو يحاول يقعد معها عشان وضعها هذا وهو متزوج بلا اطفال و الثاني بيته في نفس المدينة وهو الشقيق الاكبر لكن اختي تفضل تقعد في بيتنا في غرفة لحالها بدل ما تروح وتكرف عندهم الله يكون في عونها ويفرج همنا وهمها فعلا أنا اقنع نفسي وأخواتي ان مستحيل أمي تتغير للاحسن ..بس المشكلة ان الوضع صار غير مستحمل لكن عندي سؤال لو الوالدة تدعي علينا كل يوووووووم و مثلا في رمضان قبل الافطار واحنا خاصة اخواتي لآني انا بعيدة عنهم ما سوينا شيء يستاهل فقط هي تبغى احيانا اشياء تعجيزية في وقت قليل جدا وتدخل نفسها في اشياء احنا اعرف بها خاصة من ناحية التحضير للسفرة والمشكلة اذا صار عندنا ضيوف فالوقت فعلا يضيق السؤال هل لو دعت على احدانا ممكن الله يستجيب دعاها واذا كانت ظالمة ؟؟ لآن اخواتي خاصة الصغرى عقدتهم هذه المسألة وصارت اختي تقول لي أحس اني ما رح اتوفق في حياتي وفعلا والله صارت مكتئبة ولا تهتم بحالها من الهم اللي عايشته يااااااااااااررب فرج عنها على فكرة امي صارت تكره تروح للدكتور لآن مسكينة كثير تاخذ علاجات حق الكلى و ابر السكر والعيون وغيرها فما أتوقع توافق نوديها لدكتور عشان تضبط هرموناتها واساسا انا اقول لها بدائل طبيعية عشان تضبط عندها الهرمون مثل الميرمية واليانسون لكن ما تحب الاعشاب ابدا امس كلمتها قبل ساعة من السحور وكانت بتتسحر قلت له اخريها شوي عشان السكر يعني تسحري على اخر الوقت قالت اساسا السحور سااااااااامج ولا له طعم ؟؟ لآن هذا اساسا سحورها لازم ما في ملح عشان الضغط وهي ما تحب البهارات عشان تقول يحرقها في صدرها بالله وش اقول لها ابغاها تطلع من حالة التظلم و التشكي والتشاؤوم والاكتئاب معليش عارفة اني طولت الموضوع بس والله من جد اصبحنا اسرة مشتتة والبيت كله عصبية و اخواتي صاروا ينفخوا ولا يستحملوا بعض عشان امي موترة جو البيت الله يهدينا واياها سامحوني |
| الساعة الآن 05:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©