|
الحقوني حامل واكاد اجن من العصبية
السلام عليكم
يا بنات انا حامل 7 اسابيع والحمدلله انتظرت احمل كتير،، المهم اخدت حبوب دافستون بالاضافة الى ابرة وتحاميل عدد 15 كل تحميلة تعادل كمية الابرة..واموري الحمدلله تمام بس المشكلة حاسة حالي كتير عصبية رح انجن الحقوني انقذوني.. علاقتي بابني تسوء يوميا عمره سنتين ونص ومش قادرة اسيطر على نفسي اصرخ فيه وهو يبقى يغيزني ويدايقني لحد ما افقد السيطرة واضربه .. وطبعا بندم وبزعل والولد حالته سيئة صار عنده تبول لا ارادي بعد ما اتعلم على الحمام الحقوني مشان الله.. طبعا يا ريت تنسوني من التجريح لاني عارفة اني ام سيئة ِiam a bad mother مع هيك بدي حل ارجوكم |
هلا اختي انا مثلك حامل وصايره عصبيه كثير حتى على بنتي وعمربنتي مثل ولدك سنتين ونص انا معلمتها على الحمام
وهم بالعمر هذا يحبو كل شي ومايميزو ويحبو يتعرفو على كل شي انا كل يوم لازم يا اهوشها واو اضربها وكل مااقول خالص مااراح اضربها ثاني تلقيني من بكره ضربتها بس على غلط 00 اليوم على سبيل المثل(جالسه اصلح الفطور ولقيتها دخلها غرفتي وطالعه على التسريحه وما اخذ قلم سايل ومخربطها على يدها والعشاءاخذت صحنها وكبتها على طاوله التلفاز وش يبكون ردت فعلك اكيد اهوش وضرب عاد مو ضرب بيذبح لا طبعنا على اليد او اهوش ياا هل الخبره ولاختصاص عطونا نصيحكم مع ها الا طفال والام تكون حامل ؟ وانا اسفها اني زتك هم وغيرت الموضوع |
اهلين حبيبتي ام جمون
اولا اسعدتني مداخلتك بالعكس ما زدتيها علي ولا اشي لاني لما احس انه مش انا لحالي بس بتهون المشكلة علي فهمتيني يا قمر عشان هيك نورتي الموضوع ع العموم ابني بطلع كمان ع التسريح وبمسك لك اقلام الروج وبرسم ع الدروج والتخت وبشوفه بسير اصرخ بدون وعي بحس اني مجنونة مرات.. ابني اتعلم ع الحمام من 4 اشهر ومن شهرين تقريبا صار اموره تمام يعني نضيف امبارح عمل نونو على نفسه صرخت عليه كالعادة يعني دايما بصرخ عليه رجع فتح المي تبعت الكولر على صحن فيه شبس وعبى الارض مي وشبس صرت اصرخ وضربته كف وبعدها عمل 3 مرات نونو على حاله بدون فارق زمني بينهم فحسيت انه عنده مشكلة بالليل عمل نونو ع التخت تبعه فعرفت انه المشكلة بيني وبينه تتفاقم وانه الامور من سيء لاسوأ فدورت ع التبول اللاارادي المهم طلع اللي عنده سلس بول ثانوي يعني بعد ما تعلم يتحكم بنفسه صار عنده انتكاسه بسبب المعاملة السيئة فحلفت انه اعاملة منيح والله اليوم طول النهار ادلعه واداديه واحبه وعمل ع حاله نونو مرتين اقوله يلا معلش ماما هادا سر بيني وبينك المرة الجاي بتعمل بالحمام ومن هالكلام بالليل خربتها نزلنا عندحماتي صار يقولي ديده انت حيوانة ومش عارفة شو سكت له وبس طلعنا كنت حابساها بقلبي عمل نونو ع حاله ضربته بس بكرة ان شاء الله لن اضربه وساحاول ان اداريه اكتر الله يكون في عوني وعونك يا ام جمون وسلمتي على المرور.. |
الله يهديهم
بس حرام والله زعلت عالاطفال والله يعينكو الحمل هيك ايش نعمل ماعندي فكرة والله بس حبيت ادعيلكم |
لاحول ولا قوة إلا بالله العلي العظيم
الله يتمم حملك على خير يا أختي لكن ارجوك .. حاولي تسيطري على أعصابك الولد نفسيته سيئة جداا وكل اللي يعمله هو مجرد فضول اطفال ولعب بالنسبه له لا تعاقبيه على ممارسة طفولته الطبيعية اختي الغالية عمرها ما كانت التربية بالضرب وخصوصا تقولين كف على وجهه ! وش يتحمل وجهه المسكين يدك وبعصبية ؟ حتى الرسول عليه الصلاة والسلام نهى عن ضرب الوجه ! هذا ولدك مو ولد الجيران نصيحتي لك ... ريلاااااااااكس عدي من 1 الى 50 اول ما تشوفيه سوا شي خطأ . وفكري فكري فكري قبل لا تتصرفين وتصرخين بتأثير ردة فعلك عليه غيري من اسلوب تربيتك بالكامل وعلى فكره .. هو ما يستفزك ويغيظك.. هو يطالب باهتمامك وحنانك (يحاول لفت نظرك له) والمشكله انك تفسريها على ا نها اغاظة :) طولي بالك يا أختي.. وانظري لكل الأمور الخاصة بابنك بمنظور آخر واستهدي بالله |
السلام عليكم
حبيبتي ملك شادي اشكرك يا حبيبتي على دخولك والدعوة الله يخليلك ابنك فهودي ان شاء الله وتشوفي له اخ او اخت متل ما تتمني. الغالية بكر الشايب حبيبتي شكرا على دخولك فعلا انا عم بحاول اطول روحي خاصة اني شايفة نفسيته عم تسوء يوم بعد يوم اليوم حاسة اني مسيطرة على نفسي بس قبل شوي صرخت عليه التخم بس زي ما قلتي ولا اضربه.. الحمدلله على كل حال وزي ماقلتي هو ممكن بدو اهتمامي وانا بفسرها غلط خاصة انه اليوم زوجي قالي حرام عليكي شوي شوي عليه قلت له خليه يرد علي ما برد علي ابدا قالي انتي مشكلتك مش عارفة تعملي كنترول عليه بحس كانك ندية انتي وهو يعني كانه شخصين بالصف الاول بتناقرو مش ام وابنها .. الله يكون لي ولكي معين ويحقق امنياتك يا غالية والله اني ارتحت بس شفت ردك الله يعطيكي لما يرضيكي ان شاء الله الله يحفظ لك زوجك ويرزقك الذرية الصالحة عاجلا غير اجل يا اختي .. |
| الساعة الآن 01:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©