|
انا مطلقة خطبني متزوج ومحتارة في أمري!(المستجدات في الرد 36)
السلام عليكم .. أخواني اخواتي الأعضاء انا قبل يومين أنخطبت من واحد متزوج ماجستير شريعة وعنده 4 أولاد وبنت وقد خطبني قبل سنتين ورفضته لأنه متزوج وبعدها خطب واحدة ثانية غيري وتزوجها والحين رجع مرة ثانية ويقول انها ماناسبته الثانية لأنها غير ملتزمة وعلى قوله تبغى قنوااااات وهو مايبغى غير قنااة المجد لأنه ملتزم وعلى مافهمت اني اذا وافقت بيطلق الثانية ..علما اني مطلقة وعمري 24 سنة وامي رافضة الزواج لأنه متزوج وتقول العمر قدامي وان شاء الله يكون من نصيبي واحد أحسن من كذا وماهو متزوج وأما أبوي موااافق وانا مترددة كثير لأني اخاف ارفضه وبعدين مايخطبني الا اردئ من كذا ومأبغاه لاني رافضة ومو مقتنعة بفكرة الزواج من متزوج لما فيها من مشااااكل وظلم لجميع الأطراااف .. أرجوكم ساعدوني بأراءكم لأني مترددة ومحتااارة واسال الله العظيم ان يهئ مافيه الخير لي ولكم .. |
[gdwl]السلام عليكم ورحمه الله وبركاته
حبيبتي الزواج من واحد متزوج يعني المشاكل الدائمة ما راح اتخلصين من المشاكل اللي راح تواجهك يعني راح يكون مع وحدة غيرج بعض الأيام بمعنى ثاني كيف تقبلين ان يفعل مع وحدة غيرك اللي يسويه معك مثلا ......... والله راح تموتييييييين من الغيرة . وتسببين لك عوار الراس والتفكييير وبعدين راح يجيك نصيبك إن شاء لله ويكون لك بروووووحك هنا تفرق . حبيبتي لك بروحك وما راح اتخلصين من المشاكل هنوب معك وحدة تشاركك فية انا اقول خلية يرجع لمرته ابركله بس هذا اهون بكثثثثير من الضره [/gdwl] اللهم يسر جميع امورنا لننال مرادنا |
اقتباس:
أسعد الله قلبك أختي سااافر معي وفرج همنا وهمك .. فعلا كلامك صحيح وانا بصرااحة اتمنى حياة هادئة جميلة مافيها مشاكل من ظلم وقهر وهدر للحقوق بس أبوي يقول ماهو كل حياة المتزوجين كذا .. |
هلا أختي
الحين اذا وافقتي بيطلق زوجته ؟ يعني قرار طلاقه معلق فيك ؟ لا حبيبة قلبي.. الرجال اللي زي كذا بعيد عن الالتزام ! اجل ملتزم ويبي يطلقها علشان تبي قنوات غير المجد ؟ من الرجال بالبيت هو ولا مرته ؟ وبعدين ما اكتشف انها مو ملتزمه إلا عقب 4 اولاد وبنت ؟ الرجال يتلكك.. ما رح يطلق زوجته لكن يغريك بالكلام علشان توافقين وهذا غش .. وحرام اختي .. استخيري والله لن يخيبك باذن الله لكني مع رأي والدتك.. لسه العمر قدامك الله يهنيك |
ما ناسبته عشان قناة المجد ؟؟؟؟؟؟
أي مقياس هذا ؟؟؟؟؟؟؟ خلاص ؟ كفرت زوجته إذا ما رضيت بقناة المجد ؟ فين حكمة الزوج ؟ فين رجاحة عقله ؟ اليوم يطلقها عشان توافقي إنت ، بكرة يطلقك عشان وحدة تانية تقبل فيه ؟ حرام عليهم شوهوا سمعة الإلتزام و سمعة الدين يا شيخة أي التزام هذا ؟ اللي بيطلق إذا قبلتي فيه ؟ |
يا جماعة أريد أفهم شي واحد الرجال اللي يتقدمون اكثر من مره ويرفضون ... اش عندهم من كرامة يتقدمون مره ثانية
أقسم لأسحب عليها هي وأهلها ... |
لاحول ولاقوة الا بالله
الله يرزقك بافضل منه انتي استخيري وانا اشوف انه صعبه تعيشين مع واحد متزوج وعنده اطفال يعني اكيد بالاربعين من عمره وانتي توك صغيره الله يعوضك خير يارب ماانصحك فيه وهذا رأيي طمننيني عنك .. |
عزيزتي الموضوع مو في انه متزوج و لا لا
لانه الشرع حلل له .. لكن القضية في شخصية اللي اتقدم لك ... الرجل اللي يدور اي عذر عشان يطلق الثانية ماينأمن عليه هذا وهو دارس شريعة ... يعني السبب اللي حاطه كافي عشان يطلق الثانية ؟؟؟ مو الطلاق ابغض الحلال عند الله .. وحكاية انها مو ملتزمة المفروض يكون عالم بها من قبل ما يخطبها .. المفروض يكون سال عنها .. اعتقد والله اعلم اما الرجل هذا يكذب عليك بحكاية طلاقها .. بس عشان توافقي و بعدين لا صرتي بذمته بيماطل او انه مزواج ... محافظ على ام عياله .... و يتزوج عليها و لاي سبب يرد يطلق و يدور جديدة و هكذا .. استخيري استخيري ,, و فكري جيدا و الله يكتب لك اللي فيه الخير |
بالله ما خفتي منه
انا وربي ارتعبت من هالانسان الي احس ان قلبه ميت هذا واحد استغلالي لآخر درجة .. حضرته يبي يضمن الثالثة وبعدين يطلق الثانية عشان ما ينقال عنه انه مزواج مطلاق .. حضرته محافظ على الأولى أم العيال والثانية مخليها مزاج .. يعني بس يمل منك يروح ويخطب غيرك ويقول ما عجبتني وبطلق بس توافق الي بعدك يا ناس الدين مو مظهر .. الدين جوهر ولا كل واحد دارس شريعه وقرا له كلمتين رجال والنعم أجل المنافقين الي كانوا عايشين في زمن النبي عليه الصلاة والسلام .. ما كانوا عارفين الحلال والحرام ..؟!! كانو يعرفون بس من اعمالهم وكذبهم واتباعهم اهوائهم الله طبع على قلوبهم وخالف بين ما يقولون وما يفعلون في رجال عاديين لكن والله ظفرهم يسوى الدنيا والي فيها المرأة تطمن تعيش في ظلهم ورجال اللهم يا كافي ما تأمنين يومك معاهم ( إذا جاءكم من ترضون دينه وخلقه ... ) وين الدين والخلق ..!! اهو لو صحيح عنده دين وخلق ما علق طلاق الثانية بموافقة الثالثة لو كانت فعلاً مو عاجبته ومو مرتاح معها |
اقتباس:
الله يجزاكِ خير |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©