زوجي تركني في بيت اهلي ولم يسأل عني
 

؟؟؟
 

صباح الخير يااختي,,, بالعكس احمدي ربك علي الي سواه زوجك الي سواه عين العقل احسن ماتصيرين عنده وتزيد المشاكل صدقيني لو انك باقيه عنده للحين كان زادة المشكله كان زاد في الكلام وانتي زدتي الي مايدخل الشيطان وتصير مشكله لايحمد عقباها كنت اتمنا اني سويت هذا الشي مع زوجتي في بداية المشكله لكن الحمدلله علي كل حال ,,, الي حاب اوصله لك هو انك لاتزعلين من تصرف زوجك تصرفه تصرف شخص حكيم وتصرف مناسب الي انصحك فيه انك تتعوذي الشيطان وتتقربي لله سبحانه اكثر في الصلاة وقراءة القران في هذا الشهر الفظيل وان شاء الله يبي الله يسهل امركم ,, اسال الله العلي العظيم ان يبعد عنكم شياطين الجن والانس ويحفظكم من كل عين لامه ومن كل شيطاناً وهامه وان يردكم الي بعض رداً جميلاً معززين مكرمين في هذا الشهر الفظيل.

((ان شاء الله ))تكتب كماا بين الاقواااس

اختي بشو غلطتي عليه؟؟؟؟؟

من فتره حصلت مشاكل كثير بيننا لدرجه مره طلقني وانا فبيته ورجعني بعدها بثلاث ايام بس المصيبه طلق وراح قفل عليه وكان يتابع افلام حرااااااااااااااااااااام ومن يومها وانا ماتهنية معاااااااااااااه وشلون يسوي فيني كذا .....يحبني والله يحبني بس ليش يا...... فقدت ثقتي فيه وصرت اتابعه بعدها ماقدرت صارحته وقلتله ادري وش سويت وتاسف وتعذر ووعد وواوعد...بس قلتله انا اخاف ربي واي شي اشوفه غلط ماابيه ببيتي وصرت اراقبه من بعيد لبعيد
واي فلم او مقطع لو عادي وفيه مناظر عري اغير القناه ...اخر مشكله كانت الاسبوع اللي فات انوكنا متزاعلين ودخلت عليه وكان يتابع قناة رياضيه بس فيه عوري وغيرت القناه وقام يهاوش ورفعت صوتي وعيبته بهاشي واليوم الثاني قلت ابي اروح عند اهلي مااعاد اقدر وحاول يراضيني وفعلا تراضينا بس ليلة رمضان رجع فتح الموضوع وقال ليش ترفعين صوتك علي وليش وليش وتزاعلنا بس ماتركته ينام ليلتها الا وهو راضي مر الاسبوع وعلى اساس مسافرين جده نغير جو رتبت شنطي وكان كل شي عااااااااااااااااااااادي ومر كل شي طبيعي بس لاحظت عليه يسالني عن عقد النكاح وجواز سفري واشيا خاصه ودليته عليها ومشينا من الدمام للرياض حطني عند اهلي يوم الخميس تقريبا وصلنا 5 وقال حيرجع يفطر معانا وحنروح عند شيخ يقرا علينا واليوم الثاني مسافرين جده ....بعدها اتصل قال بنزل شنطك واروح اشحن السياره وراجع قلت اوكي...بعدها اتصل قال زحمه مايمديني عالفطور قلت عيب اهلي مستعدين كلم ابوي واعتذر منو وانا زعلت عليه كلم ابوي ...وقالي حيرجع ياخذني بعد التراويح نروح للشيخ المهم اتصلت عليه مايرد ..شوي ابوي يتصل يقولي وش اللي بينكم قلت حلنا قال لا يقول انو رفعتي صوتك عليه وانو تعاملينه زي الطفل وهو راجع للدمام الحين...................ليش ليش هالخديعه لا ويتصل علي يقول انا وصلت الدمام وهذا انا نفذت طلبك تبين تروحين عند اهلك وانتي مو سعيده معاي قلتله لالالا انا احبك وشاريتك وابيك قال تعبا ن وابي اقفل الجوال وانام ومن يومها ماسمعت لو........المشكله الليله اللي قبل نايمه بحضنه ويقول احبك وعاملني بكل طيبه وحبابه ......ابو يبي طلاق واخوي كمان طفشو من مشاكلنا....................تعبت

ليت ابوك واخوك يكونوا أكثر ايجابية في موقفهما ويحاولون الاصلاح بينكما مو الطلاق لأنه بالعربي مو حل

بعدين توكم مالكم الا ثمانية شهور اكيد بيكون في خلافات بينكم ومشاكل حتى تتعودوا على بعض

اختي لاتكبرون الموضوع ... لاتخلونه يكبرها براسه ...
بعدين اختي ماله داعي رفع الصوت انا صحيح كنت مثلك مرات لانفجرت غيره
وكان مثلا شي حرام ... انصحه وينفجر فيني .. بس صرت لانصحته عن شي سواء غناء او مقطع وسخ
ما الح عليه اقول له عالاقل لاتسوي قدامي ... ينحرج مني بس يقلل من فعلته
وكل الررجال يتابعون مقاطع وسخه خصوصا من انتشر البلوتوث ...
هو اذا ماتابعه قدامك بيتابعه من وراك
حاولي تكوني لينه معه ولاترفعين صوتك واعتذري منه وارسلي له رساله اعتذار
قولي له انك تحبينه وسعيده معه وارفعي معنوياته وعتذري عن اللي حصل منك وانك بتحترمينه وماراح ترفعين صوتك عليه
اختي لازم تحاولين
انا حاولت وقدرت وزوجي صار سعيد معي ... ومهما حاول يرفع صوته او هاوشني ما اجاريه
صح اعصب وودي ادافع عن نفسي
لكن اتذكر .. وامسك نفسي واسكت حتى لو كنت مظلومه
تدريجيا يهدأ ويستغرب مني ومن ردة فعلي
خلك هاديه وعلطول رومنسيه لانه شكله رومنسي زوجك
دلعيه بالكلام الحلو واللبس وبالمداعبات لاتخلينه يطالع غيرك
وخليه يحس انك انثى لاترفعي صوتك مهما كان
ولا تاخذي حقك منه .. الا اذا هدى ... فهميه بهدووووء واتركيه
لاتصرين وتعاندين ولاتراددينه مهما طلب منك قولي له ان شاء الله
حتى لو كان الشي مهم ..قولي له والله كان ودي اروح بس عشانك ماني رايحه لانك منتب راضي

ولاتكثرين كلام وسوالف معه يعني فلانه وعلانه واذا سألك عن شي جاوبيه بحدود لاتقولين كل السالفه

وحاولي تتجاهلين اغلاطه .. نبهيه مره واتركيه ...تعالي قدامه طالعيه وهو يسوي الغلط وانظري له نظره
وروحي عنه ....ولاتتكلمين او تهاوشين ... وان جاك واعتذر
قولي له انا وش دخلني تعتذر لي ....خاف من ربك ...واتركيه
وخلك معه رومنسيه
لاتتركيه لحاله بالدمام ...يطلع ويتمشى والبنات هناك لزقه ههههههههههههه
ولبس وحركات ... حتى بالشوارع ...اناا مادري كان الرياض فيها زي كذا ولا لا
بس اعرف الشرقيه والواحد ماينأمن هناك ...حتى اخوي اللي اصغر مني بسنه راح يشتغل هناك
وماتركوه بحاله هههههههههه

والله يعينك ويوفقك لاتتركيه ياحلوه وارجعي له ونفذي كلامي
وعسى ربي يجمعكم بخير ويوفقكم

مسالة انها توصل للطلاق شيليها من راسك اختي الكريمة

جميعنا مررنا بمثل هالمشاكل بسيطة ان شاء الله

حقيقة انا ما اقول ان زوجك صح بالعكس غلطان 100 %

بس حقيقة انا حصلت معاي قبل كذا

ان زوجتي لما تجي تتفاهم معي على شئ سويته او غلطت فيه بحقها ترفع صوتها

وديتها لبيت اهلها وكلمت ابوها وقلت له اذا لها حق تاخذه وفوقه بوسه على راسها

بس ترفع صوتها علي لا

وفعلا من يومها اذا حصلت مشكله او زعل او غلط ما ترفع صوتها نهائياً

لاني حتى لو غلطان وزوجتي ترفع صوتها علي والله ما اعتذر وانسى المشكله والشئ الوحيد اللي يصير ببالي

ليه ترفع صوتها علي وتجرح رجولتي

والله يهديكم ويوفقكم

واحرصي على جعله يحافظ على الصلاة

من حسن دينه حسن خلقه ومن ساء دينه ساء خلقه

اسمحيلي.. ولاتزعلي مني .. زوجك عقله صغير.. اذا تبغي تكملي معاه حياتك استحمليه..

خليه يسوي اللي يبغى لاتحاسبيه.. لان اي حساب ورفعة صوت يحسسه انك امه مو زوجته..

والحركه اللي سواها انه راح سافر وكلم ابوك مره بايخه..استخيري ياما الفراق او البقاء