اقتراحاتكم لشهر عسل في اواخر ذو القعده اوائل ديسمبر
 

السلام عليكم ورحمة الله وبركاته,

من العنوان انا زواجي باذن الله تعالى بيكون في اواخر ذو القعده ومثل ما الكل يعرف الوقت هذا برد وعلا قول المثل "قال وش حدك على المر قال اللي امر منه" وفي ناس كثير قالولي انه شهر العسل في جو صاقع بيكون صعب وممل شوي, خصوصا اني ناوي امضي 20 يوم فالخارج, والشناط بتكون اكبر وبعدين انا اصلا مو راعي برد.

عروستي الله يخليها لي رافضه تماما استراليا وماليزيا وهذا حيرني شوي... شوي كثير. انا مو راعي سفريات وروحات ومنحاس لاني حتى اذا دورت على النت في مواقع السياحه القى برامج تعبانه كلها سكر وهرج ومرج وتفصخ.

انا اللي ابيه من شهر العسل انه يكون في مكان دافئ و ما ابي اطول في مكان واحد يعني تكون مجموعة اماكن حلوه حول بعض حيث اني اقضي يومين هنا وخمسه هنالك وهكذا, ويكون احد هالاماكن مثلا فيه خصوصيه تامه لاني سمعت عن فندق في شرق اسيا من عدة جزر صغيرونه (متناهية الصغر) تجلس فيها وماحولك احد... هذي الاشياء اللي اقدر افكر فيها.

ارجوكم ساعدوني جزاكم الله خير باقتراحاتكم.

عندك المالديف ..
فيها كل المواصفات اللي تبيها ..

كيف ميزانيتك ؟؟

اذا عاليه روح المالديف تلقى الخصوصيه اللي تدور عنها
بس مافيها روحه وجيه حدك فندقك وبس..


حط في بالك جنوب افريقيا
احس انها تناسبك من وصفك
فيها تمشيات حلوه وفيها سفاري
وممكن تلف على كذا مدينه
وكمان بهذا الوقت من السنه بتكون دافيه نوعا ما لانه جوها عكسنا بما انها في الجنوب..

الميزانيه ان شاء الله 20,000 ريال تقريبا ممكن تزود ممكن تنقص شوي.

بسوي بحث عن المالديف, لكن جنوب افريقيا سمعت عنها انها مليانه سرقات ومافيها امان



لفظ المشيئة يكتب هكذا (إن شاء الله )

افتح موضوع جديد في هذا الرابط ..

http://www.66n.com/forums/forumdisplay.php?f=29