|
أنهيت مابيننا من علاقة .. هل تصرفي صحيح ؟
السلام عليكم ~
ماأدري إذا هذا المكـان المناسب لموضوعي ولالا ؟..:25: لكن اللي متأكده منه إني بلقى تفاعل .. أنا بنت عمري 17 سنه .. ملتزمه ولله الحمد.. لكـن ..! قبل أسبوعين كلمت واحد .. وأنا كنت عارفه انه شي غلط وشي مايرضي ربي .. بس حبيته .. وكل يوم أفكر .. وش قاعده أسوي أنا .. إلى ان جا اليـوم .. اللي حطيت عقلي براسي .. وتوضيت فرشت سجادتي .. واستقبلت القبله حتى اقابل ربي .. ليلهمني ماذا افعل .. ولأدعـو ربي ان يهديني الى الطريق المستقيم الذي كنت عليه ويثبتني .. ودعيت ربي اني اترك هالشـااااب .. ليعوضني خيرَا منه .. والحمدلله .. بعد 3 ساعات تقريبا .. كلمته .. وقلت له ابيك بموضوع .. وجلست أبكي .. وقلت له .. لأني حبيتك ابي لك الخير .. هذا الشي لي ولك .. وانا بتركك لمصلحتنا كلنا .. ماابي اللي يكون بينا حرام وغلط .. لان نهايته غلط بغلط .. ومن هالكـلام .. قالي مافكرتي بيوم ان نهايتنا تكون زواج ..! ;) صراحه انا مافكرت .. لان اللي اعرفه ان الشباب كذابين ولعابين <-- ماقلت له هالكلام .. هالكلام لكم :d قالي مافكرتي انك اذا جلستي تكلميني اكثر يمكن اتزوجك ..! قلت له .. لو تحبني صدق .. بتبغى لي الخيـر وكذا ولاكذا .. بتتقدم لي ... بعدين ارسلت رساله .. قلت له ... انا سويت هالشي لي ولك .. وحتى لو حطيت ببالي زواج .. شلون افكر واقول خلاص بكلمه .. وامشي بطريق غلط .. واقول لاني بتزوجه لان الغلط بيودي لغلط ..! وربي مارح يوفقني .. وهالشي مايرضيه .. قلت له اذا انت تحبني وصادق بتبيني بالحلال ... رد علي وهو يحلف انه يبيني .. لكن خايف من رفض اهلي .. للفرق المادي البسيط .. فهو أقل مني ... .................... قلت له .. اهم شي انك ماتدخن واخلاق ودين ولك مستقبل .. لاني اعرف اهلي وجماعتنا مزوجين بناتهم ناس اقل منهم .. مايهمهم الفلوس .. لكن شي طبيعي يكون وضعه قريب من وضعنا ! عشان تعيش .. لكن أهم شي الدين .. والاخلاق ... مثل ماقال الرسول صلى الله عليه وسلم .. قلت له .. شف انا مارح اكلمك .. اذا تبيني تقدم لي لكن اي سؤال .. ارسل لي مسج .. وبدعي ربي يجمعنا اذا كان هالشي خير .. وش رايكمـ هل اللي سويته صح .. وانصحوني وش اسـوووي .. اعذروني اذا طولت عليكم وفصلت الموضوع .. لكـن .. ماابي انسى شي .. ابي اعرف شلون وضعي .. الله يعوضني خير ..:o يارب اغنني بحلالك عن حرااامك .. |
من ترك شيئا لله عوضه الله خيرا
بنتي الحبيبة الحمد الله انك قطعتي علاقتك به قبل فوات الأوان وخليني اقولك شيء.. ترى نظرتك للشباب انهم لعابين ليست خاطئة وحتى كلمة الزواج يستعملونها كمهديء وكورقة يلعبون بها على عقول البنات علشان يكلمونهم الرجل يدخل البيوت من أبوابها .. ومحادثتك له حرام وخطأ وانتي عارفة هالشيء لا عاد ترسلين له مسجات.. ولا تردين على تليفوناته انت اخلصتي النية لله سبحانه وتعالى وان كان لك نصيب فيه .. لا تخافي .. هو رح يعرف يوصلك واذا ربي كاتبه لك .. اهلك بيوافقون اعلم ان مشاعرك مضطربة وان قلبك معلق .. وهذا شيء طبيعي لكن جاهدي نفسك واصبري كم اسبوع بتلقين نفسك نسيتيه بالمره اكثري من قراءة القرآن واجلسي مع اهلك على طول علشان لا يصير في مجال تقعدين لحالك وتفكرين فيه وتضعفين. الله يحفظك ويستر عليك ويرزقك بالرجل الصالح |
ما أدري كيف تجمعين بين فعلك المشين خيانتك لأهلك الذي وثقوا فيك ومعصيتك لربك , وبين كونك ( ملتزمه) ؟
والله اتقطع حسرة لما أسمع مثل تلك القصص ليس لأجلكن بل لأجل المسكين اللي بيكون زوجك , ما يدري انه زوجته كانت تحادث شابا لا يمت لها بصلة .. ويظن المسكين أنه الوحيد في قلبها , اللهم ربنا لا تبتلي مسلم |
وعليكم السلام ورحمة الله وبركاته شوفي يا أختي أنا راح أتكلم معك بمنتهى الصراحة ...لأني أعتبرك أخت لي تطلب نصيحة بالأول أنت على أتصال مع رجل ...فمن الواجب أن تفهمي طريقة تفكير الرجل حتى تحسنين التصرف وصدقيني كل الرجال بلا إستثناء لا يحترمون البنت اللي تكلمهم بالجوال ولا بأي طريقة ثانيه سوى ماسنجر ولا شات ولا رسائل ...(.يقولوا عنها بنت خاينة أهلها وابوها وقليلة أدب وتربية .....وياحسافة تعب أبوها عليها المسكين يكد ويتع وببنته تكلم أجانب ) هذا الكلام ما يقوله الرجل للبنت في السماعة يقوله بعد ما يقفل الخط معها ...ويضحك على غبائها كيف تصدق حب يجي من وراء سماعة جوال ... وشوفي كلامهم واحد هذه الحثالة من الرجال يقولك (((والله أني أحبك وأرتحت لك ..واقسم بالله أنك خطفتي عقلي مني وصرت ما أقدر أعيش إلا معك يا حياتي .........ومن هذه الخرابيط ))) والمساكين من البنات يصدقون أن فيه حب يجي من وراء أذن ولسان كذوب ويقول خلينا نتعرف على بعض أكثر عشان نتزوج في الأخير ...>>>قصدة علشان يفضحك في الأخير ويقول ايه أبغى اتزوجك ونجيب عيال ونعيش سعاده ..ويقفل >>>>بعد مايقفل لا حظي وش يقول وتأكدي أن هذا الكلام صحيح وكل الرجال اللى يكلمون يقولوه <<< تخسين ما أتشرف فيك تكون زوجة لي وأم لأولادي وأنت خنتي ثقة أبوك فيك ،،ما حفظتي بيت أبوك تحفظين بيتي بكرة زي ما كلمتيني من وراء أبوك ..راح تكلمين غيري من ورايه والله يا أختي هذا الكلام يقوله كل الرجال الأغبياء اللي يكلمون بعدين إذا حلف أنة يحبك لا تصدقينه لأنه حلف الحلف عند هذه الأشكال دليل قاطع على كذبهم . الحب يجي بعد عشرة ويتكون بالحواس الخمس مجتمعه نظر وسمع واحساس بعدين يتكون الحب ........أستغرب تصديقكم السريع لمجموعة كلمات قيلت لكم من خلال جوال لا وبعضهم يبكي عشان تصدقة المسكينة وتحن علية وتتواصل معه وتستمر المهزله لين تقع الطامة يقلها وقتها أنا ماعرفك أنت مين؟ لاحظي وش قلك كويس وأنت كتبتي هذه الجملة اللي تدل على كذه وكذب الرجال أشكاله اقتباس:
شوفي كلامة قمة الخداع والكذب هذه النوعية من الرجال تبلغين فيهم الهيئة بمجرد أنو تجرأ ودق عليك علشان يوم يجلدونه يعرف يضحك على البنات اللي يصدقون بسهولة أختي لما تقابلين رجل في حياتي وعلى كل مستوى خلي قدامك ثلاث شغلات مهمة وش راح يقول عني هذا الرجال ؟ وش راح أترك أثر في عقل هذا الرجال ؟ وش ممكن يسوى هذا الرجال أذا تماديت معه ؟ بعدين يا أختي بالله يشرفك يكون زوجك وأحد تعرفتي علية من وراء اهلك ؟ تخيلي بنتك اللي تسوي كذا أكيد ماراح ترضين طي ليش ترضين على نفسك ؟؟ أختي الغالية أنا طولت عليك لكن والله شبعنا من هذه القصص اللي نهايتها معروفة نهايتها ضيااااااااع ...أنتبهي الجوال أذا راح يجبلك مصاي أرمية وأنجي دينك وسمعتك وسمعة اهلك فكري بعقل رجل عندما تتعاملين مع رجل هذه الكلمة قليل من البنات يفهمها للأسف من الأن طهري نفسك من هذا الذنب ....... هذه مهازل لا تلتفتين لها ....هذه نوعية غبية من الرجال لا تتنازلين تطالعين فيهم اسأل الله لك الهداية والثبات على دينة |
اختي في البداية أدعي لك ان ربي يقدم لك الي فيه الخير و آمني ن الزواج قضاء و قدر
اختي تتعرفي على شخص غريب و تكلميه هدا خطأ و الحمد لله انك تعترفين بالخطأ و هدا شيء جيد و هو بداية الصواب و دليل على أن لك ضمير حي لازم تعرفي ان هدا النوع من العلاقات لا تجلب منه الفتاة الا الدنوب و قلة الاحترام و انت أول واحدة ستنقص من قيمة نفسها لأن ضميرك سيؤنبك لأنك خنت ثقة والديك و من هم حولك اختي الرجل يعطي قيمة للزوجة التي لا يتمكن منها و التي تعزز نفسها اما السهلة المنال فهي بالنسبة له كأي واحدة و سهل يتركك ليبحث عن تانية و تالتة .... و ملاحضة بسيطة فكري في الجملة التي قالها لك //قالي مافكرتي انك اذا جلستي تكلميني اكثر يمكن اتزوجك ..! يعني ان احتمال الزواج بسييييييييييييط جدا و مشروط بطول العلاقة أنصحك بان تقطعي الصلة به لا مكالمات و لا مسج و هو ان كان هدفه الزواج و كان مكتوب لك فسيصل الى باب بيتكم و يطرقه بالنسبة للأخ علو النفس الأخت في حاجة لنصيحة ولا تحتاج لحسرتك و لومك و أضن من جوابك أنك انسان متحامل على المرأة..................غير طريقة في النصح و هداك الله |
أول خمس دقائق من هذا المقطع فيها اعترافات لكثير من العشاق ممكن حبيبك يكون مثلهم لاتتسرعي بالحكم عليه اسمعي ثم قرري !!
http://www.mojama.net/files//sounds/...nzron-Elaik.rm |
اعتقـــــد وانت قلتي بنفسكــ الشيء اللي بدا بخطــأ فالاستمرار فيه اكبر فداحه ..
الم تفكري فالمستقبل كيف ستكون نظرته لك وايضـاً نظرتكـ إليه .. اعتقد انه ستحوم حولها الشكوكـــــ .. اختي لايوجد من لايخـطىء منا والله يغفر بواسع رحمته لكن يجب عليك ان تقطعي به العلاقه نهـائياً لاجوال ولا ماسنجر ولا حتى رسائل .. وغيري رقم جوالك وايضا الماسنجــــر وان شاءالله بيرزقك بزوج خير منه ويسعدك معه |
اقتباس:
شكرًا على ردك .. والحمدلله أصلا انا ماكلمته الا ثلاث مرات .. والحمدلله لحقت على نفسي |
اقتباس:
أول شي انا قلت اني ملتزمه .. ولعب علي الشيطان .. ولاتحسب الانسانه الملتزمه ملاك .. يعني مممكن تغلط .. وعالأقل احسن من غيري 3 مكالمات واعترفت بخطأي .. فيه غيري ماتقدر تقول للشاب ماابي اكلمك !! وثاني شي .. ليه اسلوبك كذا .. انا ماقلت اني بكلمه انا قلت العكس وابي دعاء منكم .. ونصحكم .. فيه ناس تغلط وماتعترف .. فيه ناس قد كلمت شباب ولاتعترف .. لانها تعتبره ماضي وربي هو الستار .. عالعموم الله يهديك ماكان ودي اشوف رد زي كذا .. ربي هو الغفار الرحيم .. وانا ربي بيعوضني خير .. لاني ماتركت هالشي الا عشان ربي .. لاهو عشان شاب ثاني ولا عشان بتزوج .. زي بعض البنات تترك الشاب عشان تتزوج وتصير تفكر فيه .. انا تركته بقناعه .. أهـم شي رضا ربي .. والحين انا ادعي ربي يرزقني بالزوج الصالح عاجلا غير آجـل .. . ترى البنات تفكيرها زيكم تبي تتزوج بعد .. عشان كذا بعضهم يكلمون لانهم ما يتجرأون يقولون نبي نتزوج .. المهم خليتني ادخل بموضوع ثاني :) مشكور عالرد .. اتمنى المره الجايه يكون اسلوبك احسن معي |
اقتباس:
أنا كنت حاسه انه يوم قال .. مافكرتي لو استمرينا يمكن نتزوج .. ! انه كان عنده أمل اني اهون واقول خلاص بكلمك ... بس مستحيل اهون .. لان تفكيري مو اني تركته .. لاني عارفه اني مارح اتزوجه ولاابيه .. عشان ربي .. ولو فيه خير .. ربي بيجمعنا ببعض .. بس انا عارفه هالنوعيه .. |
| الساعة الآن 10:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©