|
خرجت من بيتي ولم تخرج من عقلي
السلام عليكم ورحمة الله وبركاته لا يخفاكم موضوعي ( ذهبت زوجتي من ورائي ) و اكيد اني دبلت تسبودكم به و غثيتكم و لكن الخلاصه اللي راح امشي عليها من مشاركات الأعضاء اللي فزعوا معي بعصر مخختهم هو اني راح اطنش حلو لكن قسم بالله ما راحت عن بالي و لا عد صرت اكل و انوم كثير مدري وش فيني و اللي يشوفني كنه يشوف كتاب ادب يتكلم عن قيس و معاناته هههه و شلون انسى الموضوع و اعيش حياتي بدونها لين يفرجها الله لأني خذيت على نفسي عهد اني ما راح اتصل بهم ابد ابد ابد . و اخاف يأثر هذا على نفسيتي << شينه مطلق عقب عمر طويل ان شاء الله و مريض نفسي ابي الحل منكم يا احلى اعضاء << تراه يتزلف هههه و يا ليت اللي مروا بالمشكله هاذي يعطون حل عشان افتك تكفون وش الحل الله يهديها لو ما طلعت كان ما ضاق صدري << ما فيه مراعاة مشاعر هههه يالله الله الله بالردود القوية اللي تخليني اقول خلاص منيب مرجعها ابد هههه انا محتاج تشجيع بس مو من حقي كعضو ؟ رابط الموضوع السااابق ذهبت زوجتي من ورائي ((انا الان اعيش المشكلة و ابي حل )) |
من كلامك واضح إنك تتمنى طلاقها حتى لو بعد عمر طوووويل :19:
مهما كان تبقى زوجتك وما فيه انسان ما يغلط وسالفة ما طلعت من قلبك شي طبيعي ما تطلع لأنها شريكة حياتك وفيه مقوله تقول الرجل لاينسى أول حب والمرأه لاتنسى أو خيانه <<< الله يبعد كل الأزواج عن الخيانه أخوي أنت شاورتنا والكل فينا عطاك وجهة نظره وقد تكون صائبه أو خاطئه طيب ليه ما تستشير مصلح اجتماعي ؟؟؟؟؟؟ وهل زوجتك تمر بمرحلة حمل ؟؟ ترى الحمل وخاصه بالشهور الأولى تتغير نفسية الزوجه وتصير حساسه وما أتوقع هالشي يخفى عليك أسأل الله أن يرد علييك زوجتك وتنعمون براحه واستقرار مليء بالحب والإطمئنان والسعاده وإذا رجعت تعاهدوا أنت وياها ما تطلع مشاكلكم للغير :22: لأن لو المشكله ما طلعت ما أتوقع حصل كل هالتطور :d لاتسوي شي إلا أنت مقتنع فيه ومستخير ومستشير :) وعمر الطلاق ما صار حل |
ترى دوختنا ..... والله الي نعيدة نزيدة .. قلنا طنش...... قلنا الله يسخرها .... قلنا خلك قوي ..... الله يعينك... يا خووووويييي مصختهاااا... فريت مخنا.... ما في الا مشكلتك... صل على النبي ..... افاااا... ماهقييييتك دعله يااخي ما تلالالالام زوجتك فييييك ترى والله اضحك معاك وانك تكسر خاطري بس اتغشمر معاك بالسعودي يعني اضحك معك.. ليكون زعلت ترى زعلك مشششرييييي |
احاسيس لا استطيع شكر جميلك دائما ما يكون رايك سديد يا سديد
ربي يرزقك بنت الحلال اللي تحترمك و تقدرك << و لاتطلع من وراك ههههه |
اقتباس:
حتى سافر معي ضدي آآآآآه ما هقيتها بس يالله يوم علي و يوم علي عليكم بالدعاء لي فأنا بحاجة وربي |
اولا ..
اذكر الله لاله الا الله ...... شكلك تعاني ومعك حق تعاني لانك فاقد زوجتك ... انا وزوجي اذا ابتعدنا عن بعض اسبؤعين احس اني فاقده .... فما بالك بؤاحد شهور وسنين .... الله يفرج كربتك ويهديك ويهدي زوجتك....بهذا الشهر الكريم .... لكن سؤال للستفسار فقط .... انا ماني متابعه قصتك اخوي اذا امكن تسرد لي قصتك 3 بثلاث سطور وهذا الاقل .... انا فهمت من الموضوع لكن اريد القصه ليش زوجتك ذهبت !!!!؟؟؟؟؟ هذا اذا ماعندك مانع او ضع رابط قصتك اذا كان قد سردها من قبل . وبأذن الله تجد حل او تعاطف معك ولو بلدعاء .... تفائل بلخير .... والله في ناس اشد منك تلقئ زوجين مبليهم ربي بلسحر ....ومبتعدين عن بعض ومع القران وذكر الله والدعاء من الاعضاء والقرباء تم شفائهم ... فباذن الله تجد الحل. |
معليش معليش
انا الان وجدت قصتك بلصفحه الثانيه .... ابقرها وارجع . |
هلا بك همس
بصراحة ردك الاول فرحني لاني فاضي و قاعد لحالي فقلت حلو جتنا شغله ههههه لكن الثاني ما فرحني هههههه يالله الله الله بالشور الزين |
ياأخ فارس الهم
انا قرات قصتك .... وانا ماراح اعلق كثير علئ القصه الاؤلئ ....لان بصراحه الخطأ منك ثم منها .... خطئك 1..انك دخلت خلافك مع ابؤها.وحقدك عليه بيتك ...وهذا غلط 2..سبيت اهلها ...وجرحت مشاعرها ...واتوقع فاأجئتها بسبك لها ولاهلها ... هي معها حق انها انفعلت وماتلام ... 3..مديت يدك عليها .... لكن ماقصرت اعتذرت لكن قلبها لم يقبل بأعتذرك،تفاجئت بزوجها سوا كذا بشهر العسل..اجل بعدين .. واخطائها هي 1..رفعت صؤتها عليك وانت تبي تاأدبها لاجل معد ترفعه مره ثانيه ,,,واسمح لي البنت معها حق واحد يسب اهلها وتسكت لكن لو اخذتها بكلام متفهم وباسلؤب افضل لكنها انفعلت ...مافي شخص يصبر لاي شخص اخر وهو يسب اهله 2...انها خرجت دون علمك . لكن شكلها تبي تدرس درس.. لكن سؤال واحد ... وابي اجابته قبل ماانام... انت وش سؤيت مع المشكله ؟؟؟؟لاتقؤل تنتظرها ترد علئ اتصالاتك .... لاتقؤل . بسرعه رد. |
شاكر لك أخي هذا الإطراء
قال تعالى ( وَأَنْ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ ) وقال الرسول صلى الله عليه وسلم في ما معنى الحديث ( من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ) فالله الله بالإستغفار يمكن يكون خروج زوجتك بسبب ذنب اقترفته وهي عقوبه وابتلاء من الله الله يرد لك زوجتك ويجمعك معها اللهم صل وسلم على نبينا محمد |
| الساعة الآن 01:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©