|
ممكن تفسرون سبب موافقة عمي لأخي
السلام عليكم حبيت استشيركم في موضوع وهو إحنا خطبنا لأخي بنت عمي طبعا هي رافضة من الاساس الخطبة لاسباب منها انها تقول زواج الاقارب كله مشاكل - ان اخي اصغر منها يعني عمره 19 وهي عمرها 21 وماتبغي تسكن في المنطقة اللي إحنا فيها لانها تسكن في الرياض فعمي اللي هو ابوها قال لابي البنت موافقة وانا استغربت لانها قالت لنا ماني موافقة ففرح ابوي وامي واخي بذلك الخبر ولكن اكتشفنا بعد الاتصال بها إنها ماتدري عن الكلام إلي قاله ابوها لابي وتقول انا ابغي ولد عمتي لان اكبرمنها وداعية وتقول لاتعلمون عمي أخاف تحدث مشكلة طبعا الحين اللي قاهرني ليش عمي قال لابي إن البنت موافقة وهي ماتدري هل تنصحوني إني اخبر اهلي بانها رافضة ولا أخلي احد يخبرهم لاني عارفة إذا علموا بالسالفة راح تحدث مشكلة كبيرة في العائلة مثل باقي اخواتها لما تزوجوا انتظر ردودكم |
من الافضل ان تعلمي عائلتك بالأمر و خاصة أخوك الخاطب
لأنه راح ينصدم بعد فترة حين يعلم بأنها ترفضه و تفضل غيره, و الله ستكون صدمة قوية له أبوها يمكن وافق فقط كي لا يوتر العلاقاة الاسرية بينكم... هذا و الله أعلم المهم خبري أهلك بعدم موافقة المخطوبة... بصراحة كان من الافضل سؤال المخطوبة أولا اذا موافقة على أخوك أولا حتى لا يضغط عليها والدها, و هذا ما كنت فعلت مع خطيبتي, ابنة خالتي, اتصلنا بها أولا و اخذنا رأيها ثم بعد موافقتها أخبرنا خالتي, لأني صراحة لم أرد أن توافق فقط لأنها مضغوطة, و أكيد أن اخاك لن يرغب بنفس الشئ و الله يجيب اللي فيها الخير لكم |
والله يأخي صحيح كلامك في انه عمي قال كذا عشان ماتتوتر العلاقة طبعا اخي اخبرناه بذلك بس ظل ساكت يمكن منصدم واليوم كلمتنا بنت عمي وهي منهارة بكاء وصياح تقول انا مابي اخوكم وتلفظت بالفاظ يعني افهموها وتقول بتصل مرة أخرى واخبرت أمي بذلك والله كأنها زعلت بس أبوي باقي الله يستر لاتكبر المسألة |
عمك خايف على علاقته بابوك علشان كذا كان رده بالايجاب
عن نفسي افضل البنت اصلا تتفاهم ويا ابوها خصوصا انها الان اعطتكم خبر برفضها وضروري ابوك يعرف بالسالفه والله يعوض اخوك كل خير |
انتبهي انتبهي انتبهي يا اختي
ضرووووووووووووووووووووووووووووووووووري تعلمين ابوكي اخوكي بهاذا لامر الانه حرام ينظلم اخوكي وبنت عمك بزواجه محكوم عليها بالفشل من اوله واذا سكتي لكي اثم كبير والله لازم تضهرين الحق وتبينين الامور لانه هاذي الزواجه 100% ماراح تنجح |
الله يساعدكم على المشكلة والنار الي بتشب في بيتكم وبيت عمكم
الحين بيقولن شلون صغار يمشون كلامهم علينا يوووووووه يا كثر مشاكل زواج الأقارب خاصة إذا واحد ينغصب بس إذا البنت مو وافقه الزواج ما لازم يتم وابوكِ وابوها ضروري يعرفون والله يكون معكم |
نصيحة:
لابد أن تبلغي أخاك وأباك بالموضوع لأنه إذا تم الزواج ستخسرون أطراف كثيرة صدقيني البنت إذا كانت مغصوبة مستحيل تتأقلم مع زوجها لو كان أحسن واحد, والمفروض أخوك مايربط مصيره مع انسانة رافضته من البداية!!! قرايب وحبايب بس بعيدين أفضل لكن فيه نقطة! هل البنت استخارت قبل الرد على الموضوع؟؟؟!!! الله يكتب لهم مافيه صالحهم الاثنين |
طيب أنتم تدرون أن البنت مو راضيه للأسباب اللي ذكرتيها .. ليه تخطبونها !!
ضروري الوالد وأخوك يدري قبل ما تكبر السالفة الله ييسر لكم |
jeans
انا اساس قايله لاهلي عمي قال كذا عشان العلاقة بينا بدأت تتحسس شوي خصوص بعد ما خطبنا اختها التي اكبر منه وتم الرفض وهي متفاهمة مع ابوها وقالت له انها غير موافقة يامتاعبني والله أخبرنا الوالد وطابت نفسه منهم والله يوفقها حتى هي تقول اهم شئ في الزواج القناعة والرضا باريسا انا ما اويد زواج الاقارب لانه كله مشاكل ولكن الوالد يبغى كذا عشان الناس ماتتكلم عليه خصوصا بعد زواج اخواتها من غير الاقارب مس سوسة هي مستخيرة من زمان عشان تبغى ولد عمتي وتقول مستحيل اخذ غيره والله انها كبرت السالفة وتقط كلام بغت تموت من القهر قلنا طيب يعني بنملك مثلا بكرة هونيها وتهون ألوان والله كلامك صحيح حتى هي بأسلوبها الغيرلائق تكلمت كلام مستحيل اقوله لاهلي عشان مايزعلون توكد انها ماهي موافقة وانا واخواتي ياما تكلمنا وقلنا لاأهلي لاتخطبوها لانها من الاساس ماهي موافقة وهي خلاص تبغى ولد عمتى بس أبوي يقول راح نخطب يمكن تغير رأيها بس وش نسوي حكم القوي على الضعيف |
واخر شئ تتصل علينا أمس وتقول تبغون تخربون مستقبلي
وانكم أناس عدوانين الله اكبر بس احنا ما أخذنا على كلامها لانها كانت معصبة ومنهارة والله قلنا لها التفاهم مو بالصراخ والبكاء وقط كلام ماتثمنيه وماشاء الله كل بنات عمي شخصيتهم قويه على اهلهم وهم الي يمشون الكلام طبعا انا عادي مازعلت والله يوفق الجميع بس ماتجي حل المشاكل بالصراخ وكلام اعوذ بالله كأنه سكاكين |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©