|
الشعر الطويل للرجال
السلام عليكم وحياكم الله جميعا اخواني وخواتي موضوعي عن تطويل شعر الراس للرجل كل ما راح يكتب تحت هو شي راجع لوجهة نظري الشخصيه واحترم جميع وجهات نظركم بقولكم قصه صارت لي : وصوني البيت اجيبلهم عشا من المطعم ورحت للمطعم وبعد ما وصلت احد المطاعم المشهوره والمزحومه نزلت ورحت للمحاسب دفعت الحساب واخذت رقم الفاتورة عشان اعطيها للكاونترات تفاجات ببنت ( طبعا هو رجال بس انا بكيفي بسميه بنت ) معطيني ظهره رابط شعره وشعره واصل لنص الظهر وناعم ما شاء الله وتيشرت ضيق وبرمودا ومعاه طفل صغير قدمت الطلب واناظر فيه بنص عين الاخ لابس تعليقه ولابس مغاطات على يده اقسم بالله يا جماعة الخير شكله من الخلف بنت ومن قدام يمكن يميزه شوي شنب على وجهه المشكله الكبيره ان الطفل اللي معاه انا احسبه اخوه الصغير طلع ولده للاسف يقوله بابا ............................ طيب سؤالي الحين ؟ الرجال يا جماعه طلع متزوج من هي الزوجه اللي ترضى ان زوجها ينافسها بشعرها ؟ السؤال الثاني ؟ هل يقدر هذا ابو شعر طويل ان يروح عزيمة رجال بهذا الشعر ؟ طبعا اتحداه . او يقابل واحد منن قرايبه وخاصه الكبار بالسن بهذا الشعر ؟ اتحداه تلقونه يتنحش وينخش . هذا لو يستدعونه المدرسه عشان ولده عنده حفله ولا لاي سبب تهقون بيروح بهذا الشعر . طيب تعالي يا الزوجه اسالك بالله ترضين زوجك لابس هالتعليقات جعل يعلقونه بالمروحه قولو امين يعني اعتقد اذا رحتو للسوق اكيد بياخذ الرجال مثل بكلات وربطات وتعليقات اكسسورات !!!!! اقسم بالله راحت الرجوله يا ناس شي غريب في هذا الزمن كل شوي طالعين لنا طلعه انتبهو الله يرحم والديكم بعد على عيالكم انتو اللي تربونهم من الصغر على الرجوله او على انه يسوي هالحركات وذنبهم برقبتكم واخخخخ من القهر بعد من هالمراهقين اللي يسمونهم كدش تدرون وشو الكدشه الكدشه معناها من اول الخبل اللي ما يفهم شي والحين اللي يربون شعورهم وخاصه اللي شعره خشن المشكله تدور وجهه ما تدري وينه تقول قنفذ ،،، لحول الله ولا قوة الا بالله . مثل ما وصيتكم اعلاه انتبهو على عيالكم واذا جاكم واحد بيتزوج بنتكم طلو تحت الشماغ لا يكون شعره طويل بعد ،،،،،،،،،،،،،،،،،،،،، مع تحياتي للجميع . الرجاء عدم نسب او تحريف او نقل اياً من مواضيعي دون إذن مني..أو كتابة منقول وكتابة اسم المنتدى وأسم معرفي على الموضوع |
يعني كل واحد بالاخر حر بشكله صح انه مش حلو ومش مقبول بس عند ناس كثير صار ستايل زي شكل الشعر المنفوش الضخم ما ادري ليه الناس بتعمل بنفسها كذا ! بس بالاخر ارجع اقول كل واحد حر بنفسه حريه شخصيه ... زمان الرجال البدو كان شعرهم طويل ومجدل وعيونهم مكحله على ايامهم كان عادي ويمكن ستايل ... تقبل مروري
|
اقتباس:
احترم كلامك اختي ورد بس اعتقد من اول ما كان ستايل كانت لها مسبباتها ولكن الوقت الحالي تشبه بالنساء وننتظر المزيد من مشاركات الاخوان والاخوات لنعرف رايهم شاكر مرورك |
ايييييييييييييييييه الي يعيش يا ما يشوف
الحمد لله رب العالمين .. أنا توني رايحة محل وإلا اشوف لك واحد حاف وجهه وحواجبه .. الوجه صاير يلمع والحواجب محدده تمام ولابس تاج ناعم على شعره .. وقلادة في رقبته الله يصلحهم ولا يبلى مسلم وبالنسبة للزواج عادي الطيور على اشكالها تقع .. الي بنص عقل والي ما يقدر يدبر عمره يتزوج شلون هذا نسأل الله وفي هذا الشهر الكريم يهدي الجميع ويرجعهم إلى فطرتهم السليمة بس في سؤال محيرني إجابته ليش ليييييييييييش هالاشكال كاثرين هليام .. والله اول ما كنا نشوف كذا .. شلي صار في هالدنيا |
اقتباس:
هاذي الاشكال اللي انا اتكلم عنها اللي نشوفها بالاماكن العامه وبالاسواق شاكر مرورك اختي والله يعطيك الصحه والعافيه |
لو زوجي مسوي كل اللي قلته وشفته00كان حلقت شعري ولبست ثوب لازم يكون فيه رجل في البيت صعبه كلنا حريم0:d0الله يهديهم انا مريت بها الموقف في احد الاسواق وامشي اكلم نفسي واقول كيف زوجته تحس برجولته 0:(0
|
اقتباس:
لا تتهورين رهووووومه لازم يصير رجال بالبيت ههههههههههههههه الله يعطيك الصحه والعافيه وشاكر مرورك |
لاحول ولا قوه الا بلله
انا شفت نفس المنظر مع ابني وكنا بننتظر طلبيه و قعدت اراقبهم وهمه ياكلون ،،، المشكله انهم صغار ما يتعدى عمرهم ال18 سنه قلت هذا ابن امه صحيح نفس القعده و نفس طريقه الكلام و نفس طريقه الاكل (( مثل الحريم )) بس متزوج وعنده طفل هذا كثير طب ينادي مين فيهم ماما ،،،،، اخاف يجي الولد يشوف قفا ابوه يحسبه امه هذا موضوع كتبته قبل فتره قصيره بخصوص شعر اولادنا http://www.66n.com/forums/showthread.php?t=191806 الظاهر المشكله اكبر مما اتخيلت الله المستعان |
ما سمعت المثل اللي يقول (( المرجلة كايدة ))..!!
وخذ هذه الفائدة التي لو بحثت عنها في بطون الكتب فلن تجدها >>> واحد ما خذ بنفسه مقلب :22:.. الفائدة التاريخية تقول وتحكي : أن من أبرز أسباب سقوط دولة المرابطين هي ظهور المخنثين .. فظهور المخنثين فتنة للرجال والنساء .. وما يتخيل الإنسان ضرر هؤلاء السفلة على المجتمع .. والمشكلة الأعظم أن تتشكل ثقافة عند المجتمع عن شرعية هذه الأشكال وأن هذه من الحرية المزعومة .. وما علموا والله أن هذا من انتكاس الفطرة .. كما أخبر صلى الله عليه وسلم إذ يقول (( لعن الله المتشبهين من الرجال بالنساء والمتشبهات من النساء بالرجال )) رواه البخاري من حديث عبد الله بن عباس .. ورحم الله الخليفة الأموي السادس الوليد بن عبد الملك إذ يقول : (( لولا أن الله قص علينا خبر قوم لوط ما صدقت أن رجلاً ينزو على رجل )) أو كما نقل عنه .. والمقصود بالتخنث هو : تشبه الرجل بالنساء .. وحكى لي أخي مرة أنه ذهب إلى مشوار هو وصديقه وفي الطريق وجدوا شاباً من هالأشكال التي ذكرت .. فقال أخي لصديقه : وشو هالأدمي من لحية ؟؟ فرد الصديق : لا شنب ولا لحية ..:d فأقول كما قال أخي هذه الأشكال لا شنب ولا لحية .. دمت بود يا صاحبي .. |
اقتباس:
اي نعم الموضوع للاسف اكبر من كذا يعطيك العافيه وشاكر مرورك |
| الساعة الآن 05:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©