اختي تعرضت لموقف محرج فتأثرت منه
 

السلام عليكم ..

انا من نفس عمر اختي تقريبا يعني اكبر منها بسنتين ودايما نطلع مع بعض حتى صديقاتي مثل صديقاتها ومررره كنا قاعدين في غرفتها انا وهي وربيعتنا وانا قلت نكته تضحك صج صج تضحك واختي من النوع اللي يحب يضحك وااايد وقامت ضحكت ضحكت يعني ضحكت وااايد وبقووة وجان (( اممم شلوون اقولها لكم )) وجان يطلع منها غازات بصوت وااضح وصاار وجهها احممممممر وسيدة دشت الحمام وتمت تصيييح وماطلعت من الحمام الا يوم طلعت ربيعتنا

وكلمتها وهي تصيييح وتقول خلاص مابطلع ولا ابي اجوف اي احد من ربعاتنا وانا اقوول لها يمكن ماسمعت لأن كنا نضحك

وتخيلوا من الفشيله ماتاكل وكله تتذكر الموقف وتقول تبي طريقه تجيك اذا ربيعتنا سمعت او لاا وتبي طريقه تخليها ماتتفشل

حتى اتصااااالات لبنيه ماترد عليها وانا احاول اهدي فيها وهي مو راضيه واطلب منها نطلع نغير جو بعد مو راضيه حتى المطاعم اللي هي تحححبهم مو راضيه تروحهم

حتى ثياااب العيد اللي كل سنه تاخذهم قبل بشهر الحين موو مفتكرة فيهم

حساسه وااايد هي انصحوووني شسوي معاها

والله أنا مرة سمعت قصة جااااااااااااااازت لي

إن وحدة بالشوفة الشرعية صار لها كذا


المهم ركضت لغرفتها وقالت لو على جثتي معد أدخل ولافيه أمل أتزوجه


والرجال أعجبته البنت وانهبل عليها وقال متزوجها متزوجها



حاول حاول ماقدر أبدا

البنت رااااافضة نهائيا وأهلها يحاولون مافيه فايدة


قام الولد قال لأبوها محاولة أخيرة اسمح لي فيها قال موافق


وش سوى الولد

دخل على غرفة البنت وقال أنا متزوجك متزوجك لاتحاولين وهي متقطعة حيا قام مدري وش أقولك بعد المهم سوا مثل الي صار لها
وجلست تضحك وماشالله تزوجوا الله يسعدهم

......................
ربي يسعدك ويسعد اختك
عادي ياقلبووووو
حتى هم تصير لهم

البنت ماقالت لكم سالفتها عشان تضحكوون !!
اتفقي مع رفيجتكم انها تقول لاختج ان ماسمعت شي يمكن اختج ترتاح

لالالالالالا ..

لاتخلي رفيقتكم تعرف عن الموضوع في اي حال ابدا ..

سواء سمعت ولا ماسمعت ..

..

كل اللي تقدري تسويه تقولي لها ..

انه انتي متاكده انها ماسمعت ولا التفت ناحية اختك ..

وكل يوم تسالك ايش صار لاختك ..

وليش خرجت ..

..

والله يعينها ..

وحاولي تخرجيها من البيت ضروري .. راح ترتاح اذا خرجت

انا والهنا >> المشكله انها من النوع اللي يكبر الموضوع وعلى اقل شي تتضايق وتوسوس
وتقوول انها تبي تكلم رفيجتها وبتجوف رده فعلها ومن رده فعلها بتفهم
بس مو عارفه شتقول

الله يسعدها واخبريها كل انسان يمر مثل هذا الموقف لاتزعل ولاتخجل العيب الي الي يعملها متعمد امام الناس ونحن بشر وليس ملائكة وقولي لها ان في الغرب عندهم الشخص يطلعها صحة له ولكن لايتكرع (اي يتجشئ )امام الناس

عادي يا اختي

هذا يصير .. والاحراجات تصير مع كل الناس وتستمر الحياة

اتركي اختك ولا تفاتحيها بالموضوع خلاص هي محتاجة وقت تنسى

وبتنسى باذن الله .. باين عليها شخصيتها حلوة وحبوبه

لكنها حساسة شوي

تكبر وتنسى :)

العاده عند الجانب اخرج ريح على كيفك

ولكن لا تتدشا من الفم عيب كبير


كلنا تصير معنا ما فيها شي

كرب وخرج من جسمها

قولي لها شفيتم وخليها ترد عفيتم

هو صحيح موقف محرج


لكن يمكن زميلتها ماسمعت

وحتى لو سمعت مستحيل تحرجها

خليها وحتنسى الموضوع