ما هو الفرق بين الطلق الحقيقي والطلق الكاذب ؟
 

السلام عليكم ورحمة الله وبركاته
كيف الحال شو اخباركم

عندى شوية اسئلة حبيت اطرحها هون

انا حامل وفى شهرى التاسع موعد ولادتى ب9/9/2009

هاد اول حمل الى ممكن تفيدونى كيف اعرف اميز بين الطلق والمغص العادى

لانه بيجى وجع فى اسفل بطنى وظهرى

وشو علاقة الماء الساخن بالولادة ؟؟

هل ممكن انى اولد فى نفس الموعد ولا بتأخر

وممكن تعطونى نصائح لهذه المرحلة

ارجوو الافادة

تحياتى لكم



تم تعديل العنوان ليتوافق مع المضمون..الاشراف

الله يسهل عليك ياأختي
وهذه المعلومات منقوله

ما هو الفرق بين ألم الولادة الحقيقي وبين الألم الكاذب(الطلق الكاذب)؟

أولا-مظاهر الطلق الكاذب:
1-يكون الطلق غير منتظم ولا تزداد حدته وعدد مرات تكرار حدوثه بمرور الوقت.
2-يكون الألم في أسفل البطن وليس في أسفل الظهر.
3-يخف الطلق أو يتوقف إذا مشيت أو غيرت طريقة جلوسك.
4-ظهور بقع في الإفرازات المخاطية يميل لونها إلى اللون البني.
5-تشعرين بحركة الجنين تشتد لبرهة مع هذه التقلصات.


ثانيا-مظاهر الطلق الحقيقي:
1-تزداد حدة الطلق ولا تخف ولا تتوقف إذا مشيت أو غيرت طريقة جلوسك.
2-يبدأ الألم الحاد في أسفل الظهر ثم ينتقل إلى أسفل البطن وقد يمتد الألم إلى الأرجل.
3-يكون الألم كالاضطرابات والتقلصات ويصاحبه الإسهال.
4-يستمر الطلق بالتزايد وكذلك يشتد الألم وغالبا (ولكن ليس دائما) يكون الطلق منتظما.
5-تظهر خطوط الدم في الإفرازات المخاطية أو يكون لونها مائلا إلى اللون الوردي.

ممكن تولدين في نفس اليوم وممكن قبل أو بعد

انا حامل وفى شهرى التاسع موعد ولادتى ب9/9/2009


الله يتمملك على خير و تقومي بالسلامة

هاد اول حمل الى ممكن تفيدونى كيف اعرف اميز بين الطلق والمغص العادى

المغص مثل أي مغص يعني مثل وجع الدورة مثلا بيجي بس ما بتكرر بفترات متقاربة بس الطلق ببلش بمغص خفيف و ببدا يزيد تدريحيا و بكون بفترات منتظمة ممكن تكون كل نصف ساعة و يبدأ تقل الفترة إلى أن تصل لل 5 دفائق


وشو علاقة الماء الساخن بالولادة ؟؟


هذه عادات المسلسلات و الافلام بس أنا اكتشفت لاحقا انن بسخنوا الماء عشان يحمموا البيبي
ما تخافي ما رح يسختولك ماء :23:


هل ممكن انى اولد فى نفس الموعد ولا بتأخر


ممكن أو ممكن قبل أو بعد حسب مزاج البيبي أنا ولدت قبل موعدي بيومين

وممكن تعطونى نصائح لهذه المرحلة


أهم شي ترتاحي و ما كتير تتوتري و تخافي و ما تسمعي قصص ولادات الناس لإنو كل وحدة غير التانية
أنا من كثر خوفي صرت أحضر فيديو ولادات من النت و أتوتر بزيادة

ادعي الله على طول إنو ييسرلك ولادتك و تكون من أسهل ما يكون

أثناء الطلق امشي كتيير عشان يفتح الرحم بسرعة

مش ضروري يبدأ معك طلق لتعرفي إنك قربتي تولدي لإنو ممكن ينزل ماء الراس قبل بدء الطلق وقتها طيران عالمستشفى بس إن شاء الله ما بصرلك هيك لإنو هادا بأخر الطلق

لما تفوتي غرفة الولادة ما تتوتري و فكري بالبيبي يلي رح تشوفيه بعد شوي بعد طول انتظار

اكثري من اكل الرطب و المشي بهالايام و بسمع إنو كثرة الجماع مفيدة و بتسرع الولادة

اذا كانت ابرة الظهر متوفرة فما توفريها في كتير بنصحوا فيها

أخيراً إن شاء الله بتقومي بالسلامة و بترجعي تقوليلنا انو ولادتك كانت من أسهل ما يكون