|
ام زوجي رفضت ان ابقى عندها وزوجي يعتكف
انا والله في عائلة طيبه احس اني رزقت بهم وهم نعمة من الله واحس دائما انهم يحبوني جدا مش حب فقط وام زوجي والله اني احس ان لاتوجد امراة مثلها في خلقها ودينها وفي حبها لي وفي فضفضتها معي والله ان اوسط سلفاتي زوجات اخوان زوجي ولا تتكلم ام زوجي الا معي ولا تشكي من احد او شئ والحمد لله الا معي طيب وش المشكلة
ان مع كل ذلك لايهمهم حبي لهم ولا حبهم لي احيانا يزعلوني بحجج فارغة والله اني اقل امراة فيهن في العدد اي عدد الاسرة وانا اعلم جيدا مدي اهتمامهم بالوقت والعمل والعبادة ولا يحبون زيارة الأقارب ولا يزورهم احد الا في المناسبات وفقط والحين في رمضان اردت ان اذهب عندهم لأني اريد ان زوجي يعتكف وانا في في غير وطني يعني امي ليست معي فانا طبعا وبكل ثقة بتكلم معها على اساس اني احس دائما اني قريبة منها ومتوقعة برد يملؤني السرور ولكن المفاجاة انها رفضت وبشدة والسبب اني اضيع وقتهم مع العلم تعلم هي باني اريد اختم عشر ختمات كلموني امراة تريد ان تختم هذا العدد ويش يكون حالها في العشر الأواخر وهذا فضل من ربي والحمد لله المهم رفضت وماكنت متوقعة ابدا ابدا علمت من بعدها علي ان لااثق فيمين يحبني ولا اتوقع الرد الحسن حتى لاافاجئ والله اني في عذاب لايعلمه الا الله ليس بهذا السبب كلا والله ولكني افتكرت امي وابي اللذين يشتاقون لرؤيتي ولو يوما وحدا والله افتكرت ابي اللذي لاطالما يلح على زوجي حتى نجلس عندهم افتكرت امي اللتي لاترد لنا طلبا هل هذا هو الفرق بين امي وام زوجي هل الواحد يعتقد ائما ان ام الزوج لست مثل الام تماما والله ياجماعة مااحسست باني غريبة الا في في بيت اهل زوجي مازالون يتكلمون بصوت هادئ حتى لااسمع ويتحاورون ويخافون اني اسمع مازلو يعاملوني معاملة الغرب والله تعبت نفسيا والله اني في بيت ام زوج اختي احس باني بنتها ومن البيت اكثر من اهل زوجي صدقوني والله لااعرف اضع للموضوع عنوانا فان الموضوع شامل خففو على صدري بكلمات وحشتيني ياامي والله كم اشتاقت لكما العينان |
عذراً نقل للقسم المناسب .. المتزوجين |
آآآآآآآآآآآآآآآآآآآآآآهـ ........ماشفتي شي ......
لو اكتب مأساتي لدخلت عالم غينيس بالجروح اللي جتني من وراهم ..... يكفي انهم بدوا بالمشاكل 13 يوم من زواجنا !!!!!! عـــــــــــــــــــــــــالــــــــــــــــم غريب......... |
والله المقدمة كانت حلوة ليه خربت بالنهاية :) يعني أنت ذكرت في أم زوجك انها خيرهـ وتحبك وتنفلك عن باقي كناتها عشان موقف واحد تتغير نظرتك لها ! طيب عزيزتي لاتزعلين مني بس بقولها بحكم اني بنت وفي بيت عائلة كبيرة اشوف زوجات اخواني وأي ضيوف غيرهم في رمضان نستثقل زياراتهم لأنه تكلف ودوشه والوقت ما يسمح خاصة في العشر الأواخر نتمنى البيت يكون خالي من جد عشان نتفرغ للعبادهـ أمي نفسها ــ الله يطول بعمرها ــ تتضايق من زيارات اخواتي اللي هم بناتها في رمضان بس ما تصرح لهم يعني طول النهار بالمطبخ واقفة وبالعشاء تصلي تراويح وتتعب من جد لأن الإمااام يطول مرهـ ترجع تبغى تنام وترتاح ـ هي ماتتحمل مثلنا ــ بس نرجع للبيت بعد التراويح نلقى اخواتي او اخواني المتزوجين ينتظرون أمي ... بالله متى ترتاح ؟ الزبدة لا تزعلي من أم زوجك وحطيها جوات عينك لأنها صادقة لا تقولين أنا بعد بنشغل بالعبادة يكفي وجودك يحسسها انه فيه احد لازم تضيفه أو على الأقل تجلس عنده كبري عقلك و نصيحة لاتقارني بين حماتك وحماة اختك ....... غلط غلط غلط قولي الحمدلله انها طيوبه ولا فيها شر مثل بعض الحموات الله ييسر أمرك |
ام زوجك لو ما تحبك مثل بنتها
ما صارحتك ورفضت وكأنها تكلم واحدة من بناتها التمس لأخيك سبعين عذرا طولي بالك يا أختي ومع حسن التدبر والتصرف باذن الله انك قادرة على القيام بواجباتك وعباداتك على أكمل وجه |
بعض الناس الشكوى في دمهم
|
ياستنا عاااااااادي
وبعض الأمهات تتضايق من بناتها وأولادها وما تبغاهم يجو عندها كثير ويثقلو عليها عادي عادي حبيبتي |
يقول الله في محكم كتابه في أداب الإستأذان :
( وَإِن قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ) يعني انت وش تبين !!!! تبين تروحين ويستقبلونك وهم ماودهم !!! خلاص كل بيت وله نظامه وله حرياته.. وإذا على أعتكاف زوجك .. خليه يعتكف وانت اقعدي في بيتك.. او روحي لأهلك اللي يتمنون يشوفونك ولو ساعة.. وأقعدي عندهم 10 أيام بدال الساعة.. معليش أسلوبي فيه قساوة لأني شفت انه مافي مشكله تستدعي كل هذا.. الحمد لله تحبينهم ويحبونك .. لكن كل واحد حر بحياته وببيته وتصرفاته.. خاااااااااااااااصة انهم ماضروووووووووك بشي!!! |
اقتباس:
ولفت نظري شي قلتيه انهم يوطوا صوتهم لما يسولفون يااختي لكل منا خصوصياته يعني انتي مثلا تقولين اش سويتي اوايش بتسوين مع زوجك كل مره لهم الخوات يخبون من بعض باين انك حساسه وحده من خواتي عندها ثلاث اولاد هادين ينامون عند اهلي بالاسبوع والله ان حنا نقول مازوجناك واحنا نبيك خلاص كلن له بيته ويبي يترتب ويرتاح على كيفه ماحطوا لولدهم بيت وهم يبونه يجيهم بأهله |
[QUOTE=احلاهم واتحداكم;2225551]يقول الله في محكم كتابه في أداب الإستأذان :
( وَإِن قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ) يعني انت وش تبين !!!! تبين تروحين ويستقبلونك وهم ماودهم !!! خلاص كل بيت وله نظامه وله حرياته.. وإذا على أعتكاف زوجك .. خليه يعتكف وانت اقعدي في بيتك.. او روحي لأهلك اللي يتمنون يشوفونك ولو ساعة.. وأقعدي عندهم 10 أيام بدال الساعة.. معليش أسلوبي فيه قساوة لأني شفت انه مافي مشكله تستدعي كل هذا.. الحمد لله تحبينهم ويحبونك .. لكن كل واحد حر بحياته وببيته وتصرفاته.. خاااااااااااااااصة انهم ماضروووووووووك بشي!!![ /ماشي حبيبة قلبي لكن انا في دولة بعيدة عن وطني والله لو ان امي موجوده معي مافكرت وبعدين احباتي انا عندي طفل واحد ولما بروح هناك مابحسسهم بوجودي وخاصة في رمضان لأني ما بحب اعطل احد ولا احد يعطلني ] واصلا انا مافكرت في هالموضوع الا لأني مابقدر اضل لوحدي في شقتي انا وابني بصراحة لكن انا لما بروح هناك بتانس بيهم وفي نفس الوقت لااعطلهم ابدا والله واذا ذهبت عندهم لااحب ام زوجي تسوي شئ وخاصة في رمضان والحمد لله بس خلاص انتم والله ارحتوني بكلامكم بجد مكنتش اعرف اني مكبرة الموضوع كده طبعا والله اشهد الله اني اذا لففت العالم باكمله فلم اجد مثل ام زوجي حفظها الله ورعاها واشكركم مرة اخرى |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©