|
اذا وصلت العلاقة الزوجية للعن بين الزوجين
السلام عليكم .. ما ادري كيف ابدا او كيف ألملم القصه
السالفه صارت قبل تقريبا 6 ايام كان مزاجي متضااااااااااااااااااااااايق متضايقه من كم شغله : _وضع زوجي المادي (حاليا) لانه عنده التزامات قويه لازم يخلصها _نفسيته مره صعبه ويعصب عند اتفه سبب.. ويسب عند شغلات ماتستاهل ويحس انه انا الغلط _كان ودي تغير جو نروح لو يومين لاقرب شاليه... تخيلوا الاجازه كلها لا سفر ولا شي ماكله هواااااا ولا زعلت ولا شي سمعت مكالمه له طبعااا بدون مايدري انه بيعطي اخوه مبلغ مو كبييير بس حنا أولى انا اطلب منه ويروح يعطي اهله... وهو اخوه مو محتاااااااج قسم بالله كم مره اقول له ابي السوق يقول اصبري مامعي الان والا يسكتني بمبلغ قسم بالله مايكفي لشي .... دخل علي وانا واضح علي متضايقه بس مخبيه قال شفيك؟؟ قلت لا ولا شي ... الله لنا بسسسس.. قال اذا قصدك على الفلوس هذي مو مني ... هذي فلوس من امي تبيني اعطيه.. طبعا مارديت عليه وتضااااايق ولدي كان وراي ماشفته وجيت بطلع من الغرفه .. طاح طيحه مو خطيره (( طبعا زوجي اذا عصب يلعن... اذا خاف من شي يلعن,,, اذا احد طلع عليه بالغلط بالشارع يلعن)) ودايما يقول سااااااااااااعديني اترك التلعين لان يطلع من غير قصد))) المهم بعد لماطاح ولدي قال زوجي من الخوف (زي مايقول) : الله يلعـــــــــــ... امك على ابوك انا هنا بغيت اموووووووووت من القهر قلت : يلعـــ... امك وابوك انت انت ليه تغلط على اهلي ليش؟؟؟ قال انا طلعت مني مو بقصدها ولا اعنيهااااااااااا قلت مالي شغل اهلي ماتجيهم وانت انا صابره عليك وعلى العيشه القرف اللي عايشتهاااا انا مليت زهقت كرهت عمررررررررررررري واروح للغرفه الثانيه واجلس ابكي زي الطفل ولا همه وانام طبعا كل هالكلام بعد الفجر نمت بالغرفه على الارض ولا حسيت بعمري الا اذن الظهر صليت ورجعت نمت وهو نايم وحقرته ولا طليت عليه حتى فطور مافكرت اسوي لان الوضع عندي احس واصل درجة مو طبيعيه من الضييييييييق جا عندي الساعه 5 وقومني قلت ما ابي اقوم خلني هنا قال تعوذي من ابليس وقومي باقي شوي ويأذن قمت وسويت فطور خفيف افطرنا وكان مسوي نفسه مايكلمني تندمت انا على كلامي وخاصه اني انا ما ألعن وبحياتي مالعنت حتى عدوي... واخر شي العن اغلى الناس عند زوجي ... وخاصه شخص منهم ميت (الله يرحمه) لما جا يطلع بعد العشاء .,. وقفت قدامه وحبيت راسه وقلت انا اسفه وحقك علي انا غلطانه من راسي لين رجولي وتلفظت بكلام ماينقال سكت هو وقال انا مسامحك والا لوما غلاتك عندي ولو وحده غيرك قسم بالله اطلقها وماتنام عندي ليله اللي تلعن ابوي في قبره بكيت عنده وقلت والله ماكنت اقصدها بس احس مو انا اللي تكلمت المهم قال حصل خير والايام تبين عذرك... طبعا مايناظرني في عيني يناظر السما والا الارض طلع وانا احس مكتئبه لااني ادري فيه بقلبه شي والان لنا 6 ايام يكلمني بطريقه غيييييييييير عن اول كلام عادي ماكأنه هو ... لا حب ولا احضان ولا كلام لين يوديني يجيبيني.. بس لو بتكلم كلام حلو مايرد علي زيه احس كانه يجاملني اللي ضايقني كثير امس لما تسحرنا قربتله وقلت احبك ووقفت قدامه وكنت متشيكه ومتعطره قلت اكيد بـ يلين .. ماعطاني بال ابد دغدته ضحك شوي.. قلت يلا عاد احضني قال ما اقدر صايمين.. قلت انا ابي تحضني بس قال لا بعدين قلت ليييييه؟؟ قال بس .. لما اصرييييييت قوه ... قال انا فيه غمامه بقلبي اصبري لين تروح سكت انا وقمت من عنده ونااااااااام وانا سهرت للصبح افكر بالغمامه ادري قصده اني لعنت ... ياربي ما ادري شسوي احس تغير علي بقوووووووووووووووووووووه |
الله يعييييييينك ! انتي غلطتي انك رديتي باللعن .. من جد شي صعب .. بس عـاد زوجك .. كبر راسه شكله ؟! اجل هو يلعن ويسب ماتجي على قلبك غمامه ومالك حق تزعلين .! وهو على قلبه غمامه وتقعد اسبوع ؟! الله يهديييييييييه ويصلحه .. عـاد والله انتي سويتي كل الي عليك .. وبمـا انه زوجك .. وانتي شايفه انك غلطتي .. واصلي والله معاكي .. وخليك بكشختك .. انا متأكده بيجي المغرب وتروح الغمامه بأذن الله بس انتي خليتس على ماانتي .. وتكشخي وتعطري .. واليوم سوي الفطور الي يحبه .. بأذن الله عقب الفطور او التراويح تشوفينه جايك منشكح وماعليه خلاف .. الله يهدي النفوووووس ويسخركم لبعض .. |
هلا دانتيل
انتي تحسبينه مايسولف معاي لا عادي .. ويناقش بالاشياء اللي تجي بالتلفزيون ومرات نضحك على ولدنا والا على اي شي بس احس تجيله حاله يتذكر او مدري وش يصير بعدين القاه مايطالعني واطلع من المكان اللي هو فيه واطول مايقول وش تسوين ولا وين رحتي مايحط عينه بعيني ودي اقول له الكلام اللي قلتيه ... بس ماودي اكبر السالفه .... اقول الشي هذا مايطلع من بنت متربيه عشان كذا حاسه بغلطتي وهو .. مسؤول عن تصرفاته وردي عليه اكبر منه مافيه :( |
طيب علامـه ! اجـل حطي براستس اليـوم ماتباتون لين تنزاح الغمـامه .. واقعـدوا جلسة مصارحه .. وخليه يكب عشـاه ويقول الي بقلبـه . يمكن ان في خاطره شي غير الي صار ؟! يمكن متضايق من شي بعيد عنك وعن البيت ! ماتدرين ؟! طمنينـا عنتس يالغلا .. |
هلا بنورا
زوجك مصدوم لا اكثر ولا اقل ما توقع بيوم تردين على تلعينه بتلعين وحزت بخاطره الغمامة ما اظن زعل عليك كثر ماهي زعل على نفسه تو يحس شكثر تجرح كلمات اللعن على الشخص لانه ذاقها منك لأول مره انا برأيي مثل اختي دانتيل.. اجلسي جلسة مصارحة معه وانت بطريقتك تقدرين تشيلين ابو الغمامة من صدره لكن خذي وعد منه يحفظ لسانه ويتحكم بأعصابه حنا بشر ونخطي .. وقوليله خلك قدوة لأهل بيتك بكره يكبر الولد ويلعن مثل ابوه وهالشي اكيد ما يرضاه الله يهداه ويصلح قلبه ويزيل همك |
لا حول ولا قوة الا با الله.
طبعاً اللعن صار بعد الفجر،، وانتوا صايمين؟؟؟ لا حول الله يارب. بكل امانه انا اعجبتني طريقة اعتذارك، جا بوقت ممتاز ، وبطريقة ممتازه. ماشاء الله عليك، على الاقل كسرتي حاجز السكوت او السفهه ولو كان غير صريح. زوجك طيب وانا اخوك ، وصدقيني لو ماغلاتك ماكان صبر عليك بعد كلمتك مثل ماقال ،حتى وان كان هو يلعن. انا هنا ما اعذره طبعاً ، ولكن اوضح لك الي صاير. ولو ما غلاة ابوه وامه عنده ماكان للحين الكلمه بخاطره. مثل ماقالت اختي بكر الشايب، اجلسي معه ،تكلمي، قولي اعذري، قولي له اذا انا اعتذرت ، فاذا ماقبلت اعتذاري تبيني اكفر عن خطااي اسوي لك الي تبي قول تكلم، يعني حسسيه انك ندمانه وانها مستحيل تتكرر منك، وقوليله انا محاسبه قدام الله سبحانه عن ابوك وامك على انهم ابوي وامي ، صدقيني انا شخصياً كل ما اقول ها الكلمه لزوجتي اخذ منها الي ابي وبكل بساطه، يمكن من طيبتها، ويمكن من طيب معدنها، اذا ماكانت الاثنين. المهم اختي اتمنى ان المشكله ما تطول اكثر من كذا ، لأنها فعلا ً اذا طولت اكثر من كذا راح تكون اصعب عليك وعليه، سبحان الله راح تحسون بجفاء نفسي بينكم بين. وقولي له ها الكلام. اهم شيء اهم شيء انكم ما تخلصون الا تتفقون على انك انتي وهو تتركون ها الكلمه قدر الامكان. ونصيحه، قبل لا ينتهي النقاش حاولي انه ما ينتهي الا بأبتسامه صادقه طالعه من القلب، واذا كانت ضحكه يكون افضل. صدقيني بتحسين با الفرق لما ينتهي شيء جدي بضحكه ، واذا انتهى بشكل رسمي. اذا انتهى بضحكه راح تزيل الحواجز بشكل سررريع وخيالي سبحان الله ، اما اذا تصافيتوا ولكن بشكل رسمي وجدي وانتهى النقاش على كذا فصدقيني اختي يبي لكم بعد وقت على بال ما تكسرون الحواجز النفسيه ثاني مره. الله ييسر امورنا واموركم، بليز ادعوا لي اليوم عندي شي مهم.يارب التساهيل والتوفيق يارب، وتحقق اللي ببالي يارب ياكريم الله يوفقنا ويوفقكم. |
اقتباس:
قوليله في لحظة صفاء ..قولي على قلبي نفس الغمامة اللي تحس فيها .. حتى انت لعنت اعز وأغلى الناس عندي .. صح اني غلطت لما رديت عليك بنفس الاسلوب لكن انت سمحت لي وسبقتني في لعنهم .. ما تعرف حديث الرسول صلى الله عليه وسلم "قال رسول الله صلى الله عليه وسلم إن من أكبر الكبائر أن يلعن الرجل والديه قيل يا رسول الله وكيف يلعن الرجل والديه قال يسب الرجل أبا الرجل فيسب أباه ويسب أمه " |
زوجك ما سب أهلك سبك أتني و سب نفسو . صحيح و لا أنا غلطان.
|
خلاص لا تلومي نفسك كتير امامه وتتأسفي
لانه يمكن وقت رديتي عليه وشتمتي حس بالغلط اللي كان يرتكبه في اللعن لذلك الحمد لله رب العالمين انو لم يتهور ويضربك خليكي صامده وخلاص اعتذرتي اناما اذا كررتي الاعتذار رح يحس انو هو مش غلطان وقت يعصب ويلعن وانتي الغلطانه وقت اعطيتي نفسك حق الرد ربما تكون لحظة خير ويتوقف عن اللعن قدر المستطاع خلي اعصابك بارررررررده بالصيام وقومي ضعي الفطار وهو من نفسو يراجع كلامو ويشوف غلطه ولكن لا تكرريها تاني ووقت يلعن قولي فورا :رحمة الله على والدك لا تجوز عليه الا الرحمه |
طيب ياا اختي اعتذر منك هووو على اللعن
على اتفة الاسباااب ؟؟ اعتذر على لعن امك وابووك ؟؟ من وجهة نظرري ماا كان اعتذرتي لأنة بنظري انتي مااا غلطتي كاان تركتي الامورر تمشي طبيعي وتشووفي النهاااية هو الي غلط وغلط وغلط ((ومن عاااشر القوم 40 يووم صاار منهم )) هو الي علمك تلعني اذااا يتحمل !!! اعتذرتي وكثررر خيرك غماامة مو غماامة موو شغللك اترركية حتى يحس بالذنب ويحس بقيمة غلطة لأنة انتي كذااا معليش بتكبري راااسة بداال ما يعتذرللك على كل اللعن والاذى النفسي الي عملة معاااك تجي تقوووولي ما يكلمني مثل اووول حياااة زوجية فيهااا لعن ؟؟؟ اين الاحترااام اين الحب اين الاخلاااق اين توصياات رسولنا الكريم من تصرفااات زوجك الا مسؤلة واذاااا طاااح الولد ماا هو كل الاولااااد يطيحوون ؟؟؟ لية يلعن اهللك بداال ماا تزعلي انتي ويراااضيك ويعتذر يزعل هوو !!!!! الله يهدية بس ويكتبللك الي فية الخيرررر |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©