|
أفكر في الإنفصال بسبب معاناتي مع خطيبي
|
يابنت يمكنه بطبيعة حاله مايحب الأسئلة الكثيرة وش تحب؟ وش أسويلك؟، كل هذا أي شاب يبي يقول بعد العرس
نصيحة طبقي المثل ألي يقول من تغلى تعلى :22: وآخر شي أقوله بتوفيك .... |
نصيحتي أن تتحدثي معه عنه لا عنك ولا عنكما، أخبريه أنه كان محور حياتك قبل أن تلتقيه، فلذلك انتظرته، وأنه محور حياتك بعد أن إلتقيته. اشعريه بمسئوليته نحوك، ومسئوليته نحو رعايتك، وحاولي معرفة نمط حياته وطريقة نشأته، فربما من بين أصدقائه من تعود صداقته به إلى أمدٍ طويل، فكيف تريدين منه أن ينسى ذلك في ثلاثة أشهر.. أتعلمين إني وحين أجلس بين أصدقائي أعلم منهم قوي الشخصية على زوجته، وبرغم ذلك حينما يأتيه اتصالٌ من زوجته لأجل أمرٍ ما، يستأذن بالذهاب، فيرى الابتسامة على وجوهنا، فيصيح: ماااااااااا.. أتعلمين لما يفعل ذلك؟ ليس خوفاً من زوجته، ولكن لأنه يشعر بمسئوليته تجاه عائلته، برغم أنه قادر على تركها وحيدةً طوال الليل كما يتركك زوجك، وتأكدي بأنه سيشعر يوماً إن شاء الله بمسئوليته نحوك. يا عزيزتي.. القداسة صفة القديس، والجمال صفة الجميل، والروعة صفة الرائع، والحب صفة المحب، والطيبة صفة الطيب، فاحملي إشراق أنوثتك المقدسة والجميلة والرائعة والمحبة والطيبة إليه، ليحمل نفسه إليك.. وهذه حكمةٌ من الصناديق المقفلة، أسعد الرجال في هذه الحياة من يكون عمله هوايته، وزوجته صديقته.. فكوني الصديقة. |
اختي الكريمة اولا ألف مبروك والله يتم بينكم على خير
تصرفات زوجك طبيعية جداً فيختلف الرجال من رجل الى آخر فيه اللي يكلم زوجته بعد الملكة ليل ونهار وهو بالعمل وهو خارج وهو رايح يحلق او رايح البقاله او بالطريق لأصحابه وفيه رجال يحبون يظهرون هيبتهم من البدايه بانه ما يكثر اتصالات وانك لو كلمتها كثير بتمل ومن هالأمور هذا نظامنا جميعاً نحن الرجال قبل الزواج هذه ايام العزوبية نقضيها معاً بالسهر وانا كنت عارف اني بعد الزواج ماعاد بكون براحتي مثل اول فقضيت مع اصحابي اطول الأوقات كنت اشوفهم من بعد المغرب الى الساعة 1 الليل وارجع للبيت لاني بعد الزواج بيتغير الوضع وبيتغير نظامي بالكامل وتوكم ببدايه حياتكم ولسى مافهمتوا بعض انا ببداية زواجي اشتاق للجلسه مع اصحابي والسهر معهم والضحك وزوجتي تشتاق لاهلها واخواتها واخذنا وقت على ما تعودنا على الوضع الجديد خذي وقتك كلميه بتلميح انا ما احب الرجال اللي يطلع ويسهر وينبسط ويترك زوجته الحالها بالبيت تلميحات خفيفه صديقتي زوجها طلع وتركها ...... انا احب زوجي يجلس معاي ولا يتركني الوحدي وقت طويل بس لا تطارديه انت وعدت واحنا اتفقنا من بدايتها كذا فيها ملل من الطرفين الان اذا انا بطلع لاصحابي زوجتي تاخذ موعد من اهلها حصلتهم طلعت لهم وانا اروح لاصحابي تريثي قليلاً الانفصال ليس الحل لسوء التفاهم البسيط هذا |
دامك تفكرين في الإنفصال .. اش لها داعي الإستشارة
|
انا من النوع الي ما يحب كثره الاسئله مثل زوجك وخاصتا بالجوال احس بملل
انا اتوقع زوجك ما يحبذ المكالمات الهاتفيه بعكس المقابلات الشخصيه حيث يكون التعبير اوضح واسهل |
انا ملجت من شهرين .. وتواصلنا بالاسبوع مرتين .. هذا اشوف انه الطبيعي ..
طبعا اكثر شي يضايق الرجال .. الاسئلة .. بعطيج مثال : مرة اسالتني : انا بتعلم الطبخ بانواعه .. شنو تحب تاكل ؟ كان ردي : مافي شي محدد .. وبعد فترة سالت نفس السؤال بطريقة ثانية : امس رحت انا وابوي واكلنا اكل بحري .. وطلع مشالله ... الخ كان جوابي : اي والله الاكل البحري حلو خصوصا كذا وكذا .. وشغال تفصيل كامل .. خلاصة الكلام : 1-لا تطرحين اسالة مباشرة .. لان اغلب اشباب يكرهونها وانا واحد منهم .. لكن خليها على هيئة سالفة معينة. 2-تو بدري تحطين القيود عليه .. خصوصا في فترة الملكة قللي منها جدا جدا .. عن سهره مع ربعه .. عشان ما يحس انج راح تكبلينه .. وهو توه ما اعرس . موفقة |
وعليكم السلام ورحمه الله وبركاته، أختي الكريمة شمعة حياتي نورت، اولا مبروك ما شاء الله، والله يتمم لكم على خير ان شاء الله... بعدين اختي الرجال يختلفون، كل واحد له اطباع تختلف عن الثاني، يعني الرجال ما يجون مع كتالوجات :d كل واحد له شخصيته، فيهم اللي ما يحب يتكلم بالتليفون وفيهم اللي موب جريئ مرة ويستحي خصوصا ان توكم متملكين... ألخ بعدين اختي من طبيعة الرجال انهم يحبون الحرية شوي، يعني عطيه مجال شوي، وخففي اتصالاتكي عليه، وخليه هو اللي يتصل، ولا تقعدين كل شوي تتصلين عليه... ومسأله سهره مع اصدقائة عادي وش فيها، انتم للحين كل واحد عند اهله يعني ما بعد سويتوا حفل الزواج، لكن اذا تزوجتوا وسكنتوا في بيت واحد وهو كل يوم طالع وسهران مع اصدقائة ذيك الساعة يصير يحقلكي تزعلين، اما الان ما ادري ليش اصلا هالشي يضايقكي... بعدين اختي نصيحه اخويه لا تدققين في الامور الغير مهمة(اسمحيلي التافهه)، اختي.... اذا الحين تزعلين لما تسالينه عن لونه المفضل ولا يجاوبكي، وتقولين متخاصمين لنا اسبوعين وما ارد على اتصالاته، اجل بكرة اذا تزوجتوا وش بتسوين... اختي الحياة الزوجيه مهيب لون مفضل ولا ستايل معين، الحياة الزوجيه السعيدة هي انكي تتقبلين شريك حياتكي بكل عيوبه وتكونين مبسوطه وتتعايشين مع هالعيوب، يعني مرة تتنازلين ومرة يتنازل... لكن انكي تزعلين لانه ما يجاوب على اسألتكي، وعشانه يسهر مع اصدقائة صراحه مالكي حق... وصراحة اختي......وبدون مجاملة وبدون زعل لما قريت عنوان الموضوع احسب عندكي مشكلة صعبة قلت خل نحاول نساعدكي فيها، لكن تفاجأت ببساطة/سخف الموضوع... اختي ..... اذا فعلا تبين تصيرين سعيدة في حياتكي وزواجكي اهتمي بالامور المهمة واتركي عنكي هالسخافات. واذا انتي فعلا تعتبرينها امور مهمه، انا ما اتصور انكي انسانه مستعدة/مؤهله فعلا للزواج... يمكن كلامي كان شوي قاسي لكن يعلم الله ابي اوصل لكي الفكرة... واتمنى لكي اختي.... كل التوفيق ان شاء الله... |
|
أختي ...شمعة حياتي نورت، احس انكي كارهتني عقب ردي الأخير، لكن معليش برد على تسائلكي :d اختي اولا غلط تحطين في بالكي انكي حساسة وجدية... الانسان ما يقدر يقيم نفسه والدليل لو تطلبين من 100 شخص يكتبون صفاتهم، يصير كلهم ما شاء الله حساسين وعاطفيين وطيبين واذكياء واجتماعيين ويحبون الناس وقلوبهم بيضاء ويقدسون الحياة الزوجية وو... الناس هم اللي يحكمون على طبيعة وشخصية الواحد، ولا هوب كل الناس صادقين، يعني الخلاصة عيشي حياتكي بدون ما تصنفين حالكي حساسة ولا غير حساسة ولا عليكي من احد. :22: بعدين اختي المفروض الواحد بينه وبين اهله(امه وابوه واخوانه والزوجة/والزوج) ينسى شي اسمة كبرياء وكرامة، الاهل ما بينهم هالاشياء، يعني الان الواحد حتى لو غلط عليه ابوه او امه موب المفروض يجي يستسمح منهم، ترا الزوج والزوجة نفس الشي، ومع الايام الزوج والزوجه راح يكونون اقرب الناس لبعض... اختي حتى لو حصل خطأ من زوجكي ما فيها شي اذا انتي كلمتيه وطيبتي خاطرة، والعكس صحيح، وترا والله العظيم هالامور تترك في النفس اثر غير طبيعي، يعني الانسان السوي ما ينساها لكي... يعني معليش كثير من المشاكل اللي تصير بين الازواج كلها بسبب موضوع بسيط وكل واحد فيهم يركب راسه يعاند لين ما ينفصلون... وكل هذا بسبب موضوع الكرامة والكبرياء، وانا اقرأ مواضيع كثيرة في المنتدى وبعض الاخوان الله يهديهم اللي يقول لا تكلم زوجتك خلها تتأدب، ولا لا تكلمين زوجكي خليه يتأدب، الزوج والزوجة مهيب وظيفتهم يأدبون ويربون بعض، هذي وظيفة الاهل... بعدين اختي ..........، فيه مسأله مهمة مرة انتي لازم تعرفين انكي ما تقدرين تغيرين الناس او اي احد، انتي تقدرين تغيرين نفسكي فقط، يعني اذا الانسان يحتك باشخاص معينين فيهم صفات ما يحبها، ما يقدر يغيرهم ما يقدر الا انه يتقبل هالصفات ويتاقلم معها... اختي ......... ما فيه احد منا كامل وكلنا فينا عيوب، ويمكن ناس اكثر من ناس، اهم شي انكم تكونون متوافقين مع بعض في امور كثير منها الدين ومستوى التعليم والعادات والتقاليد...ألخ واخيرا، انتي وسعي صدركي ولا تشغلين بالكي في الامور البسيطة، وحاولي دائما انكي ما تلومين الاشخاص اذا حصل منهم تقصير، دائما اعذريهم ودوريلهم اعذار، وبالهطريقة بتصيرين سعيدة وتسعدين اللي حوليكي... واتمنى لكي اختي .......... كل التوفيق ان شاء الله... |
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©