|
كيف اعيش في هدوء واتقبل الامر بلا هم ؟
السلام عليكم ورحمة الله و بركاته كيفكم ان شاء الله طيبين انا الاحظ علي مشلكة مهي بسيطة خاصة في السنتين الأخيرة و هي ان الشي اللي ابيه لازم يصير على الفور بغض النظر عن الظروف اللي تواجهني فيه لدرجة اني في مره من المرات اختبرت في الجامعة خمس مرات لمادة وحده في اسبوع و احد طبعا بالكذب و التزوير الله لا يعاقبنا بس شلت هم ما يشيله الجبل لكن مدري ليه يعني اللي ابيه لازم يصير و إذا ما صار معناته هم يحل بي يكرهني عيشتي و غم مدري ليه و الظاهر عندي ضغط بس ما رحت اكشف خايف يقولون فيك ضغط فخلك كذا اريح عشان ما اموت هم و مره عطاني المستشفى موعد بعد ثلاث سنوات بغيت اصيح من القهر و شلت هم مو طبيعي المهم حاولت و حاولت إلين سويت الموعد في نفس اليوم و قال الدكتور و الله انك صعب و حار في نفس الوقت و ما مر علي مريض مثلك غريب امرك ؟ طبعا الشيب بدا في يظهر فيني مع اني اعد بزر في نضر الشيبان اذن تتلخص المشكلة في : ان الشي اذا ماصار على كيفي يتنكد يومي كله لين يصير و اذكر مره شلت هم سنه كامله و نقص وزني و حالتي حاله وشلون اعيش في هدوء بعيد عن المعارك الوهمية و الحروب النفسية مع العلم اني مستشار مو طبيعي يعني الكثير يسألني و اجاوبه حسب ما اشوف و يتصل بعد فتره يتشكر لكن مع نفسي و لا كاني ذاك المستشار ابي حل يخليني ابرد و اروق و اخذ الامور ببساطه وشلون ؟ ابي اعصابي تهدا عشان اعرف اعيش و فيني خاصية البربرة اي ملسون منيب اسكت اي شي يصير لي لازم الامة الأسلامية تدري؟ و شلون اصير سدة و اكتم همي في نفسي و لا يأثر علي خارجياً .. . الاشراف/ تم تعديل العنوان لـ يتناسب مع المضمون. |
الله يفرج همك وانا اختك حتى نكك فيه ضيقه صدر اجل فارس (الهم):d
على عقولتهم اضحك للدنيا تضحك لك وشوله تشيل هــم ؟؟ الدنيا فانيه عش يومك ولاتفكر في الي جاي ( وشكلك بعد من النوع الي يولم العصابه قبل الفلقه ) فيه حكمه تقول لاتثقل يومك بهموم غدك فقد لاتأتي هموم غدك وتكون خســرت يومك .. عش يومك وبس لاتفكر في الي جاي والا وش بيصير بكرا :11: الماضي خلاص صار شي ماضي وراح ماتقدر ترجعه والمستقبل علمه عند الله انت عندك الحاضر فقط:) والي كاتبه الله هو الي بيصير.. بعدين تقول اقتباس:
ويفضفضون هم الي ماتجيهم امراض ولا ضغط وامراض قلب وطقته اما الي يكتــــم هو الي تجيه الامراض في امريكــاء في كل حي حاطين دكاتره نفسيــن بس شغلتهم يروح لهم الواحد ويتكلم ويفضــفض ويطلع كل الي قلبه:) |
والله انا شايلين همك
عسى ربي يفرجها عليك وعلينا شوف انا بالضبط مثل حالتك وهالشي اللي هو القلق الدائم ماكل حالي يعني رجيم بدون رجيم وحاره بس اكل نفسي حتى لما تقول موضوع ثلات سنين مثلك بس باختلاف المده لاني كنت ابي اتوظف وقعدت احن قبلها بسنه ولما كنت انتظر النتيجه كل يوم اسأل يعني بالعربي حنه وقلقه بس انا خفيت حيل حيل بنسبه خمسين بالميه والسبب التوكل على الله من قلب مع بذل الاسباب واذا كنت شايله هم شيئ واحاتيه اقول حسبي الله لا اله الا هو عليه توكلت وهو رب العرش العظيم سبع مرات واقول في خاطري خلاص اش تبين وكلتيه لله بس اذا كنت حار انك اذا مثلا تبي الشي يخلص بسرعه اذا طلبته من احد هدي شوي<انما الحلم بالتحلم والعلم بالتعلم> وبالنسبه للبربره وسع صدرك وبربر على راحتك اكيد انت ماتبربر عند الناس كلها وهذا شي طيب وبس |
اقتباس:
............................ |
اقتباس:
إلا و الله محد افتك مني حتى ...العامل بالدوام صار يتصدد عني اي لا يحاول مقابلتي لأنه عارف البير و غطاه و داري اني بهذر عليه لين يحلو ههههه |
اسفه يمكن قلتها بالعاميه
التوكل على الله من قلب= يعني واثقه انه بيسوى لي الشى اللي ابيه ماعندي ولا واحد بالميه بغير هذا واللي يخليني اوثق زياده هو <حسبي الله لا اله الا هو عليه توكلت وهو رب العرش العظيم سبع مرات> يقول لك الحديث فيما معناه من قالها كان صادقا بها اوكاذبا يعني يجرب كفاه الله همه اذا تذكرت هالشى هدت نفسي وارتاح بالي وعسى ربي يريح بالنا وبالك |
اقتباس:
يعطيك العافية وراح اواضب عليها و الله يفرج لنا و لك |
انا بنت مو ولد
على فكره انا الضغط فيني مع اني في الرابعه والعشرين
تلاحق نفسك وغير طبعك قال الرسول صلى الله عليه وسلم من قال حين يصبح وحين يمسي حسبي الله لا اله الا هو عليه توكلت وهو رب العرش العظيم سبع مرات كفاه الله تعالى ما اهمه من امر الدنيا والاخره وورد اثر موقوف عن ابي الدرداء رضي الله عنه قال اذا اصبح واذا امسى حسبي الله لا اله الا هو عليه توكلت وهو رب العرش العظيم سبع مرات كفاه الله ما أهمه صادقا كان او كاذبا رواه ابو داوود وصححه الألباني |
الله يجزاك خير ورد و ذبل و الله لو ما يجي من هالموضوع إلا هالحديث الشريف الله لا يحرمك الاجر |
.....................
اقتباس:
التوكل : اعتقاد، واعتماد، وعمل. أما الاعتقاد فهو : أن يعلم العبد أن الأمر كله لله، فإن ما شاء الله كان وما لم يشاء لم يكن . والله جل وعلا هو: النافع، الضار، المعطي، المانع. ثم بعد هذا الاعتقاد يعتمد بقلبه على ربه سبحانه وتعالى، ويثق به غاية الوثوق، ثم بعد هذا يأتي الأمر الثالث وهو: أن يفعل الأسباب المأذون فيها شرعًا . واذا تبي همــك يروح زيــاده على التــوكل انصحـــك بالاستغفـــــــار والصــلاه بخشــوع النبي صلى الله عليه وسلم كان يقول ( إرحنا بها يابلال ) كل ماضاق صدرك صل لك ركتين واقرا قرآن .. اذا سويت كل هالاشياء بتغير نكك من فارس الهم إلى فارس الفرح:d |
| الساعة الآن 11:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©