|
سأتزوج قريب وعندي مشكله !
السلام عليكم كيفكم اخووواني و اخواتي انا خطبت و ملكت و لله الحمد قبل خمسة اشهر و الحمدلله مبسوووط مع زوجتي و بصراحة ما راح الاقي مثلها بكل النواحي و الحمدلله زواجي قريب بس المشكلة لزوجتي اخوووو عمره اربع سنوات الولد متعلق فيها بشئ خيالي و لا اخفيكم سرا وهي كمان متعلقه فيه بشكل خيالي أمه ولدته بعملية قيصريه وتعبت في ذلك الحين قامت زوجتي اللي هي اخته بالمسؤوليه عنه من ذلك الحين صارت هي اللي تسوي له كل شئ حتى بلبسه هي اللي بتشتريه بيترك امه و ينااااام معاها صارت له كانها امه اذا افتقدها بيبكي حتى ترجع لمن خطبتها وملكت عرف بالامر فصار يتضايق نوعا ما لمن يشوفني لمن يقولوا اني راح اتزوجها وأخذها بيبكي حتى تروح هي له وتقول انهم كذابين اذا اعطته اي شئ وقالت انه من عندي يقوووووول انتي كذابه هذا من عندك انتي انا ما أحبه اللي هو انا قررنا تبعد عنه لمدة يومين بالسفر لمدينة اخرى يبكي و لا يسكت ولا ينام الا لمن تكلمه و تقول انها بتجي والمشكله ان زوجتي بتبكي كمان و بتفكر فيه كثير وهيا ما ابتعدت عنه فكيف لو تزوجنا فكيف احل المشكله ممكن تشوفوها بسيطة لكن ............ الاشراف : عذراً تعديل بسيط في العنوان |
والله الصراحة صعبه
وماحبيت اطل واطلع لكن الام لحد الآن تعبانه ؟ واخوها اظن للحين ما دخل الروضه بها السن الولد يحتاج حد يراعيه ودير باله عليه لكن مع مرور السنين يتغير وان شاء الله غيري يفيدك اكثر من المختصيين والاعضاء الطيبين واسأل الله العظيم ان تبلغ مبتغاك بالخير |
،
مثل زوجــــة أخي مع أختها الصغيرة ونفس الظروف كانت الولادة قصيرية وكانت زوجة أخي تهتم بالمولودة صحيح أول الأياااااام كانت معاناة معها لدرجة تاخذ ملابس اختها وتجيبها لبيتها وكل ما شافتها تصيييييييييييح بزيادة لدرجة أنها ( غثتنا فيها ) وحسينا إنها مكبره الموضوع شوي والحين خلااااااص ركدت الأمور يعني بالبداية بتتعب شوي أنت وهي واخوها بس مع الوقت بينسى وبيتعود ع الوضع لا تخلونا هالشيء يكدر خواطركم وعيشوا حيااااااكم عسى الله يهنيكم بس ضروري زوجتك تفهم أخوها بشويش إنها بتتركه وتخليه يعتمد على نفسه بكل شيء والله يوفقكم ياااااارب |
لا يهمك نفس المشكلة عندي و زلبنا ذا البزر لين صاح و طاح اللي في راسه
لا و ازيدك من الشعر بيت يقول خلها و انا ما احبك قلت عمر ابوك ما حبيتني و سحبت عليه و كل فتره ادزة بريال بريالين لعبه و هلم جرا لين سكت و لا يهمك الامر طبيعي مصيرة يكبر و ينسى و مصير زوجتك تنقطع عنه و تنسى و عجلو جيبوا لكم و ليد عشان تنسى ان عندها اخو هههه و لا ودي تبين انك شايل هم هالموضوع ابد ابد عشان ما يلقون عليك مدخل و يربطونك به لان العود وانا اخوك من اول ركزة فانت خل الامر طبيعي و بين ان زوجتك ملك لك و ليس لأحد ان ياخذها دقيقة من عندك بل هي ملكك اخي و لا تصير مثلي زوجتي محروم منها بسبب تنازلات و عطية وجه اكثر من اللازم و صدقني مرحلتك هذي هي مرحلة بناء لشخصيتك و عافاك الله و سهل امورك |
والله كسرت خاطري الله يعينها ويصبرها لان أنا عانيت من نفس الشي من أختي الصغيره والله عانيت معاناه ببداية زواجي ولحد الآن مستمره المعاناه بس أخف من أول
والله أذا قدني رايحه لأهلي أشيل هم أختي الصغيره وقت الرجعه تقعد أيام تبكي وحزينه وكل شوي تقوم من النوم وهي تبكي تقول وين رحت والحين تعلقت بأولادي كمان بس كانها أهون شوي يعني يكل ماكبرت شوي كل ماخفت الحاله * |
اقتباس:
امين |
كنت اتوقع ان هالمشكله عندي انا بس
اخت زوجتي الصغيره بهذلتنا مطلعه الشيب براسي بس خليناها تركد واهلها ساعدونا شوف اخوي اول شئ بعد الزواج طبعاً مع حوسة العرس فقدت اختها وجلسنا يومين وسافرنا ولا شافت اختها الا بعد شهر مكالمات واحنا مسافرين وصياح واشتقت لهم وحشوني <<<<<< يقول وش السالفه بنرجع يابنت الحلال بعد اسبوعين خلاص المهم رجعنا وجات اول زيارة والبنت ماصدقت تشوف اختها ( اللي هي زوجتي ) وجلسنا عندهم ولما جينا نسري بالليل صياح وفضيحه الجيران بغو يطبون علينا بالليل واليوم الثاني تكلمها تقول انا ما نمت من امس تعبانه ابيك تجين علشان انام <<<<< كسرت خاطري والله بصيح معاها بالتلفون وتقول كلمي زوجي وقولي له يجيبني كلمتها وقلت لها بجيبها لكم بشرط انك ما تصيحين وجبتها لهم ولما رجعت بالليل تعلقت فيها وصاحت ( هنا انا قلت لها بكره ما نجي وماعاد نجي اذا تصيحين ) يوم اجيبها لهم ويوم لا مدة اسبوعين ولما تصيح اليوم الثاني اقول مافيه مانجي علشان ما تصيحين مثل امس وبهالايام اللي كانت تصيح فيهه كانوا اهلها ياخذونها للملاهي للحديقة يشترون لها العاب الخ الخ الخ المهم يلهونها عننا الحين تغير الوضع لما تجي زوجتي تزورهم يومين ورا بعض تقولها وش تبين امس كنتي عندنا <<<<< بيتعود ماعليك لاتشيل هم وانا اخوك جربوا هالطريقة يمكن تنفع معاه مثل ما نفعت مع اخت زوجتي اذا صحت اذا جينا نمشي مانجي بكره اهله يمشونه ويلعبونه ومن هالأمور يشترون له العاب وخلاص ينسى واحد من الشباب كان يبي يفتك من اخو زوجته وهو ناشب فيهم شرا له بلاي ستيشن ونشب عند التلفزيون ونساهم تحية طيبة والف مبروووك ان شاء الله والله يوفقكم ويرزقكم بالذرية الصالحة |
اقتباس:
فكرة حلوة الله يفرج عن الجميع |
اعتبر نفسك تزوجت فتاة متزوجة من قبل و لديها طفل ، و في الواقع فهذا خطأ كبير ان تركت زوجتك اخيها يتعلق بها الي هذا الحد ، فقد بالغت في الحنان عليه ، فكثير من الامهات لا يتعلق بهن اطفالهن الي هذا الحد لان تعاملهم طبيعي ، و الخيار لك الان ، اما ان تقبل الوضع او ان تنفصل .
|
اقتباس:
وش ينفصل ياخوي الله يهديك بس ينفصل عن بنت الناس علشان اخوها متعلق فيها ؟؟؟؟ |
| الساعة الآن 08:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©