|
هل انا غلطانه؟
السلام عليكم ورحمه الله وبركاته
كل عام وانتم بخير وصحه وسلامه وعيدكم مبارك مقدما... اخواتي واخواني اريد استشارتكم بموضوع حصل لي بالامس... الوالده والوالد الله يحفظهم من بدايه رمضان كل يوم يروحون المسجد وانا ابقى بالبيت مع اخواني لاني انا الكبيره بالبيت واختي الي اكبر مني متزوجه.... الامس اتصلت لي تقولي ابقى اجيب بناتي لك قلت لها ليه؟ قالت لي ولاشي بجلس بشقتي ماعندي شي قلت لها اسفه لاني عندي اخواني وانا وراي شغل بالبيت لان ماعندنا شغاله زعلت وسكرت التليفون واتصلت بعد ساعتين وماعطتني وجهه وقالت لامي عن الي قلته قالت لها امي اختك تعبانه من اخوانك والشغل بالبيت المهم انها بالاخير غصب تبقى تخليني غلطانه... يعني الي عملته غلط......؟؟؟ اختكم: الحائــــرة |
لا منت غلطانة و لا شي و اكره ما علي الناس اللي ما تقدر احد لو عندها ظروف اقول معليش ساعديها و اوقفي معاها و لو عندكم شغالة برضو معليش نبلعها لكنها فاضية ايش وراها, تجلس مع بناتها الظاهر انك مررررررة اعطيتيها وجه عشان كدا زعلت منك مو متعودة انك ترفضي و اعذريني على ردي اذا كان جاف بصراحة حطيت نفسي مكانك |
لا منتي غلطانه يا قلبي وش وراها الواحد اللي فيه مكفيه
على قولة المثل ما كفانا هم أبونا قام أبونا جاب أبوه ومثل ما قالت ست ست البنات لا عندها ظروف ولا مشغوله الله لا يهينها تقوم بعيالهاااااا |
اختي الكريمة صح انتي مو غلطانه لانك كان عندك مسؤوليات كثيرة .....بس ما يغني انك تسألين اختك بكل حب يمكن هناك ظرف ما حبت تصرح فيه او فعلا تعبانه من المسؤوليات الزوجية ...تراها تصير لو فهمتي منها اكثر قبل اكيد في حاجة وراها كان تركتيلها اعذار اهم شي ما كذبت عليكي وقالتلك اعذار خيالية عشان تمسكين عيالها وراحت ريحت هي وتركتك تحوسين بالعكس كانت صريحة انها تبغي تريح....ومبين ان نفسيتها تعبانه لانها صارت تدور احد يوقف معها وهاذي تحصل كثير وخصوصا بين الاخوات....
المهم حصل خير وانتن خوات مالكم غنا عن بعض لاتخلين هالموقف يكبر في عقلك وقلبك والشيطان شاطر...زشوفي يوم تكوني فاضيه فيه راضيها وقوليلها انك ماعندك مانع انك تمسكين عيالها وفوقهم بوسه كمان وصدقيني راح تشيلها كجميل طول حياتها.... ربي يبارك فيكم يارب |
المسامح كريم ، والشيطان حريص على الشحناء فلا تحملي المسألة أكثر مما تحتمل
المهم حصل خير وانتن خوات مالكم غنا عن بعض لاتخلين هالموقف يكبر في عقلك وقلبك والشيطان شاطر...شوفي يوم تكوني فاضيه فيه راضيها وقوليلها انك ماعندك مانع انك تمسكين عيالها وفوقهم بوسه كمان وصدقيني راح تشيلها كجميل طول حياتها.... ربي يبارك فيكم يارب كلام أختي حرم فلان الفلاني جميل وأتفق مع كل ماذكرته:22: |
الله يهنيكم يا رب ولا يحرمكم من بعض
اتفق مع كلام حرم فلان الفلاني المرأة المتزوجه لها ظروفها الخاصة جدا وقد لا تستطيع مصارحتك بها معليش اعذريها يا غالية .. وبكره بتتزوجين وتفهمين .. وتطلبين تحطين عيالك عندها :) |
نقل للقسم المناسب .. التربية والحوار الأسري |
اقتباس:
انا والله مومقصره في حقها بناتها كل يوم عندي وانا خلاص حتى التعب بين علي كأني مريضه من الشغل طول اليوم وانا كل يوم اخدهم عندي لين 3الفجر ولا اتكلم بس امس كنت تعبانه مشكورة.... |
اقتباس:
بنات اختي كل يوم عندي وانا ماشكيت لها من اول يوم برمضان وكل يوم تجيبهم او تجي تفطر هنا وتخليهم وتطلع لين 3الفجر وانا مااتكلم بس مثل مايقولون للصبر حدود.. مشكورة |
اقتباس:
انا مومقصره مع بنات اختي كل يوم تجيبهم عندي وانا عندي اخواني صغار يعني يصير عندي 4اطفال وانا صابره طول اليوم اشتغل بسببهم تعرفي اطفال لازم يلعبون وانا احب الاطفال بس خلاص انا تعبانه انا كل يوم اجلس من الظهر علشان اساعد امي بالمطبخ ومن اجلس لين الاذان مااجلس حتى 5دقايق وبعد الفطور يبتدي شغل البيت اخلص المطبخ وارتب البيت وووومااخلص الا9كل يوم لاني بصراحه ماارضى امي تشتغل وتحط ايدها بشي وانا موجوده خلاص اكون تعبانه وتقولي بجيبهم واقولها جيبيهم بس امس خلاص كنت تعبانه ومااقدر اتحمل ازعاج وحوسه اطفال زياده انا مااحط في قلبي عليها مهما كان اهي اختي وغاليه عندي وبناتها بناتي بس اهي الله يهديها كبرت الموضوع يعني كل يوم انا اخذهم بسبب يوم تزعل كذا وفيه نقطه نسيت اقولها...اختي كل يوم فطورها عندنا اما يوصل لها الفطور شقتها او تجي تفطر عندنا يعني مو تعبانه بالمطبخ ولاشي... مشكوره |
| الساعة الآن 02:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©