|
كيف أتصرف مع اختى ؟
السلام عليكم ورحمه الله وبركاته
مدري كيف أبدأ مشكلتى مشكلتى انى لى اخت وحده فقط وقبل أمس أول يوم بالعشر كانوا أهلى مسافرين ومافيه ببيت اهلى الا هي وأخوي المهم بحكم انى متزوجه قالت امى اذا افطرتى وصحيتي روحي لهم انا رحت لها وكانت لحالها جت قالت كلمه أنا عصبت وهي اسلوبها بالكلام منرفز قلت لاتنرفزيني وطولت لسانها بس لمست جوالها قلت عيب بدت هي كانها راديو ومافيه كلمه شينه بالدنيا ماقالتها لى لدرجه وصلت للتجريح انا قلت اذا كلامك كذا ماراح انام عندك قالت لاتنامين وبتصل على أمى واقول لها هي مافيه كلمه شينه ماقالتها لدرجه تذكرنى بكلمه قلتها لها قبل عشر سنين قلت انا انتى للحين مانسيتيها قالت ايه مانسيت انا اول شئ ضاق صدري منه وقعدت يومين ماانام ولا اكل انى اكتشفت ان اللى كنت احسبها اقرب الناس لى تحقد على وقلبها اسود على ثانيا انا مليت من اسلوبها كل مره تطول لسانها كنها مجنونه وانا سلبيه واتفرج عليها ولا اخذ حقى احس بقهر لانى ماسويت زيها وجرحتها واخر شئ قلت لها عيب عليك حنا خوات واللى يصير بيننا عيب قالت تبيني ارضي عليك لا تحلمى قلت لاترضين من قالك ارضي شوفو كيف التفكير تحسبني اذا قلت كذا اتمني رضاها بسألكم هل انا صح بقرارى قررت انى معها سلام وعليكم السلام وبس |
نقل للقسم المناسب .. التربية والحوار الأسري |
الله يهديكم ويألف بين قلوبكم
يا أختي .. انتي الكبيرة .. ,الفاهمة العاقله هذه اختك الوحيدة وحنا في شهر الخير والبركه معليش يمكن كلمة منك وكلمة منها وتنرفزت وقالت كلام ما ينقال واكيد الحق عليه المفروض تحترمك وتكلمك بأسلوب احسن لكن سامحيها واكسري الشر لا يصير في فجوة بينكم .. وحاولي اكسبيها شرايك تعزميها على الافطار عندك ؟ او توديها السوق لحالها تشترين لها هدية العيد منك طقم حلو تكسبيها المهم انه تكسرين الشر وصارحيها بأن اسلوبها هذا ما ينفع .. وانه مالكم غير بعض |
انتو كم عمركم
عندك اطفال اخوك ما هو موقفه والدك ووالدتك ما هو موقفهم من علاقتهم |
اقتباس:
صح انا الكبيره العاقله ولو انى سكتت لوصلت المشكله لاكبر من ذلك انا يشهد الله ماقلت كلام جارح لها مجرد رفعت صوتي وبعدين الفجوه انا مليت وانا اسكت عشان اقول لاتصير بيننا فجوه لكن وضع لا يحتمل تحسب السكوت مني ضعف شخصيه انا مااحتمل هالاسلوب صراحه عشان كذا قررت انه انا وهي مجرد السلام وعلاقه سطحيه |
الله يصلح اختك يمكن فيه شي مضيق صدرها منك مره علشان كذا اول ماصارالموقف انفجرت عليك او يمكن نفسيتها تعبانه فراعيها شوي وأجلسي معها وقوليلها أنك أنزعجتي من أسلوبها شوي
أتمنالك التوفيق وأن يصلح الله حالكم |
انت الكبيرة العاقلة اللي لازم اتحمل واذا انت بتتنرفزين من كلمة وش خليتي للي اكبر من جذية بكرا تكبر وتعرف ان اللي سوتة غلط .
|
جيتي على الجرح
عندي مشكلة قريبة من مشكلتك .. بس الفرق .. ان أختي الكبيرة اللي بيني وبينها أكثر من 15 سنة هي اللي تأذيني بالكلام والهمز واللمز .......... الله يكون يعوننا :_( أنصح نفسي وأنصحك بجلسة مصارحة .... كل الأمور فيها تتوضح ... وتصفى النفوس موفقه |
نصيحه لوجه الله
لان عندي اخت ايضا نحن خمسه في بيت اهلي كلنا واحد نفس القلب والعاطفه والحب ولكن اللي بالنص رقم 3 مثل اختك وحصل موقف معها واستغربت كتير تصرفاتها ولكن لاجل عيون وقلب امي وابي صدقا دمعت عيوني (رح تقولو هذه دايما تبكي ) لاجل عيون امي وابي والتراب اللي يمشو عليه اكلمها ولا كأن في شي واكثر من موقف وامام اهلي وردة فعلي ارضاء لهم لان رضا الله من رضا الوالدين حبيبتي دخلت الموضوع عدة مرااات وانا اقول لك كلام اختك لن يضرك بشيء ولن يعيبك بل بالعكس هي المتضرر الاكبر سكوتك سيزيدك رضا من الله والوالدين واعتقد هذا اسما ما تتمني في حياتك |
| الساعة الآن 10:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©