|
زوجي غاضب مني ويسبني طوال الوقت
السلام عليكم
هذي اول مشاركة لي في هالمنتدى واحس الدنيا ضايقة فيني نعم زوجي اهداني لعنة والسبب تافه وليس لي دخل السبب طفلي الصغير لعب باوراق زوجي وانا كنت نايمة وتعبانه وهو طالع واخذت اوراق زوجي وفلوسه ورجعتها لمكانها ولما رجع من برى ضرب طفلي وهزئه وحط الحرة فيني وقال لي الله يلعنك مع سب لي وتهزيء لي طبعا لا تقولون اهمال مني والله مو اهمال وانا احرص على اغراضه اكثر من حرصي على اشيائي ووقتها انا مريضة ونايمة بالفراش ولا قدر تعبي ومرضي <<<<<<< كالعادة مو شي غريب عدم مراعاتي وقت مرضي الحين انا ما اكلمه ولا هو بس هو كل ما مريت من عنده ابغى اروح للغرفة ولا المطبخ اسمعه يكلم نفسه بصوت واطي بسب لي مثلا انقلعي الله ياخذك الله يلعن الساعة اللي عرفتك وهكذا وانا لا تعليق امشي واسمع واطنش بس بيني وبين نفسي اتحسب عليه احس بالظلم منه علما اني زوجة مع وقف التنفيذ>>>>>>>>>هذي راح افسرها بعدين في موضوع ثاني والحين ما اقدر اكمل حتى استعدادي للعيد وتخطيطي خربه علي للمعلومية انا ما اطلب حل منكم لأن البلا في زوجي مو فيني بس ضايقة فيني الوسيعة وحبيت افضفض من قهري |
الله يفرج همك ..
معليش يا أختي .. حطي له عذر يمكن جاي من برا معصب وتعبان وفش خلقه فيكم اتركيه وحده الآن ولا تفاتحيه بأي موضوع حتى يهدأ وبعدين عاتبيه بلطف على كلامه انا اتوقع انه يحس بالذنب بينه وبين نفسه وما رح يعرف يعتذر لكن اتوقع بكره أو بعده يتحرش فيك بأي سؤال أو حديث حتى يعدل الوضع انت بهذه الحالة لا تصيرين جافة معه .. افهمي فقط انها طريقته بالاعتذار وكلميه بالليل لحالكم ليتحكم بأعصابه .. الطفل ماله ذنب ينضرب بهالشكل علشان اوراق ! |
معلش اختي .. انا ارى ان الحق عليك .. دام انك تعرفي ان زوجك راح يتضايق اذا عبث احد في اغراضه ليش ما ابعدتي الاوراق عن ابنك .. كيف وصل ابنك الي اوراق ابوه و فلوسه اكيد انك وضعتيها في مكان يسهل تناولها .. اذا يا اختي عليك ان تجلسي مع زوجك و تعتذري عن تقصيرك في هذا الشي مع الوعد له انك من اليوم راح تكوني اكثر حرصا على اغراضه ولن تصل يد ابنه اليها .. اعتذري يا اختي و انهي المشكله .. فانت عليك الغلط .. واضح ان مشكلتك الاخرى والتي ننتظر انك تذكريها لنا لها علاقه في توتر اعصابكم من بعض .. |
مشكورين على المرور
اخوي بكر الشايب هو ما جاء من برى معصب لا والله جاء وهو مروق ومبسوط اميرات الاوراق مرفوعة فوق المكتبة واللي رافعها زوجي وللعلم ولدي جاب كرسي وركب عليه واخذ اغراض ابوه وكل هذا وانا نايمة طبعا ولدي كان نايم معي بس صحى وانا من تعبي ما حسيت فيه وعرفت بعدين لما جاء ولدي وصحاني من النوم يوريني اوراق ابوه وفلوسه بعد كل اللي قلته تعتقدين ان الحق علي |
الله يصلح حالكم ويألف بين قلوبكم وبادري يا أختي بالإعتذار حتى لو أنتي تشوفين نفسك ما أخطيتي
بعض الرجال تأخذهم العزه بالإثم وحتى لو كان هو الغلطان ما يعتذر لأنه يشوف إنها اهانه له اطبخي طبخه حلوه واعزميه عليها واعتذري منه واوعديه انك تكونين حريصه على أغراضه وعطيه من الكلام الحلو وصدقيني المرأه بأنوثتها وكلامها الحلو تأسر قلب الرجل الكلمة الحلوه لغم على شكل ورده ! |
طيب الولد اخذ الاوراق والفلوس
وانتي رجعتيها مكانها ليش زوجك زعلان ؟ هل الاوراق اصبحت تالفه او وشو بالضبط ؟ |
ماعليه اختي هونيها وتهون وسعي صدرك لا تنكدين عليك في هذي الأيام روحي واعتذري له وأشكوى لله بيني له أعتذارك وخطأك والله يعينك
اتمنالك التوفيق |
الان يا اختي توضح لي الامر .. معلش يا اختي خليك انت الحكيمه اللي تعرف كيف تتجاوز المشكله .. زوجك يلومك لانك انت المسؤوله عن البيت و عن ابنك .. و عشان مره ثانيه تحرصي اكثر و اكثر .. فاي مشكله تحدث في البيت فالام هي المسؤوله عن ذلك .. يا اختي كبريها تكبر و صغريها تصغر .. بادري يا اختي بالصلح ... مو لازم تعتذري يعني قولي كم كلمه تطيب خاطر زوجك .. قولي له و لايهمك مره ثانيه راح اكون حريصه اكثر و لا يصير خاطرك الا طيب فانت تاج راسي .. صدقيني راح يسامحك .. و طمنينا عن اخر الاخبار .. وربي يسعدك .. |
الله يهدي زوجك لك ويصلح امركم
الزمي الاستغفار اختي واكثري منه في هذه الايام المباركه |
الله يكون بعونك لا تضيقين صدرك عزيزتي كلنا بالهواء سواء هذولا هم ضربني وبكى سبقني واشتكى حنا الي نلعن وحنا بعد الي نعتذر صدقين حنا نغث انفسنا وهم ما دروى عنا الله يفرج همك وانا من راي اتركيه ليمن يهدا لا تكوني زيي
|
| الساعة الآن 10:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©