|
اخر المستجدات
انا زوجتي عند اهلها من 3 سنين ولا راضيه ترجع
اول رمضان دزيتلها رساله وما ردت علي وقبل اسبوع عشان ولدي رجعته متاخر عن موعده سوولي سالفه وامس ابوها دزلي هالمسج بما معناه احنا بليالي القدر ليله المغفره والصفح الجميل ليالي للعتق من النار والفوز بالجنه وانا حيران وما رديت عليه لانه ولدي ساعه زياده عندي قامت الدنيا وبعدها باسبوع طرش هالمسج انا اتوقع انه مسير بامور ولدي واللي فهمته من رسالته انه يبي يصلح بيني وبينه وليس هناك اي علاقه لزوجتي بالموضوع شرايكم ولا انا غلطان |
بعد ثلاث سنوات إذا كانت زوجتك تريد الطلاق طلقها .
أما إذا كانت المسألة متعلقة بأهلها بينما هي تريدك حاول تصلح علاقتك باهلها |
قوم واصلح الاحوال
قبل ان تنتهي العشر الاواخر ويغيرو عقلهم شكلهم حاسين ويريدون المغفره من ربهم اسرع قبل ان ينتهي الشهر الفضيل هذه ام ابنك , الله اعلم باحوالها الله يكتب لك الخير عفا الله عما مضى ان شاء الله يكون العيد عيدين عندك |
يبغى لك انه تتصافح انت وياه
ثلاث سنوات !!!!!!!!! ولا فيه بينك وبينها تواصل غريبه زوجتك يعني ما دقت عليك ولا كلمتك يعني السبب قوي لهاذي الدرجه ماخذه على خاطرها منك ويا الله ياكريم هاذي بدايات الفرج لك ولها واله يرجعكم لبعض وتكونون اسره سعيده يااااااااااااااااااااارب |
انا ما اتوقع ان زرجتي غيرت رايها
لاني اكثر من مره اكلمه وهو يقولي ما بيدي شي زوجتك رافضه وكل مره يسمعني احلا الكلام وعند التطبيق يقوم بعكس ما يقول او يردد جملته الشهيره البنت ما تبي لذلك لا اريد ان يتم جرحي للمره الالف لاني ظلمت كثيرا لذلك انا اشوف انه نيته فقط لتعود الامور بيني وبينه خاصه ان العيد ات لنتفق على رؤيتي لولدي بالعيد |
أذا انت تحبها روح وكلمهم واجلس مع زوجتك وحاول أنك تصلح الأمور قبل العيد وأذا ما ضبط معك الوضع اتوقع الأنفصال هو الحل الوحيد لكم لأنه مثل ماتقول لكم ثلاث سنين وهي مو بسيطه والله عمر واذا هنت عليها ثلاث سنوات وش تبغى منها اكثر من كذا
اتمنالك التوفيق |
اقتباس:
قبل جم شهر حطيت الشمس بيدهم عشان ترجع ولا حتى قعدت معاي نتناقش فما تغير شي بالموضوع خاصه انها ما ردت على رسايلي ابوها ما يحب احد يتضايق منه هذا تحليلي لرسالته |
اخوي .. ارسل له
انا جيتكم وفشلتوني .. واهدرت كرامتي وماني ندمان لانك رجال ولا كل الرجال شيخ اهل قبيلتك وتاج روسهم بس ماقدر اجيكم وزوجتي ماتبغاني ولاتبغى تكلمني وتجلس معي |
اخي الكريم
انت يعني عالم ومقتنع ان زوجتك لا تريد العوده ممكن اسأل ليش ما طلقها؟؟؟ طيب انت الان اذا كانت لا تهمك رغبة زوجتك وتريدها غصبا عليها ابقيها على ذمتك بس انت هكذا تضيع حياتك وحياتها يا اخي ثلاث سنوات مو قليله ابد ابد مو قليله ولا زالت رافضه!!! بس الغريب كمان انها ما رفعت دعوة طلاق!! يمكن هي مو هامه انها تطلق لانها مو ناويه تتزوج مره ثانيه بس كمان مو رايده ترجع لك والان نأتي لرسالة ابوها انت بغض النضر عن مشكلتك معاها فنحن في ايام مباركه راح تكسب اجر اذا اصلحت علاقتك مع خصمك رد عليه برساله فهذا لا يضرك شيء وربما لو تحسنت علاقتك به تستطيع فهم لماذا هذا الرفض القوي من جانبها الله يسرلك امورك ويصلحكم |
طيب ليش مـاتريح نفسك وتريح بنت الناس الي معلقها 3 سنوات ؟ طلقها اخـوي .. وشوف حياتك .. وابـو زوجتك اتوقع بس يبي يرجع علاقتك فيه كويسه وشكله رجال وعاقل ومايبي امـوركم تسوء بس البلا من زوجتك خلاص ياخي .. روح وشووف خالك وقولها انا من بكرا بروح للمحكمه بس بسمع آخر قرار لها ؟ واذا قالت هي واهلها يبون الطلاق طلق والله يستر عليهم .. مادري ليش متمسك فيها ؟ |
| الساعة الآن 06:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©