خايفه من الولاده
 

سلام صبايا..:17:
انا حامل بالشهر السادس وبصراحه مره خايفه من الولاده ومرعوبه وماني قادره اتخيل شكل البيبي وهو يخرج من جسمي ..
الله يسعدكم طمنوني عنها وين تكون صعوبتها؟؟؟:20:

ربنا يارب يسهل عليكي ساعة الاولادة انا بقي في الشهر التاسع ومرعوبة ربنا يسترها يارب

شو فوا حبيباتي أنا كنت مثلكم ماكنت أتخيل البيبي وهو بيخرج مني
بس قبل الولادة تكون هناك انقباضات لعنق الرحم لكي يتوسع ويسمح للجنين بالخروج
وأناأقولك الولادة تختلف من وحدة لإخري بس أصعب مرحلة هي خروج الرأس
وبعدها المشيمة ثم الخياطة وخلاص بس أول ماتشوفي البيبي راح تنسي كل الالم
طبعا راح يعطونك بنج لمنطقة العجان لتوسيع فتحة المهبل لاخراج الجنين
نصيحة خلوا الوضع عادي ولاتفكرون كثير وربك بسهل
وعيك بقراة كتيب الإفادة فيما جاء في ورد الولادة بس بعد ماتدخلون الشهر التاسع موقبل

وتقومون بالسلامة إن شاء الله وطمنونا عليكم والبيبي

اختى حقلك من تجربتي

لو عرفتي كيف كنت ايام حملي وقبل ولادتي
مستحيل حد كان خايف قدي
وحساس قدي
وقبل الولادة في التاسع يعملو فحص داخلي
3 مرات وماخليت الدكتورة تكملو
من الخوف و الديق لانو مؤلم وكريه جدا

بس وكنت خايفة كتير مااولد طبيعي وااخنق البيبي اثناء الولادة
ويعني رعبة بكل معنى الكلمة
وماتخيلت انو انا اولد طبيعي

لكن يوم الولادة والله غير غير غير
برضو عملو فحص داخلي ولاحياة لمن تنادي ماخليتهم يعملوه وقالتلي الدكتورة ناوية تولدي ولا شو؟
دخلت غرفة الولادة

وسبحان الله
كل المخاوف لاتتحقق
يعني كنت ميتة خوف طبعا ومذهولة من الموقف ومو مسدقة انو ساعة الصفر قد حانت

لكن قصدي لا خنقت الولد ولا ولدت قيصري ولا صار شي

طبعا وجع والام ..... اخ لاتوصفها كلمات هاي حقيقة لازم تعرفيها بكرة بتجربي
الولادة مؤلمة جدا

لكن قصدي انو عدت وكانت تقلي الدكتورة ادفعي بس تيجي الطلقة الحامية وكان الطلق اقسم بالله احس بدي اموت

لكن مع هيك دفعت كتير واهم اهم شي يطلع الراس
اول ميطلع باقي الجسم بتزحلق زي السمكة تمااااااااما ومابوجعك ابدا لكن الراس هوة المؤلم مجرد خروجه تنتهي الولداة ونبلش في الخياطة عاد والمشيمة لازم تطلع والقصص هاي

وحتلاقي حالك في مباراة كرة قدم كل متدفعي ويبدا الراس يبين بتصير الدكتورة والممرضة يشجعوكي ويحكولك ايوة هي الراس بين يلا يلا ادفعي شدي حيلك ايوة يلا يلا هي الراس هي الراس طلع وبسحبوه وبطلع باقي الجسم

اكتشفت انو الدكتورة مابتعمل اشي والتعب كلو عالوالدة المسكينة
الدكتورة بس بتقلك ادفعي وبتاخد الولد وبتخبط عظهرو ليقول واء واء يبكي يعني
بس الوجع والتعب عليكي كلو والله
هاي الحقيقة كاملة ههه

الولادة مؤلمة كزاب الي بيجي يقلك والله زي شربة المية ولا انو ماتخافي

لكن انا بقلك توكلي على الله
وفي التاسع كلي تمر كتير بسهل الولادة وبسرعها وبخلي الرحم قوي ويتحمل وهادا من تجربة

وسامحيني لو الحقيقة صدمتك لكن كل النساء بتولد وبتتوجع

وانا كنت اقول لما اخاف ياسلام يعني اول واخر وحدة اولد اكيد لا وانو حولد زي كل النسوان الي ولدو وحتعدي زي كل الي عدت معاهم ان شاءالله
وانت قولي هيك صدقيني الكل حمل وولد وعدت

وصدقيني ماحد كان حامل هم وخايف قدي مستحيل مستحيل

والحمدلله الله سترها

ودعواتك لنا

نسيت اقلك انا من زود الجنان بطلت مجمعة ويوم الدكتورة بتقلي هي الراس بين بقلها شعرو ناعم يادكتورة هههه