|
الغيرة بين الاخوات
السلام عليكم ورحمه الله وبركاته..
اخواتي واخواني انا في حيرة من امري.. اليوم انصدمت ان اخواتي يغارون مني انا عندي اخت اكبرمني ب8سنوات واخت اصغر مني ب8سنوات انا الحمدلله علاقتي قويه جدا بالوالده والوالد اكثر من اخواتي بكثير لاني قريبه منهم وايد وامي دائما تقولي انتي مو بس بنتي انتي اختي وصديقتي وكاتمه اسراري والوالد الله يخليه من لما كنت صغيره وانا متعلقه فيه وخالاتي دائما يقولون لامي الحنونه عليكم اهي الحائــــرة... وانا مااحب اقصر بحقهم بشي ولااتعبهم... الموقف الي حصل اليوم الوالد شرى لي هديه من غير ماادري وفجأني فيها بعد الفطور وطبعا انا فرحت كثيرررررر واخواتي تغيرت ملامح وجهم وزعلو وقالو لابوي بس الحائــــرة الي تجيب لها هديه.. ابوي توه من اسبوع شاري لاختي الاصغر مني جوال جديد بطلب منها ... واختي الكبيره ابوي كل شهر يعطيها مصروف واحين لان العيد قرب عطاها زياده حقها وانا ماقلت شي ولاقلت ليه بس اهم...بالعكس فرحت لهم كثير وابوي رد عليهم اختكم ماتطلب وانا حبيت اجيب لها هديه..قالو ايه بس اهي الدلوعه الي تجيب لها من غير ماتطلب... تفأجت والله من تصرفهم... |
اشين شي انك تكوني غريبـه بين خواتك .. الله يعينك .. احيـانا احس هالشي من اختي اصغر مني بسنه تقعدلي بكل شي مع انه اهلي لو اعطوها شي وربي ولا افكـر فيه وجدا عاااااااااادي بس هي احيانا تطقها الغيـره طيب انتي يمكن شايفينك بعيده عنهم وبس متعلقه بأهلك وحسوا انهم حـزب وانتي مسويه لك حزب يعني بادين على حروب هع بس اسمعي يالغلا مافي غير تتفقين مع امـك ماشاءالله علاقتكم مره قريبه .. وحكيها وش قاعد ييصير وفهميها انه خواتـك هم الي راح يبقون لك بعد عمـر طويل وانهم عزوتـك وانه ماتبين الغيره تبات بينكم لهالوقت وخلي اهلك يركزون اهتمام عليهم وانتي بعد خليك قريبه لهم مرررررره وغيري تفكيرك وخليك قريبه منهم عندي اختي اصغر مني بـ 10 سنوات يومها صغيره كانت غثيثه وفتااااااانه وكل شي مره مره وكالة انباء لأمي .. المهم كنا بجد ننقهر منها واتعبنا يوم كبرت عرفت تكسبنا ذكيه ههههههههههههههه صارت مره خفيفة دم وتعلقت فيني انا واختي الي اكبر منها وصرنا بجد نحب جلستها وسوالفها يعني بجد تحول هالشي لحب لدرجة انه مره سافرنا والله بكت بكاء سوت مناحه وكل عايلتنا دروا عن حالتها صاروا ياخذووونها ويطلعونها وهي ماهمها شي غير نرجع لها يوم رجعنا والله بكت وصارت تنقز من الفرحه بجد خلتنا نتغير معاها ونكون قريبين منها الله يحفطها ياااااااارب يعني انتي اجلسي مع حالك وفكـري بخواتك وخليك قريبه منهم واذا انتي قريبه من ابـوك خذي منه كم فلس واشتري لخواتك هدايـا قوليلهم بمناسبة العـيـد وانا سويتها لكم مفـاجأه يعني تقربي قد ماتقدرين واكسبيهم بصفك الله يبعد عنكم الغيره الشينه ويحنن قلوبكم على بعض .. |
من الواضح انك حساسة زيادة جدا و عشان كدة حنينة علي اهلك بس موقف اخواتك ده طبيعي جدا و غيرة الاخوات غير غيرة الناس الغريبة.. يعني اختك هتغير لاكن في نفس الوقت لو ضاع منك شئ او كذا... هتتوجع مثل ما تتوجعي مش هتكون زي الغريبة.. و اري ان الامور دي موجودة في كل بيت.. و علي الاب هو ضبط هذه الامور و عندما يعطي واحة شئ يسأل علي طول امامها الاتنين عايزين ايه عشان كله يحس بالعدل.. و انا و اخواتي كدة لما الاهل جابوا لاخي الكبير سيارة وقت ما كان ينفع يسوق اهتموا و جابولوا.. و انا وقت ما كان ينفع اسوق بعد الحاااااااح جابولي... و انا كنت زعلانة جدا انهم لم يهتموا بي مثله مع وعدهم لي بها... فهذا شئ طبيعي بس انتي الحساسة زيادة.. و ممكن تقولي لاهلك ان يكون في انباه للتأخذ شئ الاول ان اخواتها هيأخذوا الشهر البعده مثلا..
|
هذا شي عادي و طبيعي يكون بين الاخواتحتى اخواتي يغارو مني ونا بعد اغار منهم بس احبهم واموووووووووت عليهم والله يسعدهم ويوفقهم والله يفرج همك حبيبتي سبحان الله وبحمده سبحان الله العظيم |
دخلت ادعيلك الله يفرج همك ويحبب اخواتك فيكي ياربي لك الحمد ماعندي اخوات :) |
ميس فوفو ليه تقولوا الحمد لله ماعندي خوات والله احلى نعمــه واجمل واروع نعمه انه تكـوون عندك اخوات اصلا حلاتها بالغيره والزعل والي يصير بس عقب يوم تذكرون هبالكم تمووووتون ضحك احلى شي بالدنيـا الأخوه .. الله يسعدك يالغلا |
اقتباس:
مشكورة ماقصرتي |
اقتباس:
الوالد والحمدلله مو مقصر مع اي وحده فينا ابوي اخذ اختي الصغيره السوق واشترت لها كل شي حق العيد وجوال جديد واختي الكبيره ابوي عطاها فلوس وانا حتى مااسالت كم عطاها بالعكس فرحت لهم وانا مارحت السوق لان عندي ملابس جديده ماحبيت اشتري شي ابوي عطاني هديه من غير مااطلب انا موحساسه انا ماابقى علاقتي فيهم تكون فيها غيره مثل مااحب لهم كل شي اتمنى منهم المثل.. شكرا |
اقتباس:
الله يسعدك ويوفقك مشكورة |
اقتباس:
الله يسعدك مشكوره |
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©