هبوط الضغط و التهاب الجيوب الانفيه و عدم النوم اكثر من 30 ساعه !
 

بسم الله الرحمن الرحيم


السلام عليكم ورحمه الله وبركاته

انا اعاني من هبوط بالضغط فصرت اتعب بسرعه ويجيني فتور في جسمي ودوخه وصداع

واول شي احس فيه هو الضيق في النفس .. احس اقدر ادخل الهواء بس اعاني صعوبه في الزفير اضطر بسببها اني اطلع الهواء من فمي !!

بعدين اللوز عندي تعبانه من سنتين و تعبت قبل فتره صارت دايم تثور علي كل شهر تقريبا .. بس الالتهاب الي يجيني خفيف بس ماينقطع من اول مااشرب ماء بارد تألمني اللوز بس مو بشكل كبير ورحت لطبيب وقالي عندي التهاب مزمن في الجيوب الانفيه تسبب نزول صديد ع اللوز .. وتذكرت بعد مازرته اني قبل 3 سنوات عانيت من التهاب قوي لدرجه قالي الدكتور ممكن تفقدين حاسة الشم !! وانا صحيح حاسه الشم عندي مره ضعيفه .. وقلت له وش افضل حل ابي اشيل اللوز قال لوزك ضامر وصغير مايحتاج

انا زرت اكثر من طبيب ولا احد ذكر ان الجيوب الانفيه فيها مشكله .. الا هذا الدكتور وعطاني علاج واحس تحسنت عليه وحتى تنفسي صار احسن وكنت اول احس بزي الغصه مكان اللوز ومافيني بلغم ولا شي واحس بريحه مافيه احد حس فيها من حلقي بس انا احس فيها خاصه لاكليت .


الحين ايش الحل في مشكلتي .. حيث اني احترت اختلاف الاطباء لاني ماادري ضيق النفس من الهبوط ام من الجيوب الانفيه .. لاني لما اتعب يجيني ارق اكمل 30 او 35 ساعه ماانام لان النفس مو منتظم
ادري ان الارق من كثرة التفكير والمشاكل لاني اعاني من مشكله هذه الفتره لكن برضو ضيق التنفس مأذيني مااقدر انام منه
ودكتور الباطنيه قالي هبوط الضغط ماله علاج !!!! هل هذا صحيح

ساعدوني جزاكم الله خير

دمتم بود

اسأل الله العظيم ان يشفيج اختي الطيبة

وعندي لج سؤال لون اللوز احمر يعني اقصد وردي ؟؟

لأن انا كان عندي التهاب فظييييع اقوى من الي عندك المكان كان كااامل ابيض ولسان المزمار ورى
لكن الدكتور اضطر ان يسوي عملية جراحية وشالهم
والحمدالله الحين زي الفُل

ممكن الضغط تعالجينه عن طريق التغذية الصحية في بعض الاحيان له علاج وماله علاج لكنه يقلل من نسبة الهبوط
وشربي ينسون يفتح النفس الهبوط على ما عتقد انه يقلل من نسبة التنفس والاحساس بالضييقة مثلي
ووالله حاسه بحالتك لأن ضيقة الصدر ما تخلي الواحد يهدي نفسيته

بس اختي انصحج تروحين لأفضل دكتور في متخصص بطب عام
عشااان يشوف حالتج يشوف تخطيط قلبك

وترى الارق راح يتعب نفسيتك اكثر وتجدين صعوبة في اخذ النفس
لأن الجسم ما اخذ راحة نفسية .. حاولي تنامين وتركزين على تنفسك مع استرخاااااء وطردي اي فكرة تجي على بالك ونوماً هنيئاً

وربي يشفيج