|
لاحب الغموض ! هل من حل ؟
السلام عليكم ..
اخباركم شباب بنات .؟؟ ساعدوني ترى والله مليت حتى ابي اوصل لقرار الانفصال حد ينصحني يسوي شي يقول شي مفيد وصريح انا احب هالبنت وهي تحبني وانا خطبتها بس المشكله ماتفتح لي قلبها وتقول ولا تتكلم بس انا اثرثر واهي تجاوب عرفت من كل هاي ان شخصيتها غامضه وانا اكره شي عندي الغموض .!؟ انا اليوم صارحتها وقلت لها انتي شخصيتج غامضه وماتقولين الي ف قلبج تقولي شنو اقول الي ف قلبي مثلا .. صرت اجن .!! ولما سئلت شفيج مبين اصلن ان فيها شي وتقول مافيني شي واعيد السؤال مره مرتين وبعدين تقول بقولك شي انا ماحب تعيد لي هالسؤال قلت لك مره مافيني شي وخلاص يعني خلاص اذا كان فيها شي وسئلتها شفيج بيكون ردها مافيني شي ومبين ان فيها .؟؟ وبكون انا بس اسئلها مره وحده بس عشان ماتعصب شلفايده من سؤالي عيل .؟ قولووولي شسوي وايد غامضه هالبنت ومادري شسوي ؟؟؟ |
هل انتم جدد ام لكم فترة مرتبطين؟؟؟؟
اعتقد انه لم يمضي وقت طويل على ارتباطكما قد تكون فعلا البنت ما فيها شي وهذا طبعها قليلة الكلام يا اخي احمد ربك هذه نعمة يعني تبيها ترتارة طول الوقت وما تسكت أبد بصراحة اشعر انها ناضجة وعاقلة وليست غامضة كما تظن بدليل انها تجاوبك عندما تسألها عن شي ما انت فقط ترهق تفكيرك اكثر من اللازم اعطي نفسك فرصة واعطيها فرصة ومع الايام راح تفهموا بعض لا تستعجل اخي صدقني انها ميزة مو عيب ولا تسألها مباشرة اذا فيها شي لانه واضح ان هالسؤال يضايقها من كثر ما سألته له وصار ينرفزها حاول انك تستدرجها بالكلام شوي شوي في اي موضوع المهم انك تخليها تتكلم وتعبر عن رأيها اسألها عن ما ذا تحب ما ذا تكره افتح معه موضوع اي موضوع واسألها عن وجهة نظرها اعتقد ان هذا افضل من اتهامها بأنها غامضة لان هذا الاتهام راح يعصبها ويزيدها سكوت وخوف وضيق وحيكبر الفجوة بينكم الله يسعدكم ويهنيكم ويريحكم وبكرا لما تتزوجون نشوف موضوعك في قسم المتزوجين بعنوان ياناس زوجتي ما تسكت ابد تراني طقيت هههههههههه |
ههههههههه الله يغربل بليسك
ياخوي انا اتمنى انها تثرثر يكون احسن ع الاقل ماعتقد ان لما قلت لها شخصيتها غامضه انها تزعل ولا شلون .؟؟ عبالي عادي مجرد كلمه |
أولا أنا اخت ولست اخ
ثانيا انا جاوبتك من احساسي كأنثى واعرف شعور الانثى جيدا في مثل هذه الحالات هذا الاتهام سيجعلها تحس بأنك لا تفهمها وغير مرتاح معها وسيجعلها تفكر وتقلق وسيخلق لها مشكلة وقلق من لا شيء صدقني ان هذه الطريقة لا تنفع حاول ان تعالج الامر بحكمة اكثر وان تفتح مواضيع عامة تخليها هي اللي تتكلم فيها وتعبر فيها عن رأيها أما ان كان قصدك انك تبيها تعبر عن مشاعرها نحوك وتريدها ان تكون بجرأتك فهذا الشي يختلف من فتاة لاخرى ودائما تكون الفتاة في بداية العلاقة قليلة الكلام وانت ما جاوبت على اسألتي ربما استطعنا ان نساعدك اكثر اخي الله يهنيكم ويريح بالكم ويسعدكم |
ما تحتاج كلف نفسها تثرثر عليك , لأنك موفر كل شي فليش تتعب نفسها
لكن عاملها بالمثل ولا تدق عليها واركد وخلك رزين , وارسم لنفسك شخصية ولا تكون مشفوح , والرجل المتوفر المملوك ما تحتاج المراة أنها تسأل عنه |
طبيييييييعي اللي تمر فيه طبيييعي في البداية .. خجل + ماتدعرف و ماتدري كيف تعبر معك ..
والله ثم والله اني كنت مثلها و خطيبي يسحب الكلام سحب و لا اقعد ساااكتة . الحين بعد الزواج .. يتمنى يسكتني :) لا تقلق و لا تهم .. فترة و تعدي اخي الكريم و بكرة بتمل من كثر كلامها |
بعض البنات يحبون أزواجهم يكررون السؤال عليهم مرات ومرات حتى تجاوب في النهاية .. ممكن زوجتك من هالنوع
|
ما أدري ليش انت مكبر الموضوع ومعطيه أكبر من حجمه
مين قال أن زوجتك غامضة .. بس عشانها ما تتكلم كل مافي الموضوع انها يمكن مو متعودة عليك .. وانا أعتقد من العقل أن الانسان ما يفتح قلبه ويصير كتاب مفتوح لأي شخص .. بتقول بس انا زوجها مو اي شخص اقولك ولو توكم بأول المشوار .. خلها تتعود عليك وتعرف تفكيرك وبتمل من ثرثرتها وبعدين حط في بالك حاجة ثانية يمكن البنت ما عندها كلام تقوله .. وتحير إذا جلست معاك تدور كلام ما تشوف .. لأنها يمكن ما تطلع من البيت كثير فمن وين تجيب الكلام الي ما يطلع من البيت ما يصير عنده كلام يقوله وعلى فكرة في بنات مخطوبات يجون هنا في هذا القسم ويشتكون يقولون : ما عندنا كلام نقوله .. نتمنى نتكلم بس ما نعرف وش نقول فأعذرها يا خوي وسالفة تكرار السؤال .. حتى انا ما أحب الي يكرر علي السؤال مرة وحدة وإذا ابي اتكلم راح اتكلم وبعدين يا اخوي إذا حسيت أن فيها شيء لا تسأل سؤال مباشر .. اشفيكي ؟؟ اكيد بتقول مافيني شي .. لأنها يمكن ما تعرف تبدأ الكلام معاك بدليل كلامها اقتباس:
قل لها وجهك اليوم متغير .. شكلك متضايقه .. صاير شي .. احد من اهلك فيه شي تعبانه .. أحد مزعلك .. عشان تعطيها شي تبدأ فيه |
ياخوي هالشي عااااااااااااااااااااااااااااااادي مو معناته انها غامضه او ماتحبك بالعكس عادي
شي طبيعي انسان ماعمرها تكلمت معاه وفجاءه بدت تسولف معاه اكيد مابتتكلم كثير كل البنات كذا في البدايه مو عارفين بشنو يبداون ويقولون اصبر عليها شوي اسالها عن سوالف هيه تكون الفيلسوفه فيها وخليها تتفلسف ولاتقاطعها وبس تسكت اسالها عن شي ثاني هيه تحبه او قول لها انك مافهمت وخليها تشرح شي بالتفصيل الممل وراح تبدا تتعود انها تتكلم اهم شي لاتقاطعها عيدي كلامك او تقاطعها بمداخله خليها تاخذ راحتها اصبر عليها |
السلام عليكم
ممكن مدة ارتباطكم قصيرة وهي مستحية منك .... بس انت حسسها انك معاها علطول وراح تكون سندها في الحياة وحسسها بالامان وشوية شوية راح تصير طيبة معاك بس الموضوع يبيله طولة بال |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©