|
مشكلتي اخت زوجي
السلام عليكم
انا اول مره اشارك في المنتدى لأني حابه استفيد منكم ومن خبراتكم ودي احد يقولي وش اسوي مع زوجي واخته لاني متضايقه منهم الاثنين في موقف صار ان اخت زوجي اتصلت فيني الساعه 12 بالليل تبغى اخوها فقلت لها انه نايم وماراح يصحى بيواصل الين الصبح وجات الساعه 3 ونص الفجر اول مره مارديت واتصلت ثاني مره ورديت عليها بعد ماصحو العيال من صوت الجوال انا قلت يمكن فيها شي طارئ وهي عايشه معنا في نفس البيت انا فوق وهي تحت المهم لما رديت قلت لها وش تبين قالت ابي اخوي قلت لها انا ماقلت لك انه نايم ولا هو صاحي الا الصبح زعلت ليه تكلميني بها الطريقه قالت شنو انا ماادري انه نايم تستهبل علي وانا حامل في الشهر الاخير وبالعافيه انام غير عيالي يجننوني في النوم ,ثاني يوم قلت لزوجي وصفطني .. اليوم اتصلت الساعه وحده ونص بالليل المهم انا تو مانمنا قلت له لوسمحت خلها تحترم نفسها ولا تتصل بهذا الوقت الدوام بيبدى وهي انسانه فاضيه ماهو عطله نسهر الين الصبح .... كان رده خلها تتصل وقت ماتبي انا راضي وانتي بكيفك مايكفيه انها وين مانروح تجي معنا واذ قلت له انا مالي خصوصيه زعل يطلع تفكيري غلط وشو الحل في رايكم |
مدري؟
بس تخيلي انك بموقفها . واتصلتي باخوكي :25: وكان ردة فعلها لك مثلك وش بتكون ردة فعلك ؟ حتى لو زوجك في خصوصيات او اشياء بين الاخوان ماحبت تقولك او ماتبي مع اني مو معها بموقف انك تردين وتقولي لها نايم وترجع تتصل لكن الله يعلم ربما تبغاة بشي مستعجل وعلى امل يكون صاحي اما لاتتصل وهي فاضية ؟؟؟؟؟؟ هذا موقف اسمحي لي مو حلو منك . لو اختك تدق بنفس وقتها وزوجك يقولك تراها فاضية ازعجتنا :26: دااااااااااااااائما نخلي نفسسسنا بالموقف ونتخيل ردات الفعل ونطبقة بعدين . عااااااااااااامل الناس كما تحبب ان يعاملوك :25: خليها قاعدة بحياتك يالغالية :22: |
:17:
احساسك ينادي :d انا احساس عمري :d اني اكون ام :15:http://www.kwales.com/smiles/images/ll/39.gif يخلق من المعرفات اربعين :26: |
لا ارى مشكلة حقيقية فيما فعلته اخت زوجك
ممكن تحولي جوالك على الصامت وبالتالي لا احد ينزعج من صوته , وبالتالي لن يكون هناك اي اشكال وعند سؤالها لماذا لم تردي على اتصالي ؟ قولي كنت نائمه وجوالي على الصامت يبدو لي انك مشحونه منها من مواقف سابقه ولذلك انت متحسسه من اتصالها ومن خلال كلامك اتوقع ان هناك حلقات ناقصه بعلاقتك بأخت زوجك لم تذكريها |
اقتباس:
اقتباس:
الحل وبصراحة .. أخت زوجك عمه أولادك في عروقك أبنائك بعضاً منها .. وفي زوجك نفس الدماء .. فأي رأي سنؤكده لئلاتتدخل إتصلت وطلبته إجعليه هو من يرد ولاتتكفلي بذرية آدم لإتخاذ قراراتهم عنهم وإجعليه هو من يقرر إن رد أو لأ .. إن إنزعج سيطلب منها ذلك..!! وإكسبيها لصفك .. صدقيني أكبر إستثمار ناجح لعلاقه زوجه بزوجها .. أهله والأخت أكبر مؤثر على الأخ .. ومع إحترامي الشديد لك لماذا تتدخلين في خصوصياته و على جواله هي قبلك وثقي إن ذهبتي هي أخته هي لم تتصل إلا ولها أسبابها .. إذا كان تعمد إسكاتك فإصمتي .. وهجومك عليها غير منطقي وإن تضايق فصدقيني لن يحبها أكثر من راحته وراحه أبنائه وسيتعلم كيف يرد .. بقى شي لاتتضايقي من كلامي لكن أكبر نقطه سوداء أحتسبها ضد أي زوجه هي السعي لبناء جدار بين زوجها وأخواته الخصوصية نعم وألف نعم لكن من الزوج .. فرضك لها سيكون الرد عكسي .. وعدا ذلك أنتِ تتدحلين في جواله وتردين ولاترين في ذلك تعدياً أما إتصالها فليس تعدياً لاتقولي أنا أقرب صدقيني .. مامن عاقله تقول أنا ألأقرب إن لم يقلها هو .. ختاماً إجعليه هو من يتكلم وقليلاً من الصبر .. وكثيراً من الحكمه ليتكلم هو بدلاً من مشكلات تبعدك ولن تقربك غداً بعد ولادتك لن يتذكر أبنائك سواها وزوجك سيكون بقربك لكن إن كانت المشكلات ثالث علاقتكما فصدقيني ستعودي لبيتك وهي تنتظرك ولن يكون زوجك معك لإنشغاله بأبنائه .. إكسبيها ودعيه يتخذ قراراته كرجل وليس كطفل .. إحترامي ،، |
المهم لما رديت قلت لها وش تبين قالت ابي اخوي قلت لها انا ماقلت لك انه نايم ولا هو صاحي الا الصبح
قلت له لوسمحت خلها تحترم نفسها ولا تتصل بهذا الوقت الدوام بيبدى وهي انسانه فاضيه ماهو عطله نسهر الين الصبح الردود لازم تكون بأسلوب مهذب كان فيه ملك يحلم ان جميع اسنانه تسقط الا سن واحد وكان دائماً يحلم بهذا الحلم فأمر بجمع مفسرين الأحلام وقال لهم ماهو تفسير هذه الرؤيا قالوا ان جميع اهلك سيموتون وانت آخر من يموت فأمر بقطع رؤوسهم الا مفسر واحد فقط فكر كيف يقول له ان اهلك جميعهم سيموتون وانت آخر من سيموت فلما جاء دوره وقال له الملك ما تفسير هذه الرؤيا قال مولاي الملك انت ستعيش عمراً مديداً سترى فيه اولادك واحفادك وسيطيل الله بعمرك حتى تكون آخر من يموت في عائلتك الكريمة فأمر بصرف مكافأه لهذا المفسر الذي استطاع ان يفرح الملك مع انه لا يختلف بتفسيره عن من سبقوه |
وعليكم السلام ورحمة الله وبركاته
اخذي الامر ببساطه اختي اخت تتصل على اخوها يمكن محتاجته ضروري مع احترامي اختي الغلط منك انتي ليه من الاساس تردين على الاتصال الامر بين الرجال واخته تقدرين تخلين الجوال صامت وتنحل المشكله تخيلي اختك هي الي متصله وزوجك رد عليها بنفس ردك على اخته وش بيكون شعورك ؟! |
حطي الجوال عالصااااااامت وناااااااااامي
ولو حصلتي منها اتصال لا تسفهيها عشان ماتبدأ مشاكل ارسلي مسج لقيت اتصال خير بغيتي شي بعدين اذا تبي اخوها تتصل على جوالك ليش ؟! تتصل على جواله هو شكلها راعية مشاكل او انها مو صاحية اججل بوه احد يتصل بهالوقت ! وزوجك بارد وش اللي عادي تتصل يوم اذا اتصلت صحيه من عز نومه وقوليله اختك تبيه وشوفي كيف بتكون ردة فعله لو زعل قوليله مو انت تقول عادي خليها تتصل باي وقت !! |
اهي تتصل عل جوالك؟
اذا هي حطيه عالصامت واذا لا مايحقلك تكلمينها بهالاسلوب ابد |
ما شاء الله الردود الجميله ...والله اثلجتو صدرى ..وانا مع الاخوه اللى قالو اكسبيها لصفك ,واعجبتنى قصة الملك ..ومسفر الحلم وايد ..وارجو من الاخت انها تستفيد من الاجابات الحلوه صراحه ..وحطى نفسك انت بموقف اخته لو كانت اختك متصله فيك ورد زوجك عليها ؟؟؟؟
الله يوفقك للخير ويوفق اخواتنا اللى ردو واخوانا. |
| الساعة الآن 10:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©