|
هدية بعد النفاس
السلام عليكم ورحمة الله وبركاته
حبيباتي أعضاء المنتدى أتمنى أن ارى ارائكم واقتراحاتكم بهذه الفكرة . أنا حاليا حامل باخر الثامن و أفكر أسوي هديه لزوجي وأهديها له بعد خروجي من النفاس :17: والهديه عباره عن سي دي اسويه عرض بالبور بوينت يكون في البداية صور لزواجنا وصور لشهر العسل يتخلله مقطع صوت مناسب وبعدها بعض الصور لبعض السفريات بعدين مقطع صوت لبكاء البيبي :15: بعدين صور للبيبي لوحده وصور للبيبي مع أبوه وطبعا يتخلله مقطع صوت مناسب . والحين ابي رايكم شو رايكم بفكرة الهديه وشو مقطع الصوت المناسب اللي ممكن احطه . وذا كان في عندكم طريقة رائعه لاهدائها ياليت تقولولي . أو فكرة أفضل لهدية أقدمها لحبيب القلب الله يحفظه ياليت تكتبوا أفكاركم بالهدايا اللي قدمتوها لأزواجكم وزوجاتكم فمنكم نستفيد |
أعتقد أن الزوج من يهدي زوجته حال خروجها من النفاس!
|
^^^^
وانا كذلك - - - - - - - -- - - - - - - - ولكن ممكن تهدين هكذا هديه لطفلك ,,, احتفظي به وعندما يكبر اعطيه اياه وبين ما يكبر الطفل استمتعو انتي وزوجك بالسي دي يعني عصفورين بحجر واحد :) الله يقومك بالسلامه |
السلام عليكم
بالعكس انا اشوف لو اعطيتي زوجك هدية فكرة حلوة منك ومع الوقت رااااااح يفكر يجيب لك هدية فيمة لان قاعدة السعادة الزوجية تقول : إذا تبغي شي من زوجك اعملية له اول وهو يبادر بعمله لك الله يوفقك [rainbow] دنيتي دنياك[/rainbow] |
ينقل لقسم المرأة مكاااانة الانسب
|
فكرتك حلوه
بس انا بقول لك شي الزوج من النوع اللي يكون قليل تركيز يعني تشوفينه في نص العرض تركيزه راح فيها ههههه انا انصحك انك تخلين هذا السي دي في يوم رومانسي واهدي له شي منها انك تستفيدين منها وهو يستفيد مثل البيجامه ... وبعدين وش فيها اذا الحرمه اهدت زوجها بعد النفاس انا اهديت زوجي شماغ لأنها كان يحتاجها في العيد بس كنت مفكره اهدي له بيجامه ولا حصل لي المشوار... انا قبل ولادتي قال لي زوجي اكتبي مقاضي نفاسك في ورقه كتبت له في دفتر وخليت وراها ورقه ثانيه كتبت كيف اني راح اشتاق له ومن هذا الكلام ...بحيث هو اذا جاء ياخذ الورقه طبعا بيمزعها راح يلقى كتاباتي..وجابت مفعول حلوووو |
والله فكرة حلوة ومميزة الله يديم السعادة والهناء عليكم أممم أقترح لك أن تضعي هذا المقطع ( خاص بصور المولود الله يخليه لكم يارب ) ................. وإن شاء الله يعجبك أختي الفاضله:يُمنع وضع الروابط الخارجيه.. وفقكِ الله |
بالعكس أنا أشوف انها فكره روعه بصراحه مافيها شي لو أهدته مهما كان هذا زوجها
مافيه شي أسمه المفروض هو يهديك بالعكس بالطريقه هذي راح تكون مفاجأه حلوه له الله يقومك بالسلامه ويديم عليكم السعاده |
| الساعة الآن 04:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©