|
زوجي يتحكم بلبسي
السلام عليكم ورحمة الله وبركاته ..
انا مسجله بهالموقع الرائع واستفدت منه اشياء كثيرة الله يعافيكم .. والحين انا جاية اعرض عليكم مشكلتي .. انا وزوجي عايشين حياتنا خلوة والحمدلله .. هو يحبني وانا احبه .. لكن لازم فيه اشياء تكدر صفوها شوي .. مشكلتنا اللي من يوم تزوجنا الى الحين .. لنا سنتين .. هي اللبس .. زوجي ملتزم ولله الحمد .. دينه يعجبني ولكن بعض الاحيان اقول هذا متشدد بقوووووه .. ويسوي اشياء بعض الاحيان اللي مو ملتزمين ما يسوونها .. هو يقرأ كثييييير .. ويعرف الاحكام الشرعيه بالمذاهب كلها .. يعني اذا قلت له وش حكم كذا .. قال بالمذهب الفلاني كذا وبالمذهب الفلاني كذا .. وهو بعض الاحيان يأخذ حكم من كذا مذهب .. المهم .. انا الحمدلله ملتزمه وكل الناس يشهدون لي بكذا .. من قبل ما اتزوج ما احب البس اي لبس عندي حدود يعني .. هو ما اعجبته حدودي .. مع ان خالتي الله يحفظها مررررررررررة مطوعة حنا نسميها الصحابية ما شا الله عليها .. دايما تمدحني .. تقول لي اني اقول لبناتي شوفوا فلانه(انا) ماشا الله لبسها حلو وساتر .. اقرب شي يوم العيد .. قالتها لي .. انا ما علي انا مقتنعة باللي البسه انا .. اول ما تزوجنا قال لي معليش حبيبتي ما ابغاك تلبسين بنطلون عند اخوانك .. مع ان البلوزة اللي مع البنطلون الى الركبه يعني زي البنجابي اللي كثير من المشايخ حللوه .. وقلت له انا على عيني وراااااسي .. احب غيرتك وانت تامر بس .. ومن يوم قال لي وانا ما البس بنطلون .. والحين مشكلة التنورة .. والله انها نص الساق او اطول بعد .. كل ما شافني البسها ضاق صدره وانقلب مزاجه وحااااااله .. والحين طايح بحركة وهي العقاب حسيت اني بزر عنده .. اول عقاب يوم اني بالنفاس .. جا لي اول مرة كنت لابسه له فستان النفاس ابكشخ له يعني .. كمه شفاف ومدري ايش ما قال لي الله يجنن عليك .. على طول .. كمه مدري وش فيه وووووو ساااالفة .. وعاقبني باييييش .. ماعطاني طلاعه بعد النفاس .. يعني هديه النفاس .. يوم قلت له قال لي انتي م تسوين اللي انا ابي .. يعني بهاذا الاسلوب ابنفذ بالعكس والله اعاند .. المشكله انه فشلني عند اهلي .. اول مولود لنا ولا يجيب لي هديه النفاس والله عيييييييب .. ما شا الله بعض الرجال يسفرون زوجاتهم يجيبون لهم اطقم ذهب .. اما زوجي ولاااااااااا شي .. ويقوووول انه يحبني مووووت ويعشقني ومن هالكلام .. واقولكم حاجه هو يسويها اتحدى واحد ما يستغرب .. انتم عمركم شفتوا احد يروح لصلاة الجمعة ببدله .. انا اول ما لبس بدله اول مرة انهبللللللت .. اللي اعرفه انا واهلي وكل الناس يسوونه ان الرجال يقوم الصباح ويتروش وزوجته تطله له لبسه وتجهز البخور له وهو يطلع من الحمام ويلبس لبسه النظيف وثوبه ويتبخر ويمشي .. هو لا ذاك اليوم ما تروش ولا شي .. قام من النوم ولبس البدله ومشى .. انا استغربت مررررررة وكنت قايمه ابجهز البخور قال لا لا مو لازم عطر يكفي .. بعد كذا قلت له يعني احس انه ما يصلح الواحد يطلع للجمعه لابس بدله .. احس عيب .. قال البدله اكشخ من الثوب .. مع اني انا اشوف العكس .. الثوب مرررة يعجبني عليه . وصار ما يلبس بدله للجمعه عشاني .. وانا ما لبست بنطلون عشانه .. المهم بأيام العيد لبست تنورة قصيره بنظره .. وهي والله ميدي اقصر من الطويله بشبر وقسما .. شافني فيها وتغير وجهه واااااضح .. ومن بكرا لبس بدله للجمعه .. يعني عقاااب لي .. قلت له انا خلاص راح ارجع البس بنطلون اذا كانت الدعوى كذا .. البسي والا ابلبس .. الله يعين بس .. ابغى حل لهالمشكلة .. لان مشاكلنا كللللللللها عشان اللبس وهذا حرام وهذا ما يصلح .. هو لو يعاملني باسلوب ويدعي والله استجيب له .. لكن الله يصلحه يارب .. اقول الحق هو اذا صرنا متصالحين مرررررررة يعاملني حلو ويشيلني من فوق الارض .. وانا اعامله احلى .. لكن مشكلة اللبس .. والحريم يعرفون الاسواق وحتى زوجي يعرف .. 5 محلات ما تبيع تنانير ومحل يبيع تنانير قصيرة مرررررررة .. يعني من وين اجيب تنانير .. وكم مرة اشوف تنورة تعجبني مرررررررة لكن اتركها عشانها قصيرة يعني انا اعرف حدودي .. ابغى هو يثق فيني ويخليني براحتي باللبس .. هو قال لي عن العبايه قال غطي عيونك صرت اغطيها سواء رحت معه او مع اهلي .. لانه من حقه ويغار علي .. لكن اللبس ابغى اصير برااااحتي .. الله يفرج عليكم .. |
والله لو مكانك
أمشي على هواه منها تبتعدي عن الشبهات ومنها ترضي زوجك اللي يستاهل يعني التعدد حلال بس ماترضين يسويه تقبلي حدوده بالتوفيق ياعسل |
حتى لو بغيت امشي على مزاجه ..
من وين اجيب تنانير طويله وحلوة .. يعني التنانير القصيرة موديلاتها احلى بكثييييير .. كل التنانير الطويله قلييييييييل تلقين حلوة .. انا ما اقول ما عندي تنانير طويله بالعكس الطويله اكثر .. بس الواحد وده يغير شوي .. : ) |
لا تشترين الجاهز
فصلي على هواه يا غالية يا كثر الخياطين اشتري الخام وفصلي تنانير طويلة وفساتين طويلة انا زوجي مثل زوجك ما يرضى بالقصير إلا ببيتنا لحالنا وفي لبس معين ما يحب يشوفه علي قدام حتى اخواتي وما يرضى وهو مو ملتزم جدا لكن عاداتهم كذا لكني تأقلمت .. وتعودت لا تكبري الأمور .. خلي لبسك للبنطلون والتنانير والشفاف له لحاله وبغرفة النوم سوي لك جلسة بغرفتكم فيها تلفزيون ومكان لكم اثنينكم بدون ازعاجات حد واذا طلعتي التزمي باللي هو يحبه |
انه الي فهمته انو حته قدامه ما يقبل بهل البس ؟؟؟ او انا غلطانه لانك قلتي من شافك لابسه شفاف ما قبل
حبيبتي المسأله جدااااا بسيطه هو مو طالب منك شيء مستحيل والصفات الي عندك زوجك الحمد الله كلها زينه بس كل رجل واله طبع خاص وانتي لازم تتعودين على طبعه وسوي مثل ما يريد ماله داعي الجدال وتصير فجوه بينكم يعني الزوجه دائما هي من يتنازل في كثير من الامور فأنتي لا تعاندين معاه وخاصه انه يسمع كلامك كما قلتي فليش ما تقوليله مثل ما تحب وتسوين الي يرضيه ,,, وبعد ما يكون هادي وصافيه من ناحيتك وضحيله وجهة نضرك اذا اقتنع كان بها واذا ما اتقنع خلاص شنو تسوي يعني مشاكل علمود هكذا شغله تبين انها صغيره ولكن اذا اخذت مجرى عناد ومشاكل راح تكبر فأنتي اتحكمي بالموضوع قبل لا يكبر براس زوجك ومبروك عـ البيبي ومن يهده عاتبيه عـ الهديه بحب وقوليله الي بخاطرك بس "بحب" لا تقوليله فشلت قدام اهلي ومن هاي الكلام بس قوليله انته الي مو حارمني من شيء وودائما تسويلي كلشي نفسي فيه ما توقعت منك ما تهديلي هديه بالنفاس تعالي معاه بالسياسه مو بالعناد ,,,, |
الله يهديكم
يا أختي مشكلتك حلها بسيط (البسي اللباس اللي يحبه زوجك ما دام إنه مباح) والمرأة يا أختي المفروض ما تلبس لباس يجذب غير زوجها مثل اللباس القصير وما دام زوجك ما يحب تلبسين قدامه لباس قصير خلاص سو اللي يبيه الشغلة ما هي وحدة بوحدة هو يسويلك وانتي تسوين له علاقتكم أرقى من كذا علاقة حب وتغافل والمسامحة على الزلة أما عن انه ما جاب لك هدية النفاس وانت تسمينها فشيلة علشان هدية يعني احنا نسامح ونعذر البعيد فليش ما نسامح القريب؟ وقفت هي على هدية؟ وين الهدايا اللي أعطاك اياها قبل؟ وين تضحياته والفلوس اللي دفعها من قبل علشانك.؟ |
اسمحيلي ولاتزعلين00وشلون يكون الى نص الساق ومايكون قصير
اجل كيف راح تربي بناتك 00بصرااحه لاتتخيلين اللبس كيف افسد علينا جمعتنا لدرجة التعب بالعكس هو من حبه لكي ينصحك 00اكسبيه ولاتعاندينه هو يبي مصلحتك الله يسخركم لبعض |
نصف الساق تقصد به الاخت المنطقة ماتحت الركبة للكعب والله اعلم
البس كذلك اختي صراحة ازا كان يرفض تلبسي قدام اهلك ومحارمك الا ماكسي و يعني ازا كان ميدي يعني اقصر من الماكسي بشبر والله غريب امره بس حاولي تقنعيه وجيبي فتاوي في حدود اللبس يعني التنورة ازا تحت الركبة بشبر او اتنين بتكون طويلة وساترة مو لازم ماكسي البنطلون يمكن معه حق لانو في شيوخ بقولو حرام بالمطلق لا امام الزواج ولا امام المحارم ولا النساء ولااحد من الاساس عشان تشبه بالغرب بس التنورة مش معقول تكون ماكسي وتجر الارض قدام ابوكي واختك !!! |
من قالك اختي لبسك موقصير ؟؟؟؟
انا بكلمك بصراحه وعشان مااكون منافقه انا مومتشدده في لبسي والبس كل شي عادي ... لكن اهل ابوي جدا ملتزمين وماشاء الله يعجبني التزامهم واتمنى اكون زيهم .... تفكيرهم نفس زوجك واكثر .... يعني البنطلون والبنجابي ممنوع قطعيا لاقدام حريم ولاقدام محارم .... والتنورة اقصر شي عندهم اذا بين الكعب بس واكثر من كذا يعتبرونه قصير واستحاله يلبسونه .... حتى الكم الشفاف هذا مرفوض عندهم قطعيا .... ماشاء الله بناتهم اللي مومتزوجات والمتزوجات كلهم نفس اللبس ونفس التدين الله يثبتهم يارب وفعلا القابض على دينه في هالزمن كالقابض على جمرة فيما معنى الحديث ,,,, وفي نفس الوقت ماشاء الله لبسهم مرة روعه وذوق .... وخاصة الموضه هالايام تنانير طويله وبلايز ساترة .... ومن قالك مافي محلات كثير تبيع تنانير طويله ... والله ان دخلت السوق ياكثرهم ..... اصلا في محلات معينه ان دخلتها اقول هذي محلات خاصة لبنات عمتي ودايم اشوف اشياء وادلهم عليها .... يااختي زي ماقلتي في مذاهب اربعه وزوجك يقرا كثير وهو يبي لك الخير والصالح وانتي لماتلبسي كذا ترضي ربك قبل لاترضيه لكن هو لمايلبس الثوب يرضيكي انتي بس لان البدله موحرام ... يعني لما ترك الثوب ولبس بدلة مايعاندك بالعكس بس يبيكي تحسين كيف كسرتي نفسه لما لبستي لبس موعاجبه .... قولي الحمدلله ان زوجك يمنعك بس من باب التدين في رجال يسوون بلاوي ويمنعون زوجاتهم من كل شي حلو عشان يتحكمون وبس |
اذا كان يمنعك من اللبس القصير قدامه هاذي مشكله ؟؟؟!!
اما اذا قدام اهلك عنده حق ... زوجك يحبك ويغار عليك ... |
| الساعة الآن 07:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©