|
اتعبتني كل الضروف اللي حولي
السلام عليكم ..
انا ضيفه جديده عندكم .. وجيت اسرد كل ضروفي .. انا مطلقه من 6 سنوات .. موظفه ضروفي حلوه .. واهلي كمان من الناس اللي وقفو جنبي بكل ألوان ضروفي .. الطلاق مرات نعمه .. وهي خيره لكل انسان .. والحمد الله .. انا راضيه باللي كتبه ليا ربنا .. ومتعااايشه مع الوضع .. طبيعة شخصيتي مرنه .. عايشه حياتي ولله الحمد .. متأقلمه مع منغصات اخواني الشباب بالبيت .. وهذي ضروف اي مطلقه .. ومع ذلك بقول الحمد الله .. مشكلتي :انو قبل خمس سنوات تقدم لي شخص (لقطه) مثل مايقولون .. علم ومركز وجاه ولاكن كان متزوج ووافق على شروطي العاديه مثل اي متزوجه تستحقها .. وكان عن طريق طرف احدى زوج صديقاتي .. وجا وطلبني وصارت الشوفه .. واللي اتضح اني عجبته مره .. وبعدها بفتره انسحب من غير اسباب .. وقلت الحمد الله هذا نصيبي .. بعدها بسنه ونص جاني برضو عريس من طرف احدى اخوتي .. وجا وطلب وصارت شوفه .. وبعد الاتفاق على كل شي صار انسحاب تماما .. وبعدها بسنه تقدم لي شخص من طرف والدي .. وعلى اساس انهم اخذو موعد وتصير طلبه .. وبرضو الناس اعتذرت .. وبعدها بسنه تقدم لي شخص من طرف زوج اختي .. وجو خواته وامه وفاتحتني بالموضوع .. وكلمت امي وامي اعجبت باخلاقه .. وانتظرنا .. واتضح انه متردد .. وانه لايرغب بالارتباط الا من كثر ماامه تزن فوق راسه .. وقلت الحمد الله هذي خيره .. وهذا نصيبي .. وبعدها بفتره جاني عريس من طرف صديقتي ايضا .. متزوج .. وذا مركز وصيت وعلم .. وجا وطلبني وصارت شوفه وتحدث معايه امام والدي وسمع الشروط مني وشجعني اني اكمل التعليم معاه خارج المملكه .. واتضح بعدين انو كان متردد .. انا موش زعلانه انو نصيبي مو راضي يتم .. بالعكس انا انسانه مرنه اتقبل الضروف بكل الوانها .. مرحه .. احب الطموح والعلم .. احب الحيويه .. مشغله وقتي باشياء تفيدني .. عايشه حياتي ولله الحمد .. المشكله بان اهلي صارو فجأه يرفضون اي احد يجي من طرفي او من طرف صديقه او زوج اخت او من اي طرف .. الا اذا كان من طرفهم مباشره .. يعني من طرف الوالد او من طرف خواني الشباب .. طبعا هذا الاقتراح كان من طرف خواني الشباب .. اللي كل ماتقدملي شخص .. يقومون الدنيا ومايقعدونها .. وكل مره يجي عريس .. يقولون لي كلمة وحده (( كل العرسان اللي يجون لك مراكز وناس متعلمه )) ومو اي احد .. او اسمع تلميح بوجود لي علاقة سابقه مع هذا الشخص .. اللي استغربه ليه يتكاثرون عليا مثل هالنوعية من الاشخاص .. فانا الحمد الله متعلمه ومعايه الماستر .. ومو ناقصني شي .. الين متى ماتكون فيه مرونه بهالمواضيع .. هل لان المواضيع ماتمت اكون انا السبب .. وانا الملامه .. هذا نصيبي من عند رب العباد .. واقول لهم انا راااضيه الحمد الله .. ولعلها خيره .. احس انو نفسيتي وضروفي بالبيت تعبتني .. والدي الحبيب حنون معايه مره .. وجدا منفتح معايه بالنقاش .. ومافي اي حاجز بيني وبينه .. لاكن خواني مايتركووونه الا ويعبون راسه علي .. ليه كل هذا يصير ليا .. احس نفسيتي كثير تعبااانه .. |
الله يخلي لك الوالد
والحمدلله دام راسه يشم الهواء اخوانك مالهم كلمة عليك ولابد تخبري ابوك بالشئ اللي بنفسك طالما انك مرنه ومتفهمه معاه لو جاء اليوم اللي لاقدر الله واخذ امانة ابوك ماراح يتعب غيرك لأن اخوانك بيكونو المسيطيرين عليك ادعي ربك وكلمي ابوك انه مايرفضو احد وخلي براسك شي واحد لو اجتمعت الأمه على ان يمنعوك من نصيبك والله كاتبه لك ماراح يصير الا اللي كاتبه الله حطي ببطنك بطيخ وريحي راسك من التفكير بالقرارات المصيرية اللي مثل الزواج وغيره لأن هالشي ربنا كاتبه قبل نخلق واحنا ماعلينا الا الدعاء ربي يوفقك ويسخر لك لازمي هذا الدعاء (اللهم يامسخّر الجبال الراسية والعبيد العاصية اسخر قلوب اخواني وابي لي) |
ممكن تكون السالفة فيها سحر لاسمح الله او عين الافضل تروحين عند شيخ يقرا عليك
لان مو معقولة اللي يصير |
اشكر مروركم يااخوات ماقصرتم ..
كثير يقولون لي انو لازم شيخ يقرا عليا .. بس مدري انا مااشوف انو انا احس بشي غريب .. |
اختي الكريمه
انا قبل لا اخطب كان يقتدمولي كثيررررررررررر جداااااااااااا والله عدة مرات كانت راح تصير موافقه ويصير شي لازززم لازززم يصير شي يوقف الخطبه <<بين اشهر قليله يتكرر نفس الشي مره من المرات خلاص اجو اهل الولد ومن خوفها لا اهلي يغيرون رأيهم (لان كنا مترددين انا واهلي) جابو معاهم الحلقه وكملو كل الاتفاقات وكلشي صار تماااااااااااااااااام يعني انخطبت رسمي بس سبحان الله هم خرجو الساعه 11 باليل من عدنا والصبح الساعه 10 انتهى كل شي!!!!!! وطبعا يوجد سبب بس القصد انو كل الي تقدمو لي ما كانو قسمتي ابددددددد رغم الظروف الجيده لهم بس ما صارت وبعدها تقدم خطيبي او زوجي وكانت الظروف شوي يعني مو مثل الباقين ومافي لقاء مباشر ولااشياء كثيره للزواج وصااااااااارت خطوبتي منه بخلال اسبوع سبحان الله لان من نصيبي ومكتوبلي ان اتزوج هذا الشخص رهمت الامور وكلشي تمام وانا حاسه بالي تقوليه مع اختلافات بس انا اخر فتره صرت اكره الي يتقدمولي لان لازم يصير شييييييي ويعرقل الامور الله يفرجلك ويعوضك خير انتي ما دام علاقتك بابوكٍ قويه اخذيه على جنب وبكل هدوء تحدثي معه لا تخافي من شيء القسمه تجيك لحد عندك اذا كانت نصيبك |
توكلي على الله وعليك بالدعاء ولاتنسي اذكار الصباح والمساء وقراءة القرآن
|
اختي الكريمة
عليك بالرقية الشرعية فربما ((اكرر ربما)) تكون نفس طليقك لازالت ترغبك وهذا يمنع الخطبة واشجع فيك هذا الرضا وهذه المرونة لانه قلما توجد في الناس تحياتي |
انا بنوتة زوجي .. كلامك ريح قلبي وانا مؤمنة بنصيبي الحمد الله .. وكل شي قسمه ونصيب ..
اشكر مروركـ .. |
اقتباس:
بإذن الله .. اشكر مروركـ:22::22: |
اقتباس:
كيف اعرف اذا كنت بحتاج رقيه شرعيه ولا لا .. يعني في علامات معينه يدل انو انا احتاج لها؟ بالنسبة لطليقي بالعكس عشان مااظلمه .. انا تمسكت فيه وحاولت انو نرجع لبعض بس هو رافض تماما .. يحترمني ويقدرني ويلبي كل طلباتي لاجل البنت اللي بينا .. يعني مافي بيني وبينه الا كل خير مااتوقع بتكون نفسه فيني .. |
| الساعة الآن 03:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©