مشكلته حساس ... أريد حل
 

السلام عليكم

اخواني واخواتي ساعدوني بحل الله يجزاكم خير

زوجي انسان حساس وبقوللكم على موقفين واريد الحل علما انه مضى على زواجي 6 اشهر تقريبا

الموقف الأول لأول مرة ذهبت لمنزل اهلي واقمت بعيدا عن زوجي لمدة 3 ايام فقط علما ان زوجي كان يحاول انه يلمح لي من بعيد انه بيغير ترتيب الاماكن في الغرفة من اثاث وتلفزيون وغيره فقلت له توعدني ماتغير شي حتى ارجع وانا ما ادري ما قال المهم رجعت من بيت اهلي وكانت الصدمة انه غير الترتيب المشكلة ليست في هذا انا من النوع اللي ما احب أحد يفتش في اغراضي هو ادخل اخواته من اجل التنظيف وهذا ما ازعجني حقيقة لأنهم اطلعوا على اغراضي الشخصية وايضا بعض الامور انا كنت قد اشتريتها خاصة لغرفتي فهم اخرجوها واستخدموها لهم !! وحتى لا اظلمهم من ناحية التنظيف نظفوا جزاهم الله خير !
واول مادخلت للغرفة قلت لزوجي ما اعجبني هذا التصرف وقلت له السبب انهم فتشوا في اغراضي بس زوجي زعل واخذ موقف من هذا التصرف وقال بدل ماتشكريهم تقولين فتشوا !!

الموقف الآخر انا كنت قد طلبت منه كنبة ( أريكة ) لشخصين ويكون شكلها انيق من فترة وهو اختارها في فترة غيابي بس ما اعجبني شكلها وليست كما طلبت عاتبته وقلت له ليش ما انتظرتني حتى ارجع واختار ما اريد المهم انا نسيت هذا الأمر بس هو الظاهر لم ينسى وبقي في نفسه
لأني لما صرت اطبخ له طبخات صار يقول لي هذا الأكل مايعجبني وشو هذا الطبخ وبكيت والله وبعدها قال حتى تشعرين بالمرارة لما تتعبين على شي وفي الأخير أحد ينتقد ، والآن اعلم ان هذا الأمر لازال في نفسه كيف اتصرف معه وانسيه ما حصل

:)

والله انتي اللي حساسة يا غالية

بعدكم في فترة التعارف والانسجام .. باذن الله بعد فترة تتعودون على بعض وتنتهي هالمشاكل الصغيرة

بس انتي طولي بالك

احس اني رحمته كان متوقع انه يبي يدخل الفرح لقى العكس



صراحه ماشاءالله حكيم بس باين انك انت شخصيه قويه

عزيزتي هدي نفسك

من الواضح ان زوجك يحبك ويحب يسويلك مفاجآت

عندك حق في كلامك بس من الوهلة الاولى لا تكسفيه المسكين

بعدها بفترة تفاهمي معه

الله يسعدك

.
.

زوجك لايحسن التصرف ، وهذه المشكله يبي لها صبر وتطنيش لانك لو دققتي وعاتبتي بيكرهك وبيقول نكديه ومايعجبها شي ..


أختي تحملي زوجك عشان نفسك اولا ثم عشانه ودام انه حساس لاتنتقديه بالطريقه الجارحه هذه ،

اقولك مثال ... لما جيتي البيت ولقيتيه مغير اثاث الغرفة ، المفروض انك شكرتيه واظهرتي له انك ممتنه تماما له ، وبعدها بكم يوم في لحظة هدوء وصفاء قلتي له أني منحرجه من أهلك لانه في أغراضي الخاصة بالغرفه واكيد انهم شافوها ، وبكذا يتضح له خطأه بدون مايحقد أو يزعل عليك



زوجك محتاج لمزيد من حنانك واهتمامك وتشجيعك فلا تبخلي عليه

يممكن لو تصرفتي بحكمه وباكثر هدوء ، ماكان بيستوي شي من هذا كله
ع العموم نحن نستفيد من اخطائنا حاولي ان اسلوبج يكون هادي وقبل لاتفكري انج تتكلمين باي شي فصفصيه عشان تتجنبين اي مشكله تستوي لج

وصدقيني والاهم من هذا كله انه يدور رضاج وقاعد يسوي شغلات محد يسويها من الازواج بعضهم لزوجاتهن تركتي كل الاشياء الايجابيه وجيتي ع الحساسيه
قولي الحمدلله ع لي عندي

تقبلي مروري

من غير غضب أقول
ما هذا الدلال المبالغ فيه. أنا لو أشتري شئ للبيت و ما يعجب زوجتي و الله لا أبدله حتى يبلى. سهل أن أغيره ؟؟ عندي بنك أنا أو نائم على أموال تحت الوسادة!!!