|
باركولي << اخيرا>>قصتي مع فطام ابني
السلام عليكم ورحمة الله وبركاته كترت الاسئلة عن الفطام فحبيت اشارككم بقصتي مع فطام ابني حتى تستفيدوا من اخطائي :29: اول شي ابني كمل مبارح سنة وخمس شهور وتم فطمه يوم الاحد اول مبارح .. لما كمل ابني سنة وثلاث اشهر قررت افطمه مع انه ثالث اولادي الا انه كان فطامه مأأأأأساه من جد :23: السبب انه معتمد اعتماد كلي على الرضاعه الطبيعية يمكن كان ياكل وجبة او اثنين بالكتير باليوم لما قررت افطمه سمعت نصايح العالم كله يلي قالي حطيله مر من الصيدليه لكن للاسف ابني مابيقرف جربت ملح اللمون (((اختي فطمت بنتها فيه)))) لكن هيهات لحد ماسافرت طبعا تعلق في اكتر واكتر:11: مر الشهر وعجزت معه وبالاخر قدرت افطمه بالنهار اما وهو نايم كان لازم يرضع. المهم اني كنت ارق لاله واضعف وبس يبكي اعطيه يرضع من شهر مرض كان عنده التهاب بالاذن واللوز غير الترجيع المستمر والاسهال فصرت اضطر ارضعه حتى يعوض فرجعت ريما لعادتها القديمه ورجعت للرضاعه بالنهار والليل متل الاول قلت خلص كمان شهرين من فتره انتبهنا انه سنانه تغير لونها وصار عنده سن قصير بزيادة :26: وهدي كانت سبب قرارنا اخدنا لدكتورة اسنان يلي صدمنا بتاكل شديد بالاسنان ولازم ينفطم حتى مايزيد وهدا يلي صار لكن فطمته مره وحده صارلي يومين عم بعاني من الالام الفطام وهو بكى اول ليله 3ساعات وبعدها نام وليلة مبارح صحي بكى لمدة دقيقتين وماسمعت صوته لحد ماصحي طبعا غلطتي الاولى اني كنت اخاف من بكاه وصراخه واحن عليه نصيحه يلي بدها تفطم وقررت خلص ما توقف وترجع اما الطريقه الصحيحه يلي المفروض اني انا عملتها انه الوحدة تبدا قبل اسبوعين تمنع الطفل بالنهار في البداية وتخلي الرضاعة بالليل بعد اسبوعين توقف رضاعة الليل نهائي وهيك مش حيصير يلي صارلي من تورم وتعب انا من كتر ماتورم صدري كتافي وضهري بيألموني نصيحة التدرج بالفطام احسن شي ماتعملوا مثلي والله من مبارح رح اموت من صدري اما اذا صار وفطمتوا وتعبتوا مالكوا غير دش سخن دلكوا الصدر تحتوا لحد ماترتاحوا ويخف التورم انا مبارح يمكن اخدت دش من اربع الى خمس مرات ارتاح ماتمر ساعتين واتعب تاني احنا هيك الامهات مساكين تعب بالحمل تعب بالولادة تعب بالرضاعة وتعب بالفطام الله يعيناويجعل ولادنا من الذرية الصالحه البارة.. |
الف الف مبرووووك حبيبتي ...
بس قولي لي من ايش التاكل في الاسنان و الولد بهذا العمر ؟؟؟ ابني عمره سنة و 5 اشهر كمان و لسه بيرضع بس مش بشكل كامل بالليل ما بيرضع الا مرة اذا فزع من النوم و اثناء النهار بياكل و يلعب عادي ماشاء الله عليه بس احيان يجي له مزاج :) ويجي يرضع شوي :) .. كان كثييير متعلق برضاعة الليل و ماينام الا و صدري بفمه طول الليل لغاية ما انهرت صراحة و تعبت و خليته ينام بيبت اهلي اسبوع مع اختي .. عشان اذا بكا ما احن عليه :) وفعلا بكا شوي و بعدها اتعود يشرب الببرونة و ينام طيلة الليل ماشاء الله عليه فا اضيف على نصائحك اللي حابة تفطم ابنها و مو قادرة ... تخليه ينام مع اختها او عماته .. المهم حد نفسه طويل .. عشان ما تحن اذا زود في البكا الله يخلي لك اولادك عزيزتي ز يبارك لك فيهم و الله يعينا على تعبهم |
noora بعدها noriin:)
المهم اختي مبروووك الف الف مبروك قوليلي ابنك الان يشرب الحليب الصناااعي؟ ومن ايش التااااكل؟لايكون من حليب الصدر؟:(اول مره اسمع شكلي بفطمهااا قوليلي حبيبتي |
اقتباس:
اهلين نورة حياتي كيفك وكيف ابنك ؟؟ الله يبارك بعمرك يارب على فكره بكتب وابني عم يكتب معي رح يجنني انا انصدمت لما عرفت انه تسوس كنت افكر التسوس بيجي مع المرضاعه مو مع الرضاعة الطبيعية حتى انا عرفت متاخر كنت افكر انه الدوا هو سبب تلون اسنانه فلما رحت كان رايحه سنانه الدكتور حكالي انه الحليب عموما الطبيعي او الصناعي بتحول لسكر وبضل بالفم الطفل طول الليل مما بسبب التسوس اضافه لانه ابني عنده استعداد للتسوس مع انه خوانه كان ياخدوا المرضاعه للسنتين وماكانت تسوس اسنانهم الله بعين على العموم كانت نصيحه الدكتور انه اذا بكا بالليل اعطيه مرضاعة ماي وفعلا اخدها بعد 3ساعات بكا والحين صرت لما يطلب بالليل بعطيه مرضاعة الماي وعلى فكره انا جبت اله فرشاه ومعجون ومداومه على تنظيف سنانه على فكره فرصتك اذا بدك تفطمي ابنك الحين حتى يمكن صدرك مايتورم زي ماصار في الله يوفقك حبيبتي ويخليلك ابنك |
اقتباس:
اهلين حبيبتي نورلين الله يبارك بعمرك الصراحه هو هم وزال التاكل بالسنان انه صاروا محفرين حتى سنانه الاماميه قصرت صار واحد طوله طبيعي والتاني نص الاول حتى لونه بني انا ابني عنده استعداد لتسوس الاسنان ممكن بنتك مايكون عندها ونصيحه خلي جنبك مرضاعه ماي جنبك بعد كل رضعه اعطيها ماي او خلي شاش مبلل مسحيلها سنانها ابني بياخد حليب بس بالكوب حليب نيدو بعد السنه تسلمي حبيبتي الله يخليك بنتك ويحفظلك اياها موفقة |
طيب كيف بيتغدى جسمة لو واخدت موية
|
كريستال تصدقي الاسبوع اللي فات ابني فطم نفسه بسم الله ماشاء الله .
صحى الصبح .. جبيت بعطيه صدري كالعادة .. رفض و اشر لي بيده خلاااص و لي 6 ايام بحاول اعطيه وهو مش راااضييي :) ربي يحفظه و يبارك لي فيه الحمدلله رب العالمين . و على فكرة ازل كنت اعطيه رضعه اذا قام بالليل . لكن بعد موضوعك بطلت و صرت بز اهزه اذا صحا و الحين ماشاء الله عليه اتعود ... يسلموووو على نصيحتك الحلوة دلوعة طولتي الغيبة حبيبتي ... ايش اخبارك عزيزتي .. البيبي بيتغذى خلال النهار لكن بالليل نوم و بس .. |
اقتباس:
نورا كيف فطم نفسه؟؟؟؟:21: يعني كذا لوحدو ماشاءالله تبارك الرحمااان عقبااالي بنتي يارب:d نورا انتي للحين فيه؟؟؟ ماوقفوووك من هذيييك السالفه:)>>>>>>امزح وربي طيب كريستااال ولدك مااايشرب حليب؟؟؟ يعني الحليب الصنااعي بدأتي ولا لسى؟؟؟؟ وكيف تقبل ولا بعد؟؟؟ وكيف الاكل معاااه؟؟؟ انا اعرف اللي يحبو يرضعو قليل مايأكلو زي بنتي!!!!! |
اقتباس:
سؤال في صلب الموضوع شنو مسويه نورا شمهببه!! قولي لي قبل لايطيحون علينا الدوريات:d |
اقتباس:
يوووه عاللقافة :d:d... امزح حبيبتي مسويه شي رهيييب ماينقال :24: .. الله يستر بس ... لي يومين مستنية قرار الادارة و ان شاء الله خير نوووورررييين ماحد بيجيب اخرتي من المنتدى الا نقك :) :) .. ارجع للفطام .. ايوه فطم نفسه .. مادري ايش صار له ... لحاله كره صدري ..:22: قبلها جربت الكاتشب و مانفع .. جربت احط مانكير احمر و مانفع حتى المر سويته و قام يمص من فوقه مافرقت معاه :) لغاية ما ربي هداه الاسبوع اللي فات .. الحمدلله .. يمكن من كثر ما ادعي ربي سهل عليا فطامه و تربيته ... عقبال بنوتك بس مش الحين .. بعد ما تكمل سنة و نص على الاقل |
| الساعة الآن 04:01 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©