بنتي راسها يابس!!
 

السلام عليكم ورحمة الله..

يا أمهااااااااااااااات.. أنا شوي وأتجنن!!

أرجوكم اللي عندها حل أو تعرف أحد تدلني عليه قبل لا تروح بنتي فيها!!!


مشكلتي .. بنتي عمرها سنتين.. شيطانية شويه.. وحبوبه.. مسويه لي جو حليو في البيت..

بس في بعض المرات تجيها عساااااااااااااااارة ماتنطــــــــــاق:29:هذي أول نقطه..

النقطة الثانيه.. إذا كانت تبي شي .. أو أخذت منها شي.. وهي مصرة أنها تبيه..

تقعد تصرخ وتظرب براسها على الجدار أو الأرض أو الباب أو أو أو ألخ.. لدرجه أنه خشمها يصب دم من اللي تسويه


وطبعا هذا كله أحتجاج أو أعتراض أو مدري وش نسميه!!!!!


وش الحل معاها؟


لو أعطيتها اللي تبيه راح تستخدم هذي الطريقة كل مابغت شي.. وطبعا انا راسي يابس مستحيل أطاوعها..

ولو أستمريت أتجاهلها راح يضر ألظرب على النظر والراس ..


واليوم صرت أصفق معاها وأقول أيوا أظربي بقوة :17: تعالي هنا وأأشر لها على المكان اللي تصقع راسها فيه.. وأقول يالا كمان زيااااااادة.. صارت تطالعني بإستغراب :11:

كأنها تقول : وش فيها أمي أنهبلت:23:

بس إذا تعودت على تصرفي هذا بترجع على الظرب مرة ثانية!!!!!

للمعلوميه هذي الحالة تجيها في اليوم مالا يقل عن ثلاث مرات يوميا..والله ياجماعة أزمة..

مدلعه بنتك
ضحكتيني هههههههههههههههههههه
يوم تشااوريلهاههههههههههه

لاتسوي كذا
علميهااا الادب يعني يوم تبدأ تسوي كذا حمري عيونك وسوي حركااات بعيووونك خليهااا تخاااف
صرخي عليهااا مره وحده
خذي العصااايا وسوي نفسك تضربيهااا بس لاتصدقي وتضربي حرااام
بس خوفيهاااا
والله بعدين تخرب اذا استمرت على كذااا مو كويس تحرجك قدااام الناااس الله يعينك
نفسي تجيبيها عندي
اوريكي فيهااا

هلا أختي نورين..

اللي عندي ماهي مسألة أدب!!

اللي عندي مسألة طبع..


أنا وحدة من الناس ماعندي دلع.. لأني لو بدلع كان على طول أعطيتها اللي تبي..

وهذا أنا ما أبيه.. فرصعت عيوني عليها.. حبستها بسريرها.. بس مافي فايدة..

أخواتي عزيزاتي..

ترى انا عصبيه ولا عندي دلع.. يعني أعصب عليها أخوفها .. أعاقبها.. أطنشها.. مافي فايدة..


ألحين أنا خايفة على صحتها.. يعني لما تظرب راسها راح يأثر على النظر وعلى الراس.. وألحين جبهتها زرقه من كثر ماتظرب..

يعني لما أطنشها هي أصلا مستمرة بالظرب...

وبالنسبة للكلام معاها هي ماتفهم شنو قاعدة أعلمها..


يعني أعطيكم مثال:

إذا جا وقت النوم تقعد تصرخ ولا تبي أحطها بالسرير حقها..

طبعا أنا أحطها.. تقعد تصرخ وتظرب براسها بالسرير وترمي نفسها بقوووووووة..

يعني طلعيني..

طبعا أنا حاطه لها ألعابها بالسرير ..مشغله لها أفلام كرتون.. يعني ألعبي إليييييين مايجيك النوم , وبعدين نامي..

وعلى فكرة هي معاي بالغرفة يعني هي قاعدة تشوفني أني منسدحة مثلها.. يعني مو مخليتها لحالها..

أبي إذا ممكن يكون في أخصائيه أقدر أعرض عليها مشكلة بنتي وتفيدني.. أو وحدة عندها حالة مثل اللي عند بنتي وقدرت تحل مشكلتها.. لأن المسأله بدت تتأزم..

خاصة بعد الزراق اللي بالجبهه.. والدم اللي من الخشم..

هلا وغلا فيك..

ممكن أكون شوي قاسية مع بنتي.. عارفة أول طفل نبي نطلع شحاطتنا فيه:25:

بس اللي زادني قسوة أنها من طلعت على الدنيا ..:15: وهي بسم الله عليها عسررررررررة..

قلت : لا يا أنا يا أنتي !!!

فكنت أطنش لما تصيح..إذا جا وقت النوم أحطها بفراشها عشان تنام..وهي طبعا تبكي وتبكي وأنا (عمك أصمخ) ولا كأني أسمع..قلت خلاص رضعتك,,غيرت لك.. ومنومتك,, وش تبين بعد..

عاد أستمريت على هذا الطبع.. ألحين كبرت صارت تعارض بشي يولع قلبي..يعني الصياح والبكى أنا ماهمني.. لكن الظرب ما أقدر أتحمل.. أخاااااااااااااااااف عليها..


على العموم يعطيك العافية .. ونبهتيني على قسوتي وصرامتي عليها.. ويمكن هذا اللي زادها..

راح أحاول أحتويها وأتفرغ لها لحالها..يمكن تحس بالحنان شوي..


وبالنسبة للبوسه بوستها لك.. تراهي طعيمة..

يعطيك العافية ياقلبي..

وربي يرزقك وحدة تقر عينك دنيا وأخرة..

وتكون تجنن مثل بنتي شكلا:15: .. لا تخافين !!! تراهي حلوة بسم الله عليها ..

بس أخلاق وأطباع أحلى من بنتي يارب..ولا يحرمك الذرية..