|
طليقي في بالي وانا في باله ومو قادره اقرر
مرحبا
...... خواتي واخواني سبق وكتبت موضوع في هالقسم ما ادري شسوي انا تطلقت وبكمل سنه وانخطبت وزواجي عقب شهرين اذا الله اراد خطيبي عايش بشقه بروحه صارله 4 سنين اخاف يكون ....؟ خاصه اني سمعت انه كاااااااااااان زير نساء ابي اقوله يسوي فحص بس ما ادري اشلون اخبره من دون احراج وفي جانب اخر هو انسان طيب كثيييييير ومايترك صلاته انا سألت عنه بنفسي واهلي سألوا الناس احبه ماادري اذا احبه احس اني احبه ومرات احس اني تعلقت فيه لاني لقيت فيه اللي مالقيته في طليقي وهو الاحترام والتقدير وفي نفس الوقت العيشه في بيت ابوي مستحيله كل يوم اسمع كلام يسم البدن نجي على طليقي صاير يراسلني اونه يسأل عن ولده بس انا اقوله اذا الولد في شي بخبر يتم هو يراسلني غير انه كلم عمتي انه يبي يردني وقام يزور ناس من اهل امي كانه يبي يرد المياه لمجاريها احن له تصدقون ويكسر خاطري ولمن يجي ياخذ ولده اسوي فوق وتحت عشان انا اطلعله مع انه اهلي رافضين اني انا اللي اطلعله الولد واذا حد من خواتي هم اللي طلعوا ازعل واتم افكر فيه ما اقدر ارجعله لانه طلقني رغبه من اهله يعني اهله يمشونه غير انه حاول يعتدي علي وانا مطلقته ما اجوز له طلعت من النار ما ابي اعق روحي فيها من جديد بس اشلون انساه تراه اللي يذكرني فيه انه كان حنون مره معاي وكان يحبني بس عقله صغير حياتي بايد امه الله ياخذ حقي منها ولانه ما زال يحبني ويبي يردني ف بيصعب الامور علي راح يعاندي وياخذ الولد مني وينغص عيشتي ولدي خطيبي والله انا بين نارين شسوي |
صلي الاستخاره حبيبتي
الله يختارلك اللي فيه الخير |
عزيزتي انت تكلمتي بقلبك بس
لكن عقلك وش يقول لك ينفعلك طليقك ؟ يعني لو رجعتي له ماراح تكرر اللي صار قبل ووصله للطلاق ؟ هل تغير فيه شيء؟ هذا بالنسبه لطليقك اما خطيبك فمهما كانت اجابه السؤال السابق انصحك تاجلين زواجك لحد ماينغسل من قلبك الاول عشان ماتتاثر حياتك الجديده مع الثاني ولا تظلمينه اما موضوع الكشف فانا سمعت ان بعض دول الخليج وضعت كشف الزامي لكل العريسين قبل عقد القران مو بس لمثل هذي الامراض بعد عشان مدى الاستعداد الوراثي للامراض الوراثيه واذا فصيله الدم مناسبه لبعض او تحتاج تدخل طبي لكي يستمر الحمل في المستقبل كل هذي التحاليل مع بعض قبل العقد اذا بلدك ما فيه انت اطلبي كشف الزواج اللي يحمل كل هذي الفحوصات طبعا الفحوصات لكم انت الثنين وبكذا ماراح يكون فيه احراج له |
بسئلك سؤال وتردين بصراحه ..
بكل شفافية .. انتي ودك ترجعين له ولا.. لا ... |
انتي قلتي انو انتي اللي طلبتي الطلاق
واللي نعرفو ان اذا الزوجه طلقت لا يحق لها الرجوع لذلك انسيه ولا تدعي للشيطاااان طريق ومن ثم لازم يكون لك درس عشان ما تكرري طلب الطلاق من الثاني وتحرميه على نفسك وترجعي تندمي انسسسسسسسسسسسسسسسسسسسيه لا يجوز لك انها وساوس شيطااااااااااااان |
انا احن له ودي ارجعله بس نعيش في كوكب اخر بعيد عن اهله وهذا مستحيل
وابي ابدأ من جديد مع خطيبي ابي انسان يقدرني ابي تنسى طليقي وللعلم انا ماطلبت الطلاق هو اللي طلقني في بيتي بعد ماباسني وحضني وقالي انا ريلج |
غاليتي غرين كيف ما يجوز لها ؟
هذا طلاق وليس خلع .. ويجوز لها ارجاعها لعصمته ما دامت ليست طلقة بائنة :) .. اختي الكريمة خلي عواطفك على صوب وفكري بعقلك .. جيبي ورقة وقلم وسوي جدول حطي اسم خطيبك واسم طليقك وضعي سيئاتهم وحسناتهم واجلسي مع نفسك جلسة صريحة وقارني وشوفي مع من ستكون راحتك اكثر فكري فيها من كل النواحي... راحتك ، نفسيتك ، الحالة الاجتماعية ، المادية ، ابنك ، حريتك ، طلباتك .. لا تخلي شي إلا وتفكري فيه بعدين تعالي اقولك طليقك جلس فترة ولم يبدي رغبته بارجاعك بشكل رسمي ليش تستبقي الاحداث؟ ما فكرتي انه يمكن يسوي هالحركات علشان يمنعك من الزواج فقط ؟؟؟ وممكن اذا فضيتي خطبتك ما يجي يخطبك ! وتكوني خسرتي خطيبك اللي شاريك ! فكري عدل |
اقتباس:
حبيبتي هذا كلام اختنا هي وليس انا واللي اعرفو انو وقت الزوجه تطلق لا يجوز ان ترجع لزوجها اما اذا الزوج طلق فيحق له ثلاث طلقاااات افتونا يا حلوين |
اقتباس:
يا اختي اذا كنتِ لا تعلمي فلاتفتي بل اسألي:18: الزوجة لو كانت هي اللي طلبت الطلاق وطلقها يجوز له مراجعتها في العدة والعدة لابد ان تقضيها في بيتها اي بيت طليقها فهو مازال زوجها ولاتخرج منه الا بعد انتهاء عدتها اما الخلع فلا يجوز مراجعتها الا بعقد ومهر جديد...فهو يعتبر طلقة واحدة فقط وتحرم عليه وعدته حيضة واحدة...لما صح عن سنن ابي داود |
الغالية قرين
ليس صحيح بأنه اذا كان الطلاق منها ماترجع له الطلاق بالشرع ثلاث طلقات اثنتان رجعيه والثالثه بائنة لارجعة له الا بعد زواجها من آخر وطلاقها منه وبالنسبة لك أختي خليجية صحيح انه شئ صعب وحيرة لانهاية لها ولكن لابد لك من الإستخارة لو في اليوم عشر مرات لابد ان تستخيري الله فهو اعلم من الخلق بما هو خير لك فكري بعقلك لابقلبك ضعي ايجابياته وسلبياته بورقة واحكمي عقلك كذلك بالسنبة لخطيبك اذا كان مازال زير نساء كما تقولين ولم يتب الى الآن فأنا أنصحك ان تسألي اكثر عنه لتتحققي ولابد ان تضعي بمعلوميتك انك ستتعبين معه كثيرآ لأن الغيرة ستتوقد بقلبك ولن ترتاحي الشئ الآخر لاتعلمين ماذا من الأمراض ينقلها لك أصعب شئ الزنا فهو من كبائر الذنوب فانتبهي ولا أعلم هل ستضمنينه أب لأولادك مستقبلآ وهل تضمني حسن تربيته لهم هل تضمني عدم شكه بك نظرآ لكثرة مارأى من النساء وبالتأكيد اصبح لديه خبرة كبيرة في هذه الأمور فكري بعقلك ياغالية واستخيري واستخيري واستخيري |
| الساعة الآن 08:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©