|
بعد سنه من المشكلة
رابط المشكلة السااابقة
http://www.66n.com/forums/showthread.php?t=187092 سلام عليكم يمكن تذكرون قصتي قد طرحتها قبل سنه وما زالت المشكلة قائمه والان وصلت المشكلة الى الحل الاخير وهو الطلاق لعدم تعاونها معي لحل المشكله وهي التي طولت السالفه وخلتها مستمره سنه كامله وجعلت الناس تتكلم وتخرج ايشاعات وبعدها تجي تلومني على كلام الناس عليها مصيبه المره اذا مالقت من يعقلها او اهلها ماشيين على هواها تضيع مستقبلها و هم يتفرجون اخر كلام مع اخوها لما كلمته يقول خليتوا الناس تتكلم خلال السنه عليكم قتله دقيت عليك اول ايام المشكله ومارديت علي وقتها ولا حبيتوا تتفاهمون وقتها وبتصرفتك خليتوا الناس يتكلمون لو قاعدين من اولها متفاهمين بقاعدة اما بمساك بمعروف او تسريح بأحسان مو افضل قال نعم معاك حق كان تعدلت امور كثيره قتله الحين اللي تكلم تكلم واكثر وحده متضرره بنتكم من الكلام انا رجل مايهمني شي والكل عرف اني كنت ماد ايدي للتفاهم من اول المشكله وانتوا مترفعين عن الشي هذا تحملوا مايجيكم الان المهم بالموضوع انه تطلبت الزوجه الكريمه انها علشان ترجع لي 1000 دينار كويتي وخدامه واني لا مد ايدي عليها وان اعتذر عن اللي سويته فيها مع العلم اني لم امد ايدي عليها الا بعد ماسبتني واهنتني وطلبت منها انها تعترف وتعتذر من السب قالت لا انا ما اعتذر ولا اضمن نفسي اني اسبك مره اخرى يعني بالعربي راح اسمع منها سب وانا مفروض علي اسمعها واسكت ياسلام طبعا انا ماوافقت على شروطها وشفت انه الطلاق هو الحل لنا الاثنين انا ما قبلت اني اتكلم معاهم الا لوجود بينا ولد الله يحفظه من كل شر والان انا نفسيتي تعبانه والنوم مخربط وموقادر اركز في عملي بسبب الموضوع هذا لانه مكدرني حيل وابي اخلص من الموضوع هذا بأسرع وقت بشوف حياتي ادعولي تكفون يا اخوان وياخوات والمصيبه لما ماتشوف احد من اهلك واقف معاك الحمدالله على كل حال |
صلي استخاره وكلم اهلها تاني يمكن تكون عقلت
فكرها بابنها واضرار الطلاق الله يخنارلك اللي فيه الخير |
استخير الله وان شاء الله الله يرشدك الى الخير والصواب
|
لا حول ولاقوة إلا بالله
الله يصبرك ويعوضك خيرا منها |
الله يفرج همك
ويختار لكم الخيرة الطيبة |
الله يفرج همك
ويختار لكم الخيره الطيبة الزم الدعاء .. والله بيفرجها إن شاء الله أنت رايتك بيضاء .. وربي بيعطيك على قد نيتك .. |
السلام عليكم
انا قريت موضوعك بالكامل من البدايه،،، ولي فهمته انك انت لي تبى الصلح ، وتبى الامور ترجع مثل قبل وتمشي ، وترد المياه لمجاريها،،،،، والله العظيم وانا بكون صريحه معاك بس ارجوا عدم الحساسيه!!!!!!! انا لي شايفتنه انها اهي عافتنك.....!! لأن بالعقل مافي مرأه تبى ترد لبيتها وريلها وتعقد الامور اكثر ،، نقول انها تبي تحسسك ان عندها سند تستند عليها: اوكي مافي إشكال تتم اسبوعين، ثلاث نقوووووووووووووووووووووووووووول اربع إذا انزاد,,, بس ماتم سنه فبيت اهلها وكل ما شافتك تبى الصلاح بينك وبينها تحط لك شروط: لها حق انها تحط إذا انت الغلطان من البدايه بس لي انا شايفتنه انها اهي لي بدت بالغلط والحرمه لي تسب وتشتم ريلها ، صدقني مافيها خير له وحتى إذا ردت ماراح تكون العلاقه ممتازه بينكم، دام الاخت الكريمه قاعده تقول: " والله انا ما اقدر اضمن نفسي إذا: بسب او اشتمك ولا ،، لا " بذمتك هذا كلام وحده عاقل !!!!!! لا والمصيييييييييييبه انها تباك تحلف انك مابتمد ايدك عليها ،، خليها تصلب روحها وتتربى عدل وأنت بتحطها فعيونك ولا بتقصر فيها.. والله فهالزمان العجب كله موجود:لو حقرتها من البدايه وحاولت بالمرات الاولى وعقب طنشت صدقني هي لي بترد لك ، بس الاخت عاجبنها الموضوع شايفك كل ساعه والثانيه تبى الصلاح وتبى تردها،،، وهي ماتصدق ماخلت شرط إلا وحطته ،، ما اختلفنا شروطها عاديه وانت تقدر تلبيهن بس المشكله مو الحينه المشكله يوم ترد ،، صدقني ماراح تسلم من المشاكل دام طباعها جذيه،، دام اخواتها مسلطين عليها وماعندها كلمه ودامها ماتحترم اهلك مافيها خير لك ولا بتعاونك فحياتك إذا لاسمح الله طحت فمشكله وكنت تبى منها العطف والحنان والمواساه. وتباها تشد من ازرك ومع هذا صلي استخاره عشان تكون حازم فقرارك ومرتاح السموحه ع الاطاله واتمني انك ماتزعل من كلامي وتتقبله ، وياريت لو اني ساعدتك ولو بالشي القليل |
اشكركم جميعا على ردودكم ومروركم واحب اطلعكم على تطورات الموضوع اليوم رحت لهم البيت كالعاده اعطيهم مصروفهم ومعطيهم اكثر من حقهم ثلث راتبي وكنت قبل شهر متفق مع اخوها وابوها انها فتره تردون على نهاية الموضوع بعد العيد وسئلت ابوها ها وش اخر الموضوع شوف وش رد على يقولي والله ما ادري مابيدي حيله ياحيف على الرجال اللي ماله كلمه في بيته ولا له حيله الحمدالله الله لا تبلانا بس قتله اجل من اللي له حيله في بنتك قالي مدري قتله اجل تبي اطلبها عند القاضي ؟ قالي ليش قلت علشان نعرف منها كل شي قال لا سو اللي تبي اسويه قلتله اطلق ؟ قال كيفك قلتله خلاص خلها تجي عند القاضي علشان نخلص ونطلع بالمعروف ونتفق على الولد ورؤيته قال الولد تشوفه عندي هنيه قلتله لا انا لي حق اني اخذه معاي يوم كامل وهذا حق قال لا , ياجماعه الحين صار عنده حيله ياسلام قتله شلون هذا قلتله خلاص اجل الوعد عند القاضي انا جيتكم بالطيب ومانفع معاكم ولي سنه ماد ايدي لكم بالخير والاحسان لكن مانفع معاكم انتوا اللي حديتوني على المحكمه وطلعت وخليته . وانا الحين محتار في عقليت هذي الناس في الحياه كيف اتفاهم معاهم وكيف اكسب ولدي منهم وشكرا لكم وتعاونكم |
والله العظيييييييييم الغلط كله منك
انتي عطيتهم ويه زياده عن اللزوم الاب نفسه مافيه خير ماعندك الا انك تروح للمحكمه وهي لي بتعدل وانتي واايد تساهلت معاهم وعطيتهم سالفه زياده ولا تزعل اذا خسرتها لان هيه لي خسرتك لاتنسى ربك مايضرب بعصا ، ويمهل ولا يهمل والله بيردلك حقك فالزوجه الصالحه لي تستاهلك وتقدر قيمتك وبيعوضك خيرآ منها |
اخي العزيز انا اللي اعرفة حتى لو كان الزوج هو الغلطان .... مو من حقها تسب وتشتم ..... اذا تبي رأيي ..... زوجتك غريبه اهلها يدرون انها تسبك وتشتمك ... وساكتين .....وما انصفوك ..... او فهموها ان هذا عيب .. وغلط..... ترد عليك بكل وقاحة ..... ما اظمن نفسي اني ما راح اشتمك او اسبك ..... للأسف هذا النوع من الحريم ....ما عليها حسوف ..... |
| الساعة الآن 10:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©