|
تعرفت على شخص عن طريق الجوال
السلام عليكم ورحمة الله وبركاته
ساعدوووووووني بحل مشكلتي وقسم بالله لأدعيلكم اولاً انا بنت عمري 19 اكبر وحده بالعايله ماعندي احد اشكي له عشان كذا جيتكم وكلي أمل .....ابدأ معكم انا من سنتين والحين ابدخل ثلاث سنوات تعرفت على شخص عن طريق الجوال مو من منطقتنا وصرت اكلمه باليوم اكثر من عشر مرات ارسلت له صورتي واجلس معه بالساعات اكلمه فيديو بالماسنجر حبيته انجنيت فيه لدرجة بالمدرسه افكر فيه ومأركز يعني كنت اسمع شي اسمه حب بس ماتوقعت يصير لي باليل مأنام لحد اكتب خواطر او شعر والصباح اقراهم عليه لحد جاء يوم وحست أمي فيني لقت الرقم ودقت عليه وعرفت انه ولد حرمتني من الجوال اسبوع ورجعته عرف ابوي وتغطي علي أمي عنده لدرجه ابوي هدد امي بالطلاق وانا السبب مشت أموري تعلقت فيه وقبل 5 شهور طلب يشوفني قلت بنت الأصل ماتسوي الشي هذا بعدين قال بنفترق لأني ابلتزم وأتزوج أهلي خاطبين لي بنت عمي انا انقهرت وجلست ابكي وهو مـعي على الخط مو ابكي>>>شعور مايوصف كأن احد متوفي مـن اهلي كرهت الأكل كرهت أطلع تعبت علمته باللي صار فيني قال خلاص ابغى اجل الزواج بعد سنه >>>انا اللي يعجبني فيه انه بار باهله ويصلي بالمسجد المهم قبل شهرين لقى اخوي الصغير رساله بجوالي وكاتبه اسمه على فكره أمي تعرف أسمه تلقاه كذا مره بدفاتري حقت الشعر المهم ابوي عرف بالرساله حرمني من الجامعه اللي هي حلم عمري بعد واسطه وترجي وافق ابوي بس مو اكيد >>> وجاء ابوي عندي هو وأمي ويبكون عندي ويقولون حنا نسوي الشي هذا لأن حنا خايفين عليك>>>اصعب شي على الأنسان ان يشوف دموع اهله قدامه>>ترى مع هذا كله هم مو متأكدين اني اكلمه للحين بس شاكين فينيي قلت انا للحبيب الغفله عن قصتي قلت انا احبك ومستحيل اخليك والحل ان حنا نتزوج قال ودي اتزوجك بس صعبه اهلك بيسألوني وأهلي وكيف عرفتها>>يعني يدور حجه يقول خليك واقعيه نعيش حب صح بس زواج صعبه مشيت انا السالفه زل مره لساني قلت له ابشوفك بشقه يعني اغيب عن الجامعه واروح مـعك بعدين جاء يوم وشفت ايميل بنت عنده وقال ماتقربلي وانا مسحته عرفت انه واحد لعاب وقلت له انسى الشقه والحين مزعجني يقول ألا ابشوفك وبينا طاوله واذا خايفه مني جيبي صديقتك>>> على فكره صديقتي هي اللي وحيده بالدنيا تعرف وهو يعرفها من معرفتي اذا كلمني يقول سلميني عليها ومره يقول قوليلها ابطلع معها لكن انتي الحب وهي لا وزي كذا.. تكفوووووووون ابي ردودكم ولاتقولون خليه انا صعب اتركه مع انا دعيت ربي انه يصرف قلبي عنه طول العشر اللأواخر من رمضان لأن انا الحمدلله اصلي واصوم واقرأقرآن بس علاقتي معه هو الشي الوحيد اللي مكدرني تكفوووووووووووون ريحوني |
اخت اسيره انتي باقي مراهقه وهذا حب مراهقه وينتهي لاتهدمين مستقبلك وتضيعين نفسك على واحد مايستاهلك جمدي قلبك واقطعي علاقتك معه واشغلي نفسك بذكر الله واكثري من الاستغفار وخلي هالدعاء على لسانك على طوول ( اللهم أغنني بحلالك عن حرامك ) ادعسي على قلبك ترى الدنيا ما تسوى والله يرزقك بولد الحلال اللي يستاهلك اللهم اغنها بحلالك عن حرامك اللهم خفف على قلبها واشغلها بذكرك اللهم ارزقها زوجاً صالحاً اللهم احفظها وابعد عنها كل مكروه يارب العالمين الله يحفظك ويسهل امرك |
اخي ابو جوري الله يوفقك ويسعدك ويغفرلوالديك ويخليلك جوري وربي انه اسعدني مرورك ومشكور وابشر بدعواتي لك
|
أختي الكريمة وفقك الله / الرجل وضح لك وجهة نظره في موضوع الزواج وأنه أمر صعب فلماذا تريدين الإستمرار في هذه الدوامة التى تغضب الله عزوجل .. فكري بدينك فكري بأهلك فكري بالمجتمع هل يقبل بفتاة على علاقة بشاب ؟؟ كيف تهون دموع والديك عليك ؟؟ لهذه الدرجة حب هذا الرجل طغى على حب والديك والوفاء لهم.. وجدتي ايميل فتاة أخرى يريد مقابلة صديقتك ماذا تريدين أكثر من هذه الأدلة على سوء أخلاقة أختي الغالية : ليس كل من قال أنا بار بأهلي ومحافظ على الصلاة تصدقيه أنتي تتعاملي مع عالم مجهول مع كلمات تكتب او تسمع لاتثقي بأي شاب يقدم على التعرف وأعرفي انه لايريد الخير لك .. غاليتي // - إجعلي وقتك عامر بذكر الله عزوجل .. - إلزمي الإستغفار وقراءة القرآن وحفظه .. - إهتمي بدراستك وأجعلي مستقبلك شغلك الشاغل .. - حذاري تذهبي معه إلى الشقة لأن خروجك يعتبر نهايتك .. فأنتبهي وحافظي على نفسك .. حاولي تشوهي صورة هذه الإنسان في عقلك حتى تستطيعي السيطرة على قلبك فهو يريد الشر لك .. أسأل الله العلي القدير أن يوفقك ويهديك لمافيه الخير والصلاح.. |
انا استغرب من البناب وتصرفاتهم
يعني ما مرت عليك قصص من هالنوع؟! ياكثر الشباب اللي ضحكو على بنات مثلك بعدين تقولي انه بار بأهله ويصلي ضحك عليك وانتي بدورك صدقتي يا اختي (الصلاة تنهى عن الفحشا ولمنكر) واللي قاعده تسويه انتي وياه المنكر بعينه والله ما ادري كيف هانو عليك امك وابوك استعيني بالله واقطعي علاقتك فيه قبل لا توصلي معاه لشي ما يرضي الله الله يهديك |
الله يجزاك خير يأخت ورده ويسعدك دنيا وآخره ويجعلك من الذين يدخلون الجنه من غير حساب
قسم بالله اني اقرأ ردك وابكي لأني حاولت كذا مره ماني قادره اتركه غير كذا صديقتي مالي احد غيرها اذا قلت لها قالت عادي روحي ومراح يضرك لأنه وعدك بشي هذا طيب انا مستغربه من شي انه يحلف انه يحبني ويقول صعب انه يتزوجني>>ابفهم كيف تجي واذا قلتله يتهرب من الموضوع ويحلف لي بأهله وأنه ماراح يضرني بشي لأن صوري عنده وموراضي يمسحها |
الهدى
شكرا على المرور الله يجزاك خير ويوفقك دنيا وآخره ويسعدك حنا سمعنا عن قصص كثير بس الوضع يختلف لأنه يحلف انه يحبني وماقد صار انه يغصبني اخرج معه ولا يهددني يعني اسلوبه بالأقناع مسألة الصلاه هو يقفل من عندي اذا اذن ويروح الصلاه والشي هذا انا متأكده منه لأن لي سنتين ونص معه |
علـيـكم السلام ورحـمـة الله اختي الكـريــمـة أسـأل الله أن يـنـزع وهم حبك لهذا المبتز من قـلبـك، ويملأ قـلبك رضـا وطمأنينة ويرزقك زوجا يملأ قلبك سعادة وسرورا.... اختي حـكـمـي عـقـلك وضميـرك الحـي، تجـاه وضـعـك وعلاقتـك مع هـذا المبـتـز - الصـورة المثالية لهذا المبتـز في ذهنك هـي وهـم وكـذب....وما قاله عن نفسه دجـل للأسف انطلى عليك لغـلبـة المشاعـر الزائـفة والتي للأسف صـدقتها، رغـم دلائـل كذبـه ووحشيته..!! واستـغـرب أن دلائـل كذبه وإرادته الشر لك لم تتجلى بعـقـلك وامام ناظريك لتقنـعـك بالفـرار منه فها هو قد طلب مقابلتك ومقابلة صديقتك ،،، وما اكتشفـتـه ان لديه علاقات عدة... يـعـني وحش مفترس ويبحث عن ضحايا....وأي مقاومة وحيدة منـك سيحاول إبـتـزازك واستغـرب اصرارك وطلبك على الزواج منه، مـع ان أمـثـاله هـم الخـطـر عليك وليسوا مؤهلين للزواج اصلاً.. والله اعلم إن كلامه ان أهله بيزوجـوه بنت عمه ، كـذبـة!! لإيـقـاعـك اكثر وأكثر في حبال كيده.. ومثلها تمثليه بذهـاب للصـلاة، وهـل إذا اقفل الجـوال وقت الصلاة ،يعـني ذهـب للمسجد....؟!! وهل رأيته يتوضأ ويحث الخطأ للمسجد... ولا تقولي انا متأكدة ،،، فأنت واهمة...!!! ثم الصـلاة تنهى عن مثل هذه الأمـور، وهي فحشاء ومنـكـر.... والله جـالس يـخـدعـك ويلاعب فيك، وبـنـفس طـويـل وملـعـوب، حتـى يستمكـن من قلبك وعقلك ، ولن يستمكن منك إلا إذا مكـنت له، وصدقت أكـاذيـبـه.. فـأيـن قلبك وعقلك ومراقبـتـك لله عز وجل... أتـدريـن ما هي مشكلتك الحـاليـة اختي وما الذي تخـافـيـن منـه؟ وجعلك اسيرة فـي قـيـوده... هي المشاعـر المزيـفـة والعـواطف الوهمية التي تختلج في صدرك، وتشعـري بألمها لما تـفـكري بـتـرك هـذا المبتز.... بالإضافة لوسوسة الشيطان لك وتثبيطه لك لـتـركـه، و يتلاعـب بك لتـستمري بمطاردته ، وستكون النهاية لا قدر الله - التنازل عن شرفـك وعـفـتـك ، وذيك الساعة لا ينفع الندم... ثم ألفت نظـرك انه اي تحرك عاقل من جهتك للخـلاص منه، قد يثير غضبه، ثم يلجـأ لإبتزازك بما يملكه عليك من ادلة مادية.... لذلك انصحـك ان تتواصلي مـع الخـط السـاخـن للحماية من الإبتـزاز بإشراف مركز آسية للإستشارات التربوية والإجتماعية قائم عليه طاقم نسائي .... لذا اطلب الإذن من المشرفـين لنقـل المقال والرابط من موقـع لجينيات ، لأني لا أثق بأي موقـع اخر غيره؛ فاحتمالية التـبديل في أرقـام الإتصـال واردة... أسأل الله ان يفرج همك ويبصرك بحـالك ويكفيك شـر الأشـرار وينصـرك على الشيطان وأعـوانـه.... عزوبي:21: بس:d رجل:30: |
اقتباس:
ولكِ بمثل مادعيتي أختي الفاضلة .. أسمحي لي هذه ليست صديقة .. التى تسعى إلى إنحرافك عدوه لك خروجك مع رجل غريب والذهاب إلى شقة عادي بنظرها .. أستغفر الله العظيم وهي كيف عرفت أنه ماراح يضرك ؟!! أنتبهي من هذه الصديقة فلاتعلمي ربما هذا اتفاق بينها وبين الشاب للوقوع بك فلايوجد صديقة تحث صديقتها على معصية الله عزوجل ولاتخافي من تهديداته وكلامه لانه لايستطيع فعل شئ وكلي أمرك لله عزوجل ( وَمَن يَتَوَكَّلْ عَلَي اللَّهِ فَهُوَ حَسْبُهُ ) إخلصي نيتك لله تعالى توبي إلية وإمحي هذا الإنسان من حياتك وعليك بالدعاء قال تعالى : ( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ ) ( سورة البقرة : 185 ) |
شوفي يا اختي الكريمة انا بريحك وبا اقولك كيف يفكر هو لاني شاب مثله واعرف كيف يفكر الان يقول في نفسه ما باقي الا اتزوج هذي لو فيها خير ماكلمتني وارسلتلي صورها وش يضمنلي بكره تكلم غيري او ايش يضمنلي انها سبق وكلمت غيري هذي ماتصلح تصير ام لعيالي وهذه العائلة الي تاركه بناتها على كيفهم ما يشرفني اني اناسبها لكن خليني انبسط معاها شوي وبعدين احاول اضحك عليها بكلمتين وطلعها وبعدين انساها وادور على غيرها واذا بغيت اتزوج بدور على بنت الحمايل المتربية الي تخاف الله و لايمكن تتعرف على شباب وتكلمهم من وراء اهلها والي اهلها يرفعون الراس ابي وحده اذا غبت عنها حفظتني وحده تكون مربية و قدوة صالحة لابنائي صدقيني يا اختي هذا الي جالس يقوله هذا الذئب البشري لانه لو كان فيه خير ما جلس يكلمك ويطلب منك ترسلين له صورك واضح انك مراهقة والرجال قاعد يستغلك فلا تصيرين مغفلة بكره تندمين حين لا ينفع الندم وتذكري انك بتصيرين في يوم من الايام ام فهل تحبين ان تكونين تلك الام الصالحة الشريفة ام تلك الام التي يخجل الابناء منها ومن ماضيها الله يحفظنا ويستر على بنات المسلمين |
| الساعة الآن 12:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©